بَسم الله الرَحمن الرَحيِم .قَصة ...
" وادَي ألياس "
لاتسأل إعَلى الحَال خليهَا سگتة
تسأل عَلى المَكتوُل والگاتِل انتَ .
_____________________________نرجس :
__ سَمعت رجل خالتي يخابر و ظليت بصدمه من الشي الي سمعته ...
كمال : الو هلا خويه معتصم شونك خويه والله ما اعرف شكلك
معتصم : كول خويه خيرك صاير شي
كمال : خويه طبينه البيت اخوك
معتصم : ايي وشنو ؟
كمال : خويه لكينه اخوك مكتول وابنه مذبوح
معتصم : شنووو ؟ جايك جايك .
__ ظليت بصدمه اول مره ادري عندي عم و لا مره سمعت بابا كال النه عدكم عمام الي ادري بي بس جدي ما ادريي عندي عمام .
__ شوي وطب عمي معتصم يلهث ركض على ابوي لمه الصدره وكعد يبجي ، وطبو وياه ولد اثنين واحد ضخم و ملثم لابس اسود ولاف شماغ احمر على وجهه والثاني باوعتله حسيت شايفته بس ما جاايي اذكر من الصدمه الي جنت بيها ظليت صامده بمكاني ما اتحركت و اسمع عمي معتصم و هوه يصيح
معتصم : اااه خووييهه اااه خويه كوومم كوومم اروحلك فدوه كووومم .
__ تقرب عليه الولد الي ملثم و نزع القمصله وخلاها على راسي لان جان شعري طالع وكلها اجت ، شوي وشالو ابوي واخوي ركضت للملثم كتله ...
نرجس : لاا لاا وين ماخذيهم الله عليكم لا تاخذوهم بعدني ما شبعت شوف منهم
ألياس : نرجس بس اهدئي هسهةة اني اخذچ
نرجس : م ممنين تعرف اسمي و وخر عني
ألياس : بتلبك ... اءء امچ دزتني عليچ لان راحت وياهم
نرجس : وانتَ منو ؟
ألياس : اني ألياس ٫ ابن عمچ
نرجس : عمي ليش من يمتى اني عندي عم
ألياس : بعدين افهمچ السالفه هسه گومي بدلي و تعايي حتى اخذچ للمقبره للدفنه يلا كومي
نرجس : يعني راح تاخذني يمهم راح تاخذني يم بابا و يم سيف
ألياس : ايي يلا كومي حتى انلحك بيهم
نرجس : مماشي ماشي
ألياس : ماشي .
__ گمت اسحل بروحي سحل صعدت للغرفه بدلت ملابسي لبست اسود ونزلت وصلت الدرجه الاخيره و چان اعثر و اوكع بالكاع
ألياس : الله الله كومي كومي ... اخذتها للسياره صعدتها و رحنه لحكناهم للمقبره ضلينه طول الطريق ساكتين محد حجه ولا كلمه و صلنه و نزلنه باوعت عليها تسحل بروحها رحت وراها امشي خاف توكع ما لحكنه عليهم من وصلنه چانو دافنيهم و صلنه وذبت روحها على التراب تبچي
أنت تقرأ
وادي ألياس
Adventure" وادي ألياس " . لكَل واحَداً مَنا فَي هذهِ الحَياة قَدراً . الكاتَبة : أيلول عَلي .