عهد الـكـواسـر
للكاتبة: مِرسـال أحمد
pr1:ذكرى
مُمكن، تصويت، مُتابعة لـ حسابي ليوصل اشعارات لأي جديد
تعليق حلو و لطيف بين الفقرات و
أتمنى تصعدوها حتى يقرؤها الكُل
و يستمتعو فيها...🔥🫂
_-_-_-_-_-_-_-_-_-_-_-_-_-_-_-_-_-_
قيود و غربان و سلاسل، من هنا يبتدء عهد الكواسر.!
صرخات و أنين مكتوم،
تصگ اسنانها قوي و تطلگ بتعب، بسبب الآم الولادة و اثرها ... صدرها يصعد و ينزل من قوة سحب النفس..
كأنها غرگانة و هستوها سحبت الهوا
نترت القابلة بيها:
_ ولج ليلى راح يموت الطفل اطلگي!!
صرخت بجزع:
_ الله يلعنه.. الله يااخذه و يخلصننيي
ماا اريدده خل يموتت .. ما اريدههه.. ما اريدهه
تحجي صاگة اسنانها حتى لا يعلى صوتها..
بس كلماتها خناجر تموت.
اكو ام متريد طفلها؟
لعد ليش حملتي تسع اشهر؟
ردت القابلة:
_ امي ميصير، هيج هاي نعمة غيرج ممحصلها
و اذا عن الم، تنسي اول ميصير بحضنج..
نترت من بين اسنانها :
_ ولجج اسكتييي
ثواني هيَ و تعالى صرخات الطفل شوي شوي..
نور هذا الطفل الدنيا و استقبلها ببكاء
اردفت ليلى و صوتها يطلع بتعب:
_ بنت لو ولد؟
ارتبكت القابلة مو عارفة شتگول عين على الطفل و عين على ليلى:
_ بـ.. بـنت!
كفرت ليلى كفران خلى القابلة تصم صم بأذنها
تستغفر بسكوت
مرت نص ساعة ترتاح بيها " ليلى "
اما الطفلة فـ القابلة نظفتها و غسلت الها و لفلفتها،
و تقربت شايلة الطفلة بين ايديها ناوية تخلي على صدر امها ..
بس ليلى صرخت:
_ وخريههه عني وخريههه.. الله يلعنهه وخريههاااا
نترت بالمرة تصيح و تفشر،
تلوثت مسامع طفلتها من اول ساعات وجودها بهل الحياة،بعد يوم يومين سنين شيصير؟
وضح كُره ليلى للطفل الي هستوها اجتِ للدنيا
بعد لحظات صمت مرت، رجعت ليلى تگول:
_ بنت و لا ولد؟
عضت القابلة شفتها متوترة و ردت تأتأ متوترة:
_ بنت.
صرخت ليلى:
_ بنييةة؟؟؟؟؟ صدكك تحجينن؟؟؟
مو گلتن ولد بيج؟؟؟ و عرفتن بالشي التوحمت بيها؟
شنو بنية مضحكة اني؟؟
أنت تقرأ
عهد الـكواسر
Mystery / Thrillerللـكاتبة:- مِـرسـال أحمد.. _يُـقـال إن الذئب أكثر الخيوانات رغبة في الإنتقام، ماذا عن سفاح يرتدي قناع الذئب؟ كيف ستنجو من مخالبهِ؟
