ارحبي يا روح العسكري وقلبه ..🤍

Part 2

سلام عليكم ورحمه الله وبركاته كيفكم اسفه اني تاخرت عليكم هيا بنا
نبدأ

_____________________________________

.. اليوم الموعود ..
.. يوم الهروب ..
.. الساعه 12:00 في منتصف الليل ..
طبعا اماني عطت عبد العزيز المفتاح بدون ما ينتبه ابوها ولما جاء الوقت المناسب عبد العزيز فتح الباب ولقى في وجهه اماني

اماني ببتسامه : خذ يا عبد العزيز ذي الشنطه
عبد العزيز باستغراب : ليه ؟
اماني بملل : يا كثر اسالتك خذها بسرعه لان ابوي بيرجع قريب
عبد العزيز بشك : طيب وش فيها
اماني : فيها اكل وشرب وفلوس عشان تشتري ملابس لك
عبد العزيز بعزه نفس : شكرا بس مابيها
اماني : عبد العزيز اسمع انت بتروح شقه مازن وترا الشقه فاضيه ما فيها شي
عبد العزيز ببرود : طيب عادي انا متعود ما اكل لمده اسبوعين
اماني بيأس : خلاص على الأقل خذ الجوال الجديد الي بلشنطه علشان نتواصل معك
عبد العزيز بملل : طيب هاتيه
اماني وهي تمد الجوال : خذ
عبد العزيز اخذ الجوال وانحاش مع الباب الخلفي ولقى برا سياره احمد ركب وسلم
عبد العزيز : سلام
احمد : وعليكم السلام أرحب تو ما نوت السياره
مازن بضحكه : ليه يوم كنت موجود مهي منوره
عبد العزيز بضحكه : لا طبعا تو نورت السياره بوجودي
احمد : العب يالثقه
مازن بتمثيل الزعل : اقول حرك وانت ساكت
عبد العزيز بضحكه : افاا من مزعل نوني
مازن بحده : حشم يا ورع
احمد حرك السياره وقال : مازن وين مكان شقتك ؟
مازن قام يوصف له وعبد العزيز مهوب معاهم في عالم الهواجيس
المهم أن احمد وصل لشقه مازن وقال : انزلو وانا بركن السياره والحقكم
نزلو عبد العزيز ومازن ودخلو للشقه
مازن : عزوز هاذي الشقه انت بتسكن فيها لين تتخرج وتصير ضابط
عبد العزيز بهدوء: شكرا لكم انا مب قادر اوفي حقكم
مازن برفع حاجب وحده : حنا اخوياء ما بينا شكر
عبد العزيز : تمام انا بدخل اخذ شور واطلع
مازن : دقيقه اطلع لك ملابس من عندي
عبد العزيز بهدوء : تمام
ودخل ياخذ شور ولبس وطلع
لقا مازن مسوي عشاء وقاعد هو وأحمد ينتضرون عبد العزيز
احمد لما شاف عبد العزيز طلع قال : أرحب يا الشيخ
عبد العزيز : البقى
مازن : تعال كل يا ولد
عبد العزيز بهدوء : عافيه عليكم انا مابي
فز احمد وقال : علي بطلاق اني ما اكل لين تاكل
مازن بهدوء : علي بل حرام ان ما تطب لقمه في فمي أن ما اكلت
عبد العزيز بحده : ورع انت وياه وش ذا واحد بيطلق واحد يحرم
مازن قام : اسمع عز ترا والله ما تطب في القمه أن ما اكلت
احمد : وانا نفس مازن
عبد العزيز بهدوء : خلاص باكل
واكلو ونامو ولما قامو ودو عبد العزيز للكليه

.. الواقع ..
صحى عبد العزيز من هواجيسه على زياد الي يرش عليه مويه وأحمد ومازن الي خايفين عليه
عبد العزيز : يا حيوان ليه ترش مويه
زياد بابتسامه لف على مازن وأحمد وقال : لا الحمدلله مافيه شي
( ملاحظه : ترا عبد العزيز تعرف على زياد ايام الكليه ويعرف أن زياد هو عمه وزياد يعرف أن عبد العزيز ولد اخوه بس ما علم احد أنه يعرف مكان عبد العزيز بطلب من عبد العزيز لين يظهر عبد العزيز من نفسه)
مازن بخوف على عبد العزيز : عز فيك شي ؟
عبد العزيز بهدوء: لا ما فيني شي بس اهوجس في يوم الهروب
احمد تنهد وقال : اشوا ما فيك شي
عبد العزيز بابتسامه : لا ما فيني شي
المهم وش جابكم المكتب ؟
زياد : يا غبي ترا كلنا نشتغل هنا وجينا عشان نشتغل مع بعض على القضيه الجديده
عبد العزيز جته لحضه إدراك وانفجر يضحك وكلهم قامو يضحكون من ضحكة وطبعا بعد نوبة الضحك
قال عبد العزيز بجديه : وين ملف القضيه
زياد مده له : خذ
عبد العزيز فتح الملف وقعد يقراء
عبد العزيز بهدوء : الموضوع صعب شوي بس عندي فكره
زياد : وش هي
عبد العزيز بجديه : اسمع زياد انت عليك انك تسوي نفسك تبي تشتري مخد..رات واحفظ المكان واحنا علينا المراقبه مفهوم
الكل دقو تحيه : مفهوم
عبد العزيز : استرح والان تقدرون تتفضلون
زياد بتمثيل ل زعل : تطردنا
عبد العزيز بعدم اهتمام : افهمها مثل ما تبي
احمد بطقطقه : عجبت لك يازمن تطرد عمك
عبد العزيز ببرود : حميد انت اول من يطلع
الكل طلع وتنهد عبد العزيز وفتح الدرج الداخلي وطلع صور وناضر الصوره وتنهد
عبد العزيز : اهخخ متى أتخلص منهم واجيكم اشتقت لكم 16 سنه وانا ما شفتك
خانته دمه ونزلت ومسحها على طول وقال : لا عبد العزيز تحمل لا تضعف

