أنا مالي سُلطه ياهيام القلب في حُزن روحي

1

بسم الله

صدى صوت ضحك طفلتين بعُمر الأربع سنين وهم يركضون ورا بعضهم البعض
طلعت هيام من المطبخ وهي تضحك عليهم وتمسح يدها بالمنشفه: انتبهوا ياماما
ركضت ملاك لامها وضمتها: ماماتي
هيام: عيون ماماتك؟
ملاك: شوفي روح
عقدت روح حجاجها وهي تقلدها بسخريه: ماماتي شوفي روح
ضحكت هيام على. شخصيه روح الي تُشابه بشكل مُذهل لشخصيه ابوها -محمد- تنهدت بحزن وهي افتقدت وجوده بحياتها حيل قاطع تفكيرها روح: ماما تفكرين في ايش؟
نزلت لمستواهم وضمتهم لصدرها ونطقت بغصه: في باباتكم ياماما اشتقت له مره
نزلت دموع ملاك ودفنت راسها بصدر امها: ماماتي اشتقت لمحمد
مسحت روح دموع امها: كذابه ما عُمرنا شفناه إلا بصور حتى تشتاقي له!
لفت ملاك على روح وهي زامه شفايفها: احبه طيب أحسه كيوت من كلام ماماتي
ضحك عبدالله بذهول وهو كان واقف وراهم خلسه وشاف كل الموقف: كيوت!
ركضت ملاك لخالها وضمته: خالوو
شالها عبدالله وحطه على كتفه: باباتك يخافون منه رجال كثيررر ولو شاف دموعك الحين بيزعل
ناظر بهيام بحزن: كان يحب مامتكم كثير وما ينزل دموعها
صدت هيام بعيونها عن عبدالله وهي تمسح دموعها
ووقفت وابتسمت لبناتها: تروحون مع خالوا البقاله؟
شهقت روح بفرح: ونشتري أيسكريم؟
زمت هيام شفايفها وهي تتدعي التفكير: وش رايك عبود نشتري لهم ولا لا؟
رفعت روح نضرها لعبدالله ومسكت ملاك لحيته برجاء : تكفى خالو
عض عبدالله شفته: عيون خالو لعنبو الي يردكم يابنات محمد مشينا للبقاله
ضحكت هيام على ملاك الي قبلت خد خالها بفرح
ضحك عبدالله وقبل خدها : أموت أنا اموت

- قبل أربع سنين -

الدكتوره: وين أبوهم ؟
اشروا على العيال على محمد الي جته ام الركب ماهو قادر يمشي ولو خطوه وحده
رعد: عمي!
لف محمد على منصور: هذول بناتي؟
ضحك منصور بذهول: محمد!
بلع محمد ريقه وطالع فيه أبوه: يبه أنا صرت أب صدق!
ضحكت الدكتوره على صدمته: خذ بناتك وش فيك؟
محمد: مقدر رجولي ماتشيلني
تقدم مسعود وأخذ البنت الولى وأخذ لزام البنت الثانيه
رفع لزام عيونه لمحمد: وش بتسميهم يامحمد؟
همس محمد : الأولى روح  والثانيه على امها
رفع محمد عيونه على الدكتوره:كيف هيام؟
الدكتوره: بخير الحمدلله
تقدم مسعود لمحمد: شلها هذي بكرك روح يامحمد
رفع محمد دينه وشال روح وضرب البرق على مناكب الأرض الواسعه ووراه طاح المطر على وسع الأرض
وتلاه صوت بُكى -روح بنت محمد-قرب محمد صوب أذن روح  ونطق : سميتك روح عشان الناس ينادونك روح محمد وانا اشهد انك روحي ياروح محمد
وأذن في أذنها وباس خدها ومدها لدكتوره لجل يسون لها فحص وأذن في أذن البنت الثانيه كذالك وأخذها

بعد ساعه

طلع محمد قاطع السيدين مُتوجه لسيارته بعد ما بلغته الدكتوره ان مالقو لبس لروح فقط ملاك الي سمتها امها  عشان يشتري لبس لروح الي ذبحها  البرد القارص لف على صوت دق البوري وما أمدها يستوعب إلا وقد صدمته السياره
صرخ رعد: عميييييييي
طلع لزام ومسعود ركض على صوت صراخ رعد ومعه الناس
وقف لزام مصدوم من دم ولده الي صار تحت حذيانه وصرخ بعلى صوته: ولدي
طاح لزام قدام محمد ودموعه تنزل: ما تهنى في بناته ولا بناته تهنو فيه
مسك مسعود كتوف لزام: استهد بالله يالزام واذكر الله
رفع لزام راس محمد لحضنه و ضمه وهو يبكي: يارب ولدي يارب

