အတွေ့ကြုံတွေကသင်ပေးခဲ့သည်။

မျှော်လင့်ခြင်း

မျှော်လင့်ချက်မထားပဲနေကြည့်ပါ။

မျှော်လင့်ချက် မထားပဲ ဖြတ်သန်းရမည် ဆိုလျှင် ဘာအကျိုးဆက်တွေ ဖြစ်မည်နည်း။

မျှော်လင့်ခြင်း

လူတစ်‌ယောက်သည် သူပေးဆပ်လိုက်ရသည့် တန်ဖိုးနှင့်တူညီသည့် အရာတစ်ခုခုကိုတော့ ပြန်လိုချင်သည့်မျှော်လင့်ချက်ရှိတတ်သည်။ အချိန်၊ ငွေ၊ မေတ္တာ၊ ကရုဏာ စသည့် အဖိုးတန် တစ်စုံတစ်ခုကို ပေးရသည်ကလည်း ဝမ်းသာပီတိဖြစ်စရာ တစ်ခုပါ။ မိဘမေတ္တာကလွဲလျှင် ကိုယ်တိုင်ကရော တစ်စုံတစ်ယောက်ကရော တစ်ခုခုရပြီဆိုလျှင် ကိုယ်ပြန်ပေးချင်သလို တစ်ဖက်ကလည်းမျှော်လင့်နေတတ်သည်။

မျှော်လင့်သည့်အတိုင်းသာ ဖြစ်လာခဲ့လျှင် သို့မဟုတ် မျှော်လင့်သည့်အတိုင်းအတာထက် ပိုပြီးရလာခဲ့လျှင် ဤမျှော်လင့်သည့် ခံစားချက်သည် ကောင်းမွန်ပေလိမ့်မည်။ သို့သော် မျှော်လင့်သည့်အတိုင်းသာ ဖြစ်မလာခဲ့ဘူးဆိုလျှင် စိတ်ပျက်မှု၊ နာကျင်မှု၊ အလိုမကျမှု နှင့် ဝမ်းနည်းမှုများ ခံစားရလိမ့်မည်မဟုတ်လား။

ကိုယ်ပေးပြီးသား တစ်ခုခုကို စိတ်ယတိပြတ်အတိုင်းသာ ပေးလိုက်ပါ။ သူ့ဘက်က ဘာပြန်လိုချင်သည့် တိတ်တခိုး မျှော်လင့်ချက်ကလေးနဲ့တောင် မျှော်လင့်မိပါလျှင် ဖြစ်လာခဲ့ရင် အကောင်းဆုံးပေတည်း။ မဖြစ်နိုင်ခဲ့လျှင်တော့ ကိုယ်ပေးပြီးလို့ ရသည့်ကုသိုလ်လေးတောင် ငြိုငြင်စိတ်ကလေးကြောင့် အချည်းနှီးသာဖြစ်လိမ့်မည်။ မမျှော်လင့်ပဲနေကြည့်ပါ။

လက်ဆောင်၊ ပစ္စည်းတစ်ခုခု‌အပေါ်တွင်ပင် ပြောခြင်းမဟုတ်ပါ။ မျှော်လင့်ချက်ထားမိသည့်အရာများထဲတွင် လူတစ်ယောက်အပေါ်ထားမိသည့်မျှော်လင့်ချက်သည် အန္တရာယ်အများဆုံးဖြစ်၏။

ကျွန်မတွင် လုပ်ဖော်ကိုင်ဖက် အမျိုးသမီးတစ်ယောက်ရှိခဲ့ဖူးသည်။ သူမ၏ ချစ်သောသူနှင့် ရန်ဖြစ်စကားများကြသည်မှာ တစ်ခါမဟုတ် နှစ်ခါမဟုတ် ပြဿနာသည် မသိတတ်ခြင်းအပေါ်တွင် အခြေခံသည်။ မသိတတ်ခြင်းအကျင့်များ ပြောင်းလာမလား ပြောင်းမလားဟူသည့် မျှော်လင့်ချက်စိတ်ဖြင့် သူမ လက်တွဲလာခဲ့သည်မှာ သူမတို့ ချစ်သူသက်တမ်း ၇နှစ်ကျော်ခဲ့ပြီ။