my man

2

Joud's pov :

اليوم راني حاسة بواحد الحماس زائد كتر من العادة خاطرش اليوم لانيفارسار تاع جداتي و فهاد المناسبة كامل لافامي تروح لدار جدي و جداتي و واش نقوللكم واش من سهرات واش من أجواء واش من تنمر واش من تمنشير ، المهم العرق قريب طرطقلي من الحماس نضت على 08:00 يا ربك و هذا عندي إنجاز كبييييييييررر دوشت و غسلت سنيا زعما الروتين تاع الأجانب و زعما درت شوية يوغا في بيتي زعما هيلثي و بدلت قسي لبست فالأول بوكسور و زدت شورت قصيييرر تقول سليبات تاع ميساء يا جدك مع كروب توب بيض مرسوم فيه دبدوب صغير غوز (خوتي خلوني نعيش حياتي شوية خاوتي لحلالف مايخلونيش نلبس واش نحب برا زعما العفة) ، المهم أومبعد لبست بليغتي و هبطت لتحت باش نرهج كاش حاجة الجوع راه ثاقبني

End of joud's pov

فتيحة : نتي تعرفي غير ترهجي ماتنفعي في والوا أنا ماولدتش طفلة أنا ولدت جحشة شفتي بنت زهية شفتي السمانة لي فاتت جا خطبها واحد الطبيب الله يبارك عليه و نتي مازالك تخرجي برة تلعبي مع ولاد الحومة يا الجحشة يا التالية تاع لبنات بهدلتيني الله يبهدلك

ميساء: اووووفف يما صرعتيني ببنت زهية تاعك الطفلة دايرة كي لخرا تقارنيها بيا الزين و لاطاي و لقراية

فتيحة : و هاذ الزين و لاطاي تاعك مانفعوك في والوا قدودك راهم متزوجين و عندهم 5 ذراري

ميساء: هي شوفي أنا قولتلكم نولي نقدم رقاصة شرقية في كاش كاباري ندير زدق زدق نلم شوية دريهمات بصح نتوما ماحبيتوش

لؤي : كون ماتبلعيش عليا خراك نجي نطرطقك

ميساء : سيي تشو زهرك سيي

أدهم : وهااااييي ماتبلعوش شوية صباح ربي نتوما الطبلة تاع وذني تطرطقت

جود : صباح الخير

فتيحة : صباح النور أوليدي أرواح نعطيك بوسة أرواح نتا الوحيد لي تنفع في وسط هذا الجايحين

ميساء: تسما أنا ماشي عبد هو تصبحي عليه بالبوسات و التعنيقات و انا بالعياط

فتيحة : تستاهلي كون جيتي تصلحي كون درتلك كيما هو

جود : خلاص ماما اتكالماي ضوك تطلعلك لاتونسيوا بعيد الشر عليك

فتيحة : و يا حنوني لي يخمم فيا أرواح أرواح اقعد طيبتلك موسكوشوا تاع الشيكولا كيما يحب الخاطر يا عمري

Joud's pov:

هيهيهي وي هادي هي لافامي تعنا هي صح ماما تضل تعرشلنا بصح بعد كلشي كامل متحابين و ماكان حتى مشاكل بيناتنا ، حنا مور ماتطلقوا ماما و پاپا ماما ولات الأم و الأب و السند بالنسبة لينا نديروا المستحيل باش نخلوها فرحانة ، المهم بيناتنا حنا لافامي تعنا متفتحة لواحد الدرجة ماتأمنوهاش لدرجة كي عتارفولها أدهم و لؤي و قالوا لها حنا ألوان قالتلهم : ياو راكوا قدم الحومة قاع راهي سامعة بيكم قعد غير تبون معرفش , هي نرمالموا ميساء بايساكشوال و أنا تاني ميساء كانت تمشي مع وحدة فالليسي بصح حبسوا خاطرش الطفلة هاديك خانت ختي مع صحبتها لانتيم و واش نقوللكم ميساء أعطاطلها الطريحة تاع الكلاب