Captain.

ї

.
.
.
.

كانت تجلس بجانب والدها علي احد الارائك الموجوده بغرفه المعيشه الخاصه بالفيلا التي يقطنون بها ...تنظر إليه بصمت بعينيها الرماديه تنتظره حتي ينهي حديثه مع والدتها عن ذلك الرجل الذي تقدم لخطبتها ..بعد ان انتهي عن قول ما يعرفه عن ذلك الرجل نظر إليها قائلاً
والدها : ها ي تيركان اي رايك
تيركان بهدوء و حده : ي بابا هو حضرتك بتهزر بقا انا تيركان السيوفي بنت فارس السيوفي اتجوز واحد زي دا اكيد انت بتهزر دا غير ان انت متعرفش عنه اي حاجه غير انه ابن صاحب انكل حسام وغير دا كلو هو من سيناء يعني مش من مستوانا خالص
والدها : ي روكا ي حبيبتي هو هيجي و هنقعد معاه و نعرف كل حاجه عنه و لو في نصيب يبقي الحمدلله
تيركان : طب هو انت لي متمسك برأيك في ان احنا نقابله
والدها : لان حسام قال ان هو اصلا إللي قاله عليكي و ان هو شايف ان العريس دا ميترفضش ...و انتي عارفه ان حسام بيعاملك زي بنته بالظبط و لو هو شايف ان هو مش مناسب مكنش اتكلم معايا اساسا
والدتها : بصراحه انا شايفه ان كلام باباكي مش غلط فيها اي لما ييجي و نقعد نتكلم معاه و نتعرف عليه
تيركان : بابا معلش اسمحلي اني اخرج دلوقتي علشان اتأخرت علي الشغل و لما اجي هتكلم مع حضرتك في الموضوع دا تاني ...و انا هروح لميرنا صاحبتي بعد الشغل علشان اشترت شقه جديده تمام
والدها : تمام بس متأخّريش
تيركان : حاضر
خرجت من المنزل لتركب سيارتها التي من نوع مرسيدس اخر اصدار لتتجه الي عملها الموجود بأحد دور النشر ...فهي تعمل ك مترجمه للكتب و الروايات الأنجليزيه ، الفرنسيه و حتي الإسبانية ....و بعد ساعه و 40 دقيقه تقريبا وصلت لمقر عملها الموجود بمدينه مصر ولكنها قد تأخرت هذه المره بسبب الزحام و انها خرجت متأخره قليلا اليوم ...دخلت مسرعه لتجد العم جمال المسؤل عن البوفيه في الدار يلقي عليها تحيه الصباح قائلا
العم جمال : صباح الخير ي تيركان هانم ...مالك متسربعه لي
تيركان : صباح الخير ي عم جمال ...علشان متأخره نص ساعه بحالهم ...ها مستر شريف سأل عليا
العم جمال : لا متخافيش ...لان هو عارف كدا كدا انك مش بتتأخري مجتش علي المره دي
تيركان : ربنا يريح قلبك زي ما ريحت قلبي
العم جمال بضحك : ها تحبي اعملك كبايه اللاتيه بتاعتك ولا خنتيني و شربتيها من بره
تيركان بضحك هي الاخري : انا ي عم جمال...هو في حد يقدر يعمل اللاتيه بالطريقة الي بحبها غيرك دا انا اكون هبله لو شربتها من مكان تاني
العم جمال ببسمه حنونه : طب ي ستي علشان الكلام الحلو دا ليكي مني كبايه لاتيه هديه و هطلعها لحد مكتبك كمان ...ابسطي بقا
تيركان : تسلملي ي راجل ي طيب
و صعدت للاعلي حيث يقع المكتب الخاص بها ..لتجد صديقها نارد يجلس يقرأ الجريده كالعاده بينما نور صديقتها تنظر الي الساعه بضيق كأنها تنتظر شيء ما ...و ما ان رأتها حتي هرولت عليها مسرعه و هي تقول
نور : اي ي بنتي اتأخرتي لي ..دلوقتي الساعه ٩ بقالي نص ساعه مستنياكي
تيركان : ي نونا اعذريني انتي عارفه اني مش بتأخر بس النهارده بابا كان عايزني في موضوع مهم قبل ما انزل و دا إللي اخرني ...ها قوليلي علينا اي النهارده
نور : مستر شريف قال انه عايز مننا الفتره دي نترجم علي الاقل ١٠ كتب و ١٠ روايات علشان مطلوبين الفتره دي اوي
تيركان : طب تمام انا هاخد الكتب و انتي خدي الروايات ...يلا استعنا علي الشقي بالله ..
و بعد ساعات دقت الساعه الثالثه بعد الظهر لتعلن انتهاء يوم عمل شاق اخر
لتقول نور بتذمر : اخيرا انا حاسه ان ضهري اتكسر من القعده دي
تيركان و هي تقف من علي مكتبها : نفس حالتي بالظبط ولله...يلا لمي حاجتك دي علشان نمشي
نور : لا روحي انتي انا احمد هيعدي عليا بالعربية بتعته علشان هنتغدي سوا النهارده
تيركان : طيب إبقي سلميلي عليه
و خرجت لتذهب ناحيه سيارتها لتركبها و تذهب لصديقتها ميرنا كما اخبرت والديها ...و بعد قليل من الوقت وصلت الي المبني السكني التي تسكن به لتوقف سيارتها أمامه .. دقائق و كانت داخل المصعد تنتظره ان يصعد للدور المنشود و هو الدور السابع ...فتح المصعد بعد لحظات لتتوجه لباب الشقه و تقوم بطرق الباب ...دقائق و صدح صوت من بالداخل يسأل عن الطارق ..فتحت الباب لتقول ب فرحه
