الهواجس
~•~•~•~•~•~•~•~•~•~•~•~•~•~•~•
_علي: بابا اني متزوج وهاي زوجتي
كلنه توجهت نظراتنه على البنيه الي وياه جانت وياه بنيه شابه جميله واكفه بـ صفه ماحسيت الى ماما اغمى عليهه ألياس شالاهه ونقلهه للمستشفى وصارت هوسه بـ البيت صعدت ويا الألياس بـ السياره..
_هيا: على السريع الياس ماما حالتهه دا تسوئ.
_ألياس: ايي هسه راح نوصل
وصلنه للمستشفى الياس نزل ماما اخذهه للطوارئ حطوهه على السديه وو الوكسجين على خشمهه حطو الممرضين
_هيا: يارب شنو هل مصيبه
ورا شوي شفت بابا جاي من بعيد بتجاهنه وصل يمي وكال
_علي: امج وينهه بيا غرفه حطوهه
اشرتله على الغرفه الي بيهه ماما. بابا راح رگض يريد يدخل للغرفه بس ميخلو يدخل واني بـ اللساني بس الدعاء و التسبيحات..
طلع الدكتور واتوجه النه
_هيا: ها دكتور شبيها ماما
_الدكتور: الى الأسف صابتها جلطه قويه البقيه ابحياتكم
اني اهنا بعد محسيت بعد ابشي اغمى عليه
وره فتره كعدت ونزلت ادموعي على خدي شفت ألياس يمي ويبچي اني گمت عسريع واصيح
_هيا: وين ماما هي گالت متعوفني ادري بيكم دتجذبون عليه
وألياس بس يبچي محاجاني واني صارت عني حاله هستيريه من البكاء طلعت من الغرفه حنجرتي راحت من الصياح شفت بابا رحت عليه وصرت اضرب على صدره واحجي
_هيا: لك ليش هيج اتسوي ليش صارلي 3سنوات منتظره جيتك ياريتك ماجيت كون انت ابمكان امي مع الاسف بيك الله ليوفقك من اليوم بعد لتحسب نفسك عندك ابنيه
وهو بس ساكت ما حجه شي كانه مو ابوعيه
_هيا: وين ماما اريد ماما
ركضت للغرفه البيها ماما شفتها حاطين فوكاها غطاء ابيض ركضت الها وحضنتها
_هيا: ماما ولج ماما لتكسريني
ابچي وصرت احجي ابكلمات مو مفهومه لحد ما اجه ابوي اويه ألياس وناس اهواي يردون ياخذون ماما اني اتخبلت عليهم
_هيا: عوفوها متاخذوها هي متعوفني هسه تكعد
اجه ألياس جرني ابحضنه حتى ياخذوها ضليت اصيح عليه واضرب بيه وهو بس ادموعه على خده ساكن
أنت تقرأ
الهواجس
Romanceهوَاجيس تلاحق افكاريَ المشوشه داَخل رأسي اضُطراب في رأسي يلاحقني اينَ ما أذهب وهي الهواجس التي سأكنه في عقلي طولَ حياتي.....،
