.
.
هم راح يتقربلك احد مثلي ؟
صوت الگلب اتمنى
مره تسمعه
الصعدك فوك چِتافه
ليش توكعه !
ماجنت ادري بكلبي كلب الجلاد
فراشه راح توجعه
متوقع انا الشمس تطلع بالليل
وفراك وجهك جنت مو متوقعه
وراسي نزل ياريت بس الدمعة
★___________________★
#رحيلك_قاطعني_لأوصال_ألندم
للكـاتبة : اسمـاء عَبد
البارت : الـ24
★___________________★
رشا : اااااخ يمممممة الحكيلي اااااخ
فاطمة : بس حاجيني شبيهاااا ليش هيج حالتها
رشا رشاااا عايني هني عايني
زينب : وكعت وكعت وكعت تعاااااي الزميها تعاي
فاطمة : انه الزمها وانتِ اركضي الامي
زينب : يممممة نازله الها
ام نمر : شلي صاير حبوبة ليش هل عياط
زينب : مااعرف عمة ماعرف رشاا تبجي ولازمة بطنها
ام نمر : ياااااع بس لا راح تطرح الفرخ
صيحي امج بساع خل تاخذها
زينب : هوة رايحة الامي
ركضت الامي واني ادور عليها لكيتها برا تخبز
كتلها اركضي اركضي رشا راح تموت
طفت التنور واجتي تركض وياي صعدنة غسلنة الها ولبسناها ندك ع طارق ميجاوب وراشد هم
بهل لحظة طب ابراهيم للبيت امي كلتلة الله جابك
شغل سيارتك وفعلاً شغل السيارة رحنة انه وياها
وامي وياحزنه بهل يوم طلعت فعلاً طارحة الفرخ
ضلت بالمستشفى منا لمن تحسن وضعها
طلعناها ورجعنة للدار لكينة الكل موجود
طبيت اركض رتبت مجانهة
وكعدتها تحمدو ع سلامتها وضلو كاعدين
كلهم صحت فاطمة للمطبخ اجتي وراي
فاطمة : خطية والله تقهر انوب طارق مادري شبلا
كالب وجهه عليها
زينب : معليج بيناتهم شلنة غرض
طلعي كيك وسوي چاي بسرعة بين ما
اغسل وابدل واجي
فاطمة : صار
فتريت بالمطبخ طلعت مواعين ورتبت الكيك
وسويت چاي لفيت شالي عدل
وطلعت كعدت ع عتبة باب المطبخ وانه صافنة
ع السماء طلع ابراهيم يخابر
ضليت اعاين عليه معقولة هذا مختارة كلبي
ليش هيج خايفة چا
وهوة حنين وحباب ماهو يأذي ليش هل خوف
يصير خايفة خاف مانصير البعض اي ممكن
ليش لا رجع سد التلفون وفات
من باب الشارع صارت عيني بعينة عاينلي وابتسم
أنت تقرأ
رحيلك قاطعني لأوصال ألندم
Mystery / Thrillerبِيِّنِ أّلصٌوِأبِ وِألخَطأ ستّجد ألضّيأع أّيِّنِ أّلمَفِّر وِأّينِ أّلَهِروِبِ مَنِ ألاهِلَ وِمَنِ الَحٌبِ وِمَنِ ألَزمنِ أينِ َّستّقِعٌ هِذّهِ أّلَبِنِتّ ألوِحٌيدةّ أّلَذّيِّ تّنِأجِي أّهِلَهِأّ دِوِمَاً وِلَمَ يكنِ لَدِيهأ اهِلَ مَأّهِذّهِ أّل...
