ــــــــــــــــــــــــــــ بسم الله الرحمٰن الرحيــم ــــــــــــــــــــــــ
لاتنسون التصويت والتعليق بين الفقرات أحبتي🍂✨
معلومة بسيطة ، نحن نقراء للأستمتاع فقط
كـ بداية احب اكول الكم
"الحُب يجعل الإنسان يقبل كُل شيء"
ـــــــــــــــــــــــــــــــــــــــــــــــــــــــــــ
اروي لكم حكايتي المُتعبة
فتاة من مواليد 2004 تدعى مريم
ابو الخصيب
جاي امسح البيت تعبت من الركضة كلشي طاح براسي اخوي ومرته انفصلوا وانا جاي اهتم بأطفالهم واهلي وصلت بيهم مرحلة حتى بيت عمي يخلوني انظفه غير تحرشات ولد عمامي وحتى عمامي صاروا يتحرشون بيّ لان يعرفون ماوراي حيد
كملت كلشي ورحت لبيت عمي الوحيدة بنتهم نرجس تحبني واسولف الها العندي واليوجعني كملنا تنظيف انا وياها وكعدنا نسولف هواي عدنا حجي بس ننهي بجملة مانرتاح الا ننهزم.
نرجس:مافكرتي؟
مريم:بشنو
نرجس:تنهزمين مريم شبسرعه نسيتي
مريم:واذا طلعت ونهشوا لحمي
نرجس: انت سباعية مااعتقد تخلينهم يسوون شي
مريم:الكثرة تغلب الشجاعة نرجس شمدريني من اطلع مايلزموني ثنين سكرانين ويوهگون بيَ
نرجس:جا هنا محد واهك بيج؟؟
مريم:ضليت صافنه عليه وهي كملت
نرجس:ترا والله سمعت امي تقنع بأبوي حتى اشرف ياخذج متعة بس
مريم: شنوو!
نرجس:والله سمعتهم وكللها اشرف يحب بنية ويرديها كلتله عادي بس متعة يكسر راسها
مريم:حلوو
نرجس: انهزمي مريم واذا استقريتي حاولي تتواصلين وياي والحكج
مريم: لا ماانهزم
رجعت لبيتنا وببالي فكرة انهزم كلت لنرجس لا حتى تطمأن وماتعلسني مااحضرت اي شي ولا اخذت فلوس اكتفيت بالملبوس الابسته اعرفهم بالليل يسوون سهرات ويسكرون بالمشتل ومايبقى رجال بالبيت كلهم يروحون وابوي اساسًا مسافر مايهتم
طلعت بهدوء من الباب الخلفي اقربلي حتى مالبست شي برجلي خاف يطلع صوت جان عبالي الطلعة سهلة نسيت انا محرومة من كلشي والشارع شوفاتي اله ينعدن
ضليت امشي بطريق واحد بمكان اظلم ماخفت من شي لان اساسًا ماعندي شي اخسرة
ماعرف شكد مر الوقت يمكم تيهت لان الشارع بعيد ولسا مابين حسيت بنفسي دخت ردت انام بالمكان الكاعدة بس صار
اصوات وضوضاء مهزومة من واقعي المُر ومن العيشة الصعبة اسمع اصواتهم وهم يصيحون بأستعجال حتى يلكوني قبل لايرجع أبوي من سفرته ويمحيهم
ضليت استعجل بمشيتي عمدًا مااريد يلزموني لان راح انكتل بغسل العار اعرف تفكيرهم حتى اذا رجع ابوي ومالكاني يعاقب الكل واولهم انا بحجة "ناهبة"
