نرمين محاميه شاطره جدا و طبعا بحكم ظروفها الغامضه مش بتمسك غير عدد قليل من القضايا ومع ذلك بتحقق ارباح كبيره
وسيمه :- انتى لازم تطلقى يا نرمين
نرمين :- انتى مش لاقيه حاجه تعمليها جايه تقوليلي اعمل ايه و معملش ايه
وسيمه :- انتى كدا هتكشفى سرنا و كدا مينفعش احنا قولنا كل واحد ينام شويه على ما التانى يخلص مصالحه تقومي تروحى تتجوزى
نرمين :- وهو الإنسان المناسب اللى اخيرا عرفت تلاقيه لو مش عاجبكوا ناموا و سيبونى انا
وسيمه :- انتى اتجننتى صح الراجل دا لاعب فى دماغك و كمان احنا فى الدنيا دى عشان نلحق ملك ملك هى اللى عملانا
نرمين :- ملك مين احنا اللى عملنا نفسنا ب نفسنا هى صحيح فين ملك
وسيمه :- اكيد هربانه من الواقع ك العاده
نرمين :- لا بس دا مش طبيعي هى بقالها كام يوم ؟
وسيمه :- من ساعه كتب الكتاب من ساعه اللى حصل دفنت نفسها و انا طلعت اللحق الجوازه دى
نرمين :- طب روحى انتى يلا ونشوف اخرتها معاها
لتخرج نرمين من الحمام مبتسمه لزوجها
نرمين :- ها هتغديني ايه انهارده
اسامه بصوت منخفض :- صينيه بطاطس
نرمين :- ايييه مسمعتش
اسامه :- بقولك صينيه بطااااطس بالفراخ
نرمين :- يا سلام اوس اوس حبيب قلبى انت
اسامه :- نرمين هو انتى كنتى بتكلم حد فى الحمام
نرمين :- لا ابدا ليه
اسامه :- اصل سمعت صوتك ف استغربت
نرمين :- لا دا انا حتى مكنش معايا الفون
وكمان يلا ناكل مش المفروض هتسافر شغلك انهارده
اسامه :- ايوه هتعملى ايه بقى في غيابى
نرمين :- ولا اي حاجه هروح ل بابا و ماما اقعد معاهم على ما اخلص القضيه اللى معايا
اسامه ب ابتسامه حنونه :- ماشي يا حبيبي انا هدخل انا بقى اعمل تليفون و اخد دش و نزل
ليذهب اسامه و تحمل نرمين الاطباق و تدخلها المطبخ
ثم تودع اسامه و تذهب ل أهلها
نرمين :- حبايب قلبى اللى وحشنى
احمد :- كدا يا جزمه تغيبي علينا دا كله
نرمين :- معلش يا حج انت عارف اللى فيها
احمد :- طب يلا ادخلى ماما قاعده فى الاوضه
لتدخل نرمين بمرحها المعتاد :- اللى واخده القلب و العين ولا عمرى ما شوفت زيها فى الدنيا اتنين
امنيه بمرح :- قنبله الجيل اللى بتلعب على اللي يشيل
نرمين :- الا الا الا دا احنا بقينا بنحظ اغانى
انحرفتى يا حجه
امنيه :- بس يا جزمه
لتاخذها فى حضنها :- يلا عشان أكلك
نرمين :- لاااا لسا اسامه رزعنى صينيه بطاطس جابت أجلى
امنيه :- صحيح جوزك عامل ايه
نرمين :- اهو بيقاقى هناك اااااا اقصد مسافر هناك فى شرم الشيخ
امنيه :- انتى مشكله هو عشان كل مره بيعملك صينيه بطاطس بالفراخ بقى بيقاقى
نرمين :- طالع ل أمه شبه الفرخه بس وهى متحمره
امنيه بضحك :- امال اتجوزتيه ليه يا شملوله
:- نرمين وهى ترمى نفسها على السرير :- هححححححح بحب طبخه طعمه حلو
امنيه بضحك هستيرى :- يارب صبرنى عيله هبله قومى قومى زمان ابوكى قاعد بره
والان كيف ملك يتيمه و نرمين لها والدين وهما نفس الشخص ؟؟
