ذبحتني عيونها وصقرها الي ع يمينها

11

لا استبيح القراءه بدون نجمه وكومنت🦋.

‏-سبحان الله🌿.
- الحمدلله🌿.
- لا إله إلا الله🌿
-الله أكبر 🌿.

وقبل نبدا أتمنى دعمكم لي يابنات في نشر روايتي
وتوصل لا اكبر عدد من الناس 🌬️
__________________________

منسدح بقربها وحاط يده ع خده يتأملها بصمت
وهي ماسكه يده ونايمه بعد موجات الرعب والأوهام الي تسللت لا عقلها وذكريات الي رجعت مثل أطراف شي حاد جالسه تقطعها وهو مافهم رعبها مافهم سبب بكاها هل هو السبب معقول بتصرف طايش منه وبعدم تفكير خلها تبكي كان الندم ياكله

المجلس_

تيهان بعد مافقد الأمل برجوع تيم قام هو سوا له برادي شاي ولكل مد قلاصه
مترك جنب سيف وقاطب حواجبه ونطق: وش فيك ياسيف من وقت رجعت ماحسيتك طبيعي
سيف مكان مرتاح لا نظرات ضاري له كانت نظرات شك نظرات ارعبته ونطق: مافي شي ياخوي
مترك مسح ع شنبه وفهم انه مراح يقول لن طبع سيف الكتمان ومايحب يفصح الي في باله
وزي مكان سيف متوتر من ضاري ريم تبكي من خوفها منه قافله ع نفسها الحمام تكتم شهقاتها وبس يدور برأسها (خلاص مستحيل اتزوجه خربت كل شي بلساني خربت كل شي بشك ضاري ) ضربت راسها بقهر ودها تصرخ وتطلع كل شي بداخلها وعند ضاري الي بين نارين بين شكه وثقته في سيف مكان يثق في ريم كثر ثقته في سيف وقرر يحسم أفكاره بقومته ولكل التفتو له ونطق ثامر: وين رايح
ضاري ناظر سيف بنظره الكل أنتبه لها وطلع ولكل راحو جنب سيف محاوطينه وتركي استغرب من أخوه وجلس بعيد عنهم يسمع أطراف الحديث
تيهان: انت وش مسوي
ثامر بيده قلاصه وشماغه شوي ويطيح من ع كتفه وبعدهم عنه وصار قدامه ونطق: قول انتم ورأيكم سالفه بعرف وش هي
سيف بعد ثامر الي لاصق فيه ونطق: مافي شي جالسين تتوهمو
مترك بعدهم يقومو مايبي ينحط اخوه بهاذ الموقف ونطق: قومو خلونا نشوف لنا فلم او لعبه نتسلا فيها
تيهان تربع قدام سيف وضرب بيده ركبته: مراح اتحرك إلا بفهم وش صاير لكم كلكم بدون استثناء انتم ليش متغيرين ليش صايرين تخشو اشيا عني وعن بعض احنا يا احفاد غازي أخوه واكثر بعد.
سكتو بدون رد لنهم عارفين ان كلامه حقيقي
اصيل تنهد ونطق: من جينا هاذي الديره فرقتنا
كلهم ناظروه ومازال السكوت سيد الموقف ونطق ثامر: يرجال بعترف بشي
تيهان: اسلمم انطق
ثامر: شفتو حسابي الي في الانستا
كلهم قامو يجلسو جنبه حتى تركي جلس معهم
مترك: اخلص اي حساب حساباتك كثيره
ثامر: الي فيه اكثر من مليون ونص متابع
اصيل دنق ونطق: نفسه الي كنت ببيع كليتي عشان تعطيني
ثامر هز راسه بليجاب
سيف: وش فيه
ثامر ماعرف يضحك او يبكي وكيف ينطق انه انضحك عليه ولحساب انسرق
تركي ضربه بيده عشان ينطق: قولل
ثامر تنهد ونطق: انسرق او انضحك علي
كلهم علامات الستفهام على وجيهم وكمل ثامر سالفته
تيهان: منجدك انت
ثامر: وقسم بالله اني بموت من القهر
سيف: وليش تعطيه كلمت السر قبل يعطيك هو انت غبي
ثامر: حسابه اغراني لو اموت ماوصلت حسابي في الفير فاير كذا عنده اسلحه نادره ورقصات واشيا كثيره
مترك: هنا تاكد انك غبي وقسم غبييي
ثامر : ادريي
كلهم جتهم ضحكه من غباها وهو ناظرهم بطرف عين ينتظر واحد يضحك عشان يحط رجله بحلقه
دخل هاني وكلهم سكتو ونطق هاني: فعالياتكم ممله نبي نلعب شي وقسم بالله طفشت
أصيل: نروح نلعب كوره؟
تركي: كوره؟ الحين بهل ليل تمزح؟
اصيل: لا ماامزح
تيهان: جرب العب يسمعك جدي يحط الكوره بحلقك
هاني: مايدري نروح مكان بعيد
اصيل قام ومسك كتف هاني ونطق: بنروح تبون تجون ولا بكيفكم
ثامر قام: انتظرو جايين معكم
مترك: ثامر لا تصير بزر معهم انت الثاني
ثامر: طفشش تبي تجي ولا بكيفك
وطلعو ومالقو الا يلحقوهم وختارو تحت البيت عشان لاحد يسمعم ويلعبو بشويش وبهمس
اصيل: تخيلو هذاك العجيز يطلع لنا(يقصد عوضه)
هاني: مين؟
ثامر شات الكوره وضربت في احد درايش بيت ال عوضه ونطق: ولعنههه
تركي مسك راسه بصدمه ولكل فتح عيونه بصدمه
سيف: اجرووو
تيهان شال ثوبه من تحت ويجر في هاني يمشي
وهاني مكان فاهم شي وصار يجري معهم