: ريكووو ..فين ي بنتي مش بشوفك
تيركان : بتشوفينيش اي ي كدابه دا انا امبارح كنت بكلمك فيديو كول ..
: برضو كنت محتاجه أشوفك Face to face
تيركان و هي تنظر حولها بخوف: ميرنا هو انتي مش خائفه انك تنامي هنا لوحدك
ميرنا : عادي ي بنتي دا حتي الشقه هاديه علي طول
تيركان: بالنسبالك اكيد علشان عايشه من ٣ تيران في البيت مع احترامي لاخواتك انما انا مفيش حد عايش في الفيلا غير بابي و مامي
ميرنا : لا عادي انا معترفه ان هما كدا ...قوليلي اي الجديد إللي عندك
تيركان : لا جديد ولا قديم بس تخيلي من متقدم ليا
ميرنا : متقوليش كريم صاحب ال company بتعت الديكور إللي بتتعاملي معاها
تيركان بتفكير : لا
ميرنا : يبقي نور ال coach بتاعك في النادي
تيركان : لا لا مش هيجي في بالك اساسا
ميرنا : طب قوليلي بسرعه
تيركان : ابن صاحب انكل حسام ...لا و اي من سينا متخيله ي ميري ...انا تيركان السيوفي اتجوز واحد من سينا ...لا و اكيد عندو اقل حاجه ٥٠ سنه و اكيد تاجر سلاح او مخدرات ...لا و هروح اعيش حولين الإرهاب و القرف و الصحراء و الجِمال و خيم...يع مجرد التفكير قرفني اوي
ميرنا بتأييد : طب م ترفضي
تيركان : للأسف بابي متمسك بفكره ان احنا تقابله و نقعد معاه
ميرنا : غريبه لي طيب
تيركان علشان انكل حسام هو إللي قال لي عليا اساسا و بابي شايف ان اكيد انكل حسام مكلمهوش غير و هو متأكد ان الانسان دا كويس
ميرنا : بصراحه انا معاكي في فكره انه من سينا يعني قرف و إرهاب ..بس تخيلي ي بت ي روكا لما يجي يتقدم يكون جاي بجمل هههههه
تيركان : ي لهوي هتكون فضيحه
ميرنا : و إللي زي دا اكيد عمره مشاف Compound او حتي فيلا ...و تخيلي ممكن يجيب اي و هو جاي يتقدم
تيركان بخوف : اي
ميرنا : خروف علشان تدبحو في الفيلا ههههه ...عارفه بتفكريني بمين
تيركان : مين
ميرنا : عارفه الفيلم إللي مثله محمد رمضان إللي بيكون فيه من الصعيد و بيحب واحده من القاهره ..و بيروح يتقدم لديها هو و امه و مامتها مش بتكون موافقه علشان بتحسن انهم ناس لوكل اوي
تيركان : اه عارفاه تقريبا اسمه نسر الصعيد او حاجه زي كدا
ميرنا : ما علينا من اسمه ..بس انتي حكايتك زيه اوي ...بس محمد رمضان كان شب و امور و ظابط ..بس عريس الغفله بتاعك مش عارفين حتي اسمه..
تيركان : ي ميري انتي بتحبطيني اكتر ما انا محبطه
ميرنا : ي بنتي مش بحبطك ولا حاجه انا بقلك وجه الشبه بس و يعالم يمكن يطلع زي محمد رمضان مع اني أشك بالكلام إللي احنا بنسمعه عن سينا تخيلي يجي بعمامه و جلابيه ياي دا هيكون منظره مسخره
..لا وافقي ي ريكو دا احنا هنضحك ضحك ههههه
تيركان : أوافق اي ي بنتي انتي بتهزري انتي سامعه نفسك بتقولي اي
ميرنا : ي ريكو مش قصدي توافقي علي الجواز ..وافقي علي انك تقابلي بس ..خالينا نضحك شويه
تيركان : لا ي ميري عيب نضحك عليه دا مهما كان بني ادم برضو
ميرنا : خلاص مش هنضحك عليه بس Please وافقي نفسي اشوف حد من سينا
تيركان : انتي عايزاني أوافق علشان حضرتك تشوفي حد من سينا طب ما تسافري هناك و خلاص
ميرنا يجديه : ي ريكو ي حبيبتي انتي اساسا بباكي مصر انك تقابلي ف خليها ب رضاكي احسن ما تكون غصب عنك
تيركان بتردد : مش عارفه ي ميري
ميرنا : ي بنتي وافقي و سيبي الباقي علي ربنا مش جايز يطلع شخص كويس ..مع اني أشك بس يمكن مفيش حاجه مستحيله
تيركان و قد بدأت تقتنع : انتي شايفه كدا
ميرنا : و ابو كدا كمان
تيركان : ماشي هوافق بس اني أقابله بس
ميرنا : هو حد كان قلك وافقي تتجوزي ...احنا كل كلامنا علي انك تقابلي بس
تيركان مغيره لمجال الحوار : مقلتليش عملتي اي مع جاسم ..
ميرنا : اممم هو اجا ليا النهارده و حاول يصالحني و ...
تيركان بحماس : و اي كملي
ميرنا : و جاب ليا هديه ..لا اتنين
تيركان بحماس مضاعف : وااو وريهم ليا بسرعه
ميرنا و هي تتجه الي غرفتها : ثواني هجيبهم
و ظلت تتحدث معها لساعات و ساعات دون ان تشعر بالملل حتي ...

