بسم الله الرحمن الرحيم
#قوة_أيسل
بقلمي: رزان الڪرار 💙
لا تنسون التصويت، والتعليق بين الفقرات، متابعة حسابي واتباد، ومتابعة حسابي انستا بنهاية البارت لطفاً 🙈💙
نكبر وننسى كبرنة ومانِسينة تالي حتى أهل المثل ضِحكو عَلينة؟
ــــــــــــــــــــــــ • ـــــــــــــــــــــــ
گعدت الصبح من الصبح كلش وبعدني نعسانه اسمع اصوات كثير تحت ضحك وسوالف، استغربت منو يجينه احنا ماعدنه كثير جيران اهنا ولا نختلط بالناس حتى اهل هدى لما يجونه هدى تسويلي مداهمه على الغرفه بس هسه گعدت من صوتهم العالي زين هسه شكو يحجون بصوت عالي ياللهههه
نزلت من السرير ودخلت سبحت لبست هاينك سوده وبنطلون اسود عريض تركت شعري مفتوح حطيت مربط على ايديه وشفايفي، حطيت عطر ونزلت وبعدني نعسانه من نزلت انصدمت منو يمنه، جدووو وزوجة عمي وبنات ثنين معاها ماعرفهم بس اعتقد بناتها لأن يشبهوها، من وصلت يمهم انتبهو عليه گام جدو واجه حضني حيل حيل جعصني جعص اختنگت
-فؤاد: ول ول يحليوه شنو هالجمال
-أيسل: تسلم جدو، انتَ هم راجع شباب راح ادورلك على عروسه
-فؤاد: ههههه تالي عمري اتزوج لا يبويه، خليني عايش حياتي مرتاح بلا سوالف هالنسوان
-أيسل: شنو قصدك جدو شنو سوالف النسوان
-فؤاد: هههههههه من تزوجين تعرفين
-احنه المؤنسات الغاليات
-لا تكرهوا البنات فإنهن المؤنسات الغاليات
-اممم شفت الرسول (ص) شنو يگول على البنات
-كبرانه أيسل صايره تعرف كلشي
-جدو اني اعرف كلشي من زمان
-اي اي، سلمي على زوجة عمج وبناتها
هزيت راسي ورحت سلمت عليهن البنات حلوات كلش كلش كلش ماشاء الله محجبات ولابسات عباية خليجيه على ملابسهم، ومن شكلهم مبينات لطيفات گعدنه وهمه يسولفو أريج الميانه مالتها اسرع من البرق أريام خجلانه اني صافنه عليهم هاي عود قررت اگعد بالمحل بعد ماعوفه عيني لأن عجب هدى وتريد تغير جوّ، دزيت رساله لـ هدى ماجي بقت ترزل بيه بس ماهتميت سديت مبايلي
أنت تقرأ
قـوة أيسل
Mystery / Thrillerحيـاة عادية مخيفه، يحدث مايحدث من غير تفڪير ، في مڪان لا يوجد فيه الأمان، لڪن يوجد شخص ڪلما كان معك تحس بالأمان معه، لا ادري ڪيف لڪنه شخص، قوي، شجاع، ذڪي، لا يحب ان يأذي شيءً لـهُ، يحدث مايحدث من مڪان الى اخر، من تفڪير الى تفڪير، من قوة، الى ضعف،...