.. في مكان بعيد ..
.. بيت ال حاتم ..
.. الساعه 4:00 مساء ..
دخل زياد وتنهد لما شاف الكل متجمع وتمنا أن عبد العزيز معهم بس ما بل يد حيله صحى على صوت ابوه الي يقول
الجد : زياد وش فيك تهوجس  ؟
زياد : ولا شي بس أخذنا مهمه جديده وشوي صعبه
الجده : مع من يا وليدي
زياد تنهد وقال : انا ومازن وحميد والجلاد
ابو عبد العزيز باستغراب : من ذا الجلاد
زياد بابتسامه مزيفه : اسف بس ما اقدر اقول هويه الجلاد لان له أعداء ولو عرفوه ما راح يرتاح مع أهله
عبد الرحمن بغباء : ليه ؟
زياد : لانه في الشغل شي وفي حياته الشخصية شي وممكن لو أعداءه عرفو أنه الجلاد اكيد راح يلوون ذراعه بأحد من أهله
عبد الرحمن بعدم فهم : ما فهم
زياد : لان يا حبيبي عقلك صغير وما راح تفهم ام عبد العزيز بحزن : يا زياد ما لقيتو عزوز ؟
زياد بكذب : لا الا الان ماله اثر المهم انا استأذن

.. شقه عبد العزيز ..
.. الساعه 12:00 ..
منسدح على السرير ويسال نفسه مت يرجع ؟ ومتى ينتهي ذا الشقى وقعد يهوجس لين غلبه النوم

.. في مكان بعيد مره ..
.. عرين الشبل ..
الشبل : هاه نفذتو الي قلت لكم عليه ؟
المجهول : اي يا حضره الشبل 
وانفجر صوت ضحكه الشبل الخبيثة :  حلو جدا
ورجع يضحك

.. الصباح ..
.. الساعه 5:00 الصباح ..
.. في بيت ال حاتم ..
نزل زياد وهو يركض وبنفس الوقت يلبس  الجاكيت قابل أهله تحت وقال : يمه ليه ما قومتيني بدري الحين الجلاد بيمرمطني تهزي
الجده : نسيت يا وليدي
ميس بفضول : اموت واعرف من ذا الجلاد الي مبب لك رعب
زياد بهمس محد يسمعه : اخوك حسبي عليه
رغد : زياد قلت شي
زياد : لا ما قلت شي
عبد الرحمن بطفطقه : طيب زياد تدري ان الساعه 5:15 دقيقه يعني انت تاخرت
زياد بحلطمه : ياويلي اكلت تراب
سعود : ليه ؟ وش بيسوي لك ذا الجلاد
زياد : والله شوف راح يخليني اسوي 100 تمرين ضغط وادور 100 مره حول المركز
الجده بشهقه : حسبي عليه الظالم
زياد بخوف على عبد العزيز: لا حرام يمه ترا احبه واغليه
الجد : هههههههههههههههه لا تتحسبين عليه يا  فاطمه ترا عنده أهل يبونه
الجده : استغفر الله

.. المركز ..
.. مكتب عبد العزيز ..
زياد دخل ولقى في وجهه عبد العزيز
عبد العزيز : بدري
زياد : وربي ما تاخرت الا بسبب جد..
قاطعه عبد العزيز : ميه تمرين ضغط الان
زياد : بس
عبد العزيز : ميه وخمسين سريع
زياد قام يسوي تمرين الضغط ومازن وأحمد يضحكون على الصامت
______________________________________
وبس اتمنا نال اعجابكم البارت والى لقاء قريب ان شاء الله
والسلام عليكم ورحمه الله وبركاته

الكاتبه : دلال ✍️

يوزر تيك : jj.r707