"و كيف ستشعر بالملل و انت تجلس مع النصف الاخر لروحك "

كانت الشمس قد رحلت من علي هذه الارض تبحث عن أرضٍ جديده لتنير طرقاتها بأشعتها الصفراء ...و لتسمح للقمر بأخذ فرصته ..ليجمع العاشقين تحت نوره او اؤلائك المحبين له عن ظهر قلب ...كانت اميرتنا قد عادت الي المنزل خاصتها لتجد الأنوار مازالت مضاءه و لما لا و الان الساعه الثامنه مساءا
دخلت اعرفه المعيشه لتجد والدها يعمل علي الاب توب الخاص به و والدتها تقوم بالعب علي هاتفها
تيركان : Bonsoir
والدتها : Salut
والدها : دا إللي مش هتأخر ي بابي ..دلوقتي الساعه تمنيه
تيركان : اسفه ي بابي ...بس انت عارف قعده ميري حلوه اوي و متقدرش تروح من عندها
والدها : عارف عارف ....قوليلي قالتلك اي
تيركان بعدم فهم : علي اي
والدها بمكر : علي موضوع العريس
تيركان بصدمه : حضرتك تعرفت ازاي اني قلت ليها
والدها : متبقيش روكا بنتي لو مقلتيش ليها ...ها قالت ليكي اي
تيركان : امممم قالت مش هيحصل حاجه لو قابلتي و محدش بيقولك وافقي انك تتجوزي دي مجرد مقابله
والدها : ها و اقتنعتي
تيركان : بصراحه مش اوي بس علشان انت مصر ف أنا موافقه
والدها : تمام هكلم حسام بكرا و يقوله انه يقدر يشرفنا يوم الخميس ...ها اي رايك
تيركان : تمام ي بابي يجي الخميس
والدتها : ها اتعشيتي برا ولا هتتعش معانا
تيركان : لا لسا هنتعشي اي النهارده
والدتها : Salmon, shrimp and crab 
تيركان بتلذذ : اممم انا بعشق الاكل دا

Wednesday

مساء يوم الاربعاء اليوم الذي يسبق قدوم عريس الغفله كما اطلقت عليه تيركان الساعه التاسعه كانت كالعاده تجلس مع والديها تتناول طعام العشاء ...طعام و احاديث لطيفه في امور عامه ..كسر هذا الجو اللطيف صوت والدها الجدي و هو يقول
والدها : بكرا والدة العريس و اخواته هيكونو هنا علي الساعه تمنيه و هيتعشو عندنا
والدتها : و العريس
والدها : لا هو مش هيجي في اول مره
والدتها : دا إللي هو لي ان شاء الله هي هتكون من أولها كدا
والدها : اهدئ ي سوزان دي عاداتهم حسام بيقول ان عندهم في اول مقابله بتكون ام العريس و اخواته البنات بس بعد كدا لو حصل قبول بيجي هو و والده ...و انا بكرا معزوم علي العشاء عند حسام ف هتقدروا تاخدوا راحتكوا
والدتها : تمام و احنا في انتظارهم

.
.
.
.
.
.
.

Captain.
.
.
.
.
Au revoir
.
.
.
.
.
.
.
.
butterfly
.
.
.
.