نرجع للواقع

ضم عبدالله هيام وهو مذهول من دموعها الي تنزل بلا سبب: بنت
شهقت هيام وهي تبكي: لو لقو لبس لروح كان هو الحين جنبي عبدالله كان الحين صدى صوت ضحكه مع روح وملاك ملى البيت
مسح عبدالله على شعرها : اهم شي انه حي هيام الباقي بيهون
هيام: عبدالله اربع  سنين وهو بغيبوبه اربع سنين وانا عيني تذرف الدمع عليه
تنهد عبدالله بحزن على حالة اخته: تعالي معي لغرفتك
طلعوا فوق وسمعوا صوت طالع من غرفت روح وفتح باب غرفتها وسرعان ما لاحظ روح الي جالسه ورا الباب: ها يخالوا ليه مانمتي الساعه صارت عشره باليل
شغل النور بعد مالاحظ سكوتها وتقدم صوبها وانحنى لها وهيام وقفه عند الباب وهي مستغربه: خالي وش فيك؟
تقدمت روح وضمت عبدالله ونزلت دموعها شهق عبدالله: وش فيك يا خالي ليه تبكين؟
روح: اشتقت لبابا
تقدمت هيام لهم: بابا بيرجع من السفر قريب لا تبكين
هزت روح راسها بنفي: بابا صدمته اسياره أنا سمعتكم
بابا صار فيه كذا بسببي بابا ماهو مسافر صدمته السياره عشاني وانا الي كنت ما احبه عشانه ما يجينا ولا يدق علينا مثل عمو ياسر
همست روح بعبره مخنوقه: لو الدكتوره كان عندها لبس لي لو أنا ما كنت ابكي من البرد كان أنا الحين نايمه بحظنه
شهقت روح ببكى: بابا ماهو عندنا بسببي بابا صدمته السياره عشاني
مسح عبدالله على شعرها: لا يا روح محمد يحبك مره
نزلت دموع هيام وقفت وشافت ملاك جالسه على سريرها هي وروح وتطالع فيهم بهدوء تقدمت هيام منها: نامي ياماما
ملاك: بابا صدمته سياره صدق؟
هيام بغصه: انام بجنبك ملاك
ركضت روح لملاك: لا بابا مسافر بس أنا حلمت حلم يخوف وبكيت
تقدمت ملاك لاختها ومسكت شعرها الي لمنتصف ضهرها بقوه: كله بسببكي بابا صار عليه حادث الله يأخذك روح تف عليك
صرخ لزام الي كان عند الباب وشاف كيف ملاك شدت شعر روح : ملاك بس
همست هيام: عمي
تقدم لزام وانحنى لروح وشاف ملامحها الي تغيرت لبرود تام : روح بابا شفيك ليه ملامحك كذا ليه عيونك مورمه!
همست روح: كله بسببي
رفع عيونه لزام على هيام بستغراب وشال روح الي دفنت وجهها في كتف جدها ودموعها تنزل بهدوء: روح بابا وش فيك؟
طالع بهيام وهمس: وشو الي بسببها
مسحت دموعها هيام: سمعتني ابكي عند عبدالله واتكلم عن حادث محمد وكيف صار وهي سمعت كلامنا وتلوم نفسها وملاك سمعت اختها وهي تصيح بحضن عبدالله وتلوم نفسها
وهمست: وشدت شعرها
ارتخت ملامح لزام وطالع في ملاك الي ماتناظر فيه حتى: ليه ياملاك أختك مالها دخل
صرخت ملاك بغضب: إلا ليتها تموت وتفكنا
صرخت روح ببكى: ابي بابا جدو
صرخت ملاك اكثر: هذا باباتي لحالي
ضمت روح جدها برعب من الفكره هذي: حتى أنا بابا بابا يحبني صح خالو عبدالله يقول لي دايم انه يحبني وسماني روح عشان يقولون لي روح محمد صح جدو؟
تنهد لزام وهو يمسح دموعها: صح صح ياروح محمد صح
صرخت ملاك وهي تحاول ضرب روح : تهبى وتعقب وانا بنت ابوي
صرخت هيام بغضب فضيع وهي تمسك كتوف ملاك وتلفها جهتها: اقسم بمن احل القسم لو ما تسدين حلقش لهفش بكف واعتذري من اختش لا اعاقبش
ضحك عبدالله بتوتر: طلع العرق الجنوبي مالها حاجه نعرف انها عصبت

نزل لزام شالت ملاك وحطتها على سريرها: يالله نامي ولا اسمع لش حس ولا نفس فاهمه؟؟
هزت راسها ملاك وهي خايفه من امها