شرايكم فيا وانا نهبط يومين ورى بعضهم ، بون البارت قصير ومنجمتش نطول فيه خاطر بحذانا عرس حرفيا قدام الدار ومخلانيش نركز ولا نرڨد ، ومازالت هاذي الليلة الاولى والعرس هاذ 7 ايام و7 ليالي كيما يقلك دونك مطول .
طولت في الحديث ايا نبداو .
.
.
.
.
.
.
.
.
.
" جود!، جود ستني يعيشك! ، شبيك تغششت؟!"
عياط فارس ملى الكلينيك وخلى الكل يخزرولو وحايرين ، كيفاش الوحش هاا اللي قريب يقتلهم امس ، قاعد يبكي ويجري هو وخوه ورا واحد قد الشبر .
"شتحبوا؟" تلفلتهم جود بعد ما يأس باش يلقى باب الخروج ، " شبيك تغششت اا عمري ؟" تكلم ادهم بنبرة واطية وعينيه معبيا دموع وهو شاد في طرف تريكو جود ، وخوه واقف من الجيهة لخرى شاد البكية بالسيف.
"لا إن شاء الله تحبني نقوم نشطح ونزغرت ونعنقكم من الفرحة -" قالها وجبد شعر ادهم وخلا وجوههم قراب لبعضهم ، " انا جود ولد يافا ، لوكان شوية فلوس تخليكم تستخايبو اللي انا باش نحضعلكم ؟ غالطين وعلى طول الخط ، انا نحرقها ونحرقكم معاها فهمتو؟!!" كمل كلامو بعياط وسيب شعر ادهم اللي وجهو ولى احمر ، موش ولى احمر من الغش ، لالا، من حاجة اخرى اما لا علينا.
" والله ما نقصدوش يا قلبي ، احنا بكلنا ليك ، ماضينا وحاضرنا ومستقبلنا ، ارواحنا وأجسادنا تمشي بأمر منك وتعيش على خاطرك ، منغيرك احنا حتى شي " تكلم ادهم وهو طايح على ركايبو يحضن في رجلين جود.
" بربي ما تخليناش ، سنين وحنا عايشين بعاد عليك ، كل نهار يتعدى مرار منغير صوتك ولمستك وريحتك ، وتوا بعد ما وليت بين يدينا وزهاتلنا الايام ، خلينا نعيشو ، كون معانا باش نعيشو " كمل فارس كلام خوه وطاح حتى هو على ركايبو وشاد في يد جود اللي وجهو معبي بالإستغراب ولكن ما يعرفش علاش عاجبو الموضوع.
" باهي سافا ، باش نسامحكم المرة هاذي ونتجاهل حكاية السنين ومندرا شنوا ،اما باش تفسرولي كي شي مبعد ، توا تڨعدو عملتولنا الفضح وزيد متت بالجوع وتوحشت لميمة"
تكلم جود بتنهيدة إستسلام يشوف للي يمسحو في دموعهم والابتسامة على وجوههم من الوذن للوذن .
خرجو من الكيلينك مخليين البطاقات البنيكة الثمينة عند الموظفة اللي ماهياش عارفة تبكي ولا تضحك، وصلو للكرهبة ودخل جود لتالي ومعاه ادهم وفارس يسوق ، " توا قولوللي شصار بعد ما دخت باش نعرف شنقول للفاميليا اللي باش تسلخ جد والديا كي نروح".
تكلم جود وهو يحل في شباك الكرهبة
" بعد ما هربت وتخبيت جاك ضيق نفس ودخت ، فارس قتل اللي كانو يحاوزو فيك وجرينا بيك للكلينيك وحطولك الاكسجين وابر تهدء من نوبة الربو متاعك وأحنا جينا رقدنا بحذاك " جاوبو ادهم اللي قاعد يتأمل فيه ويشم في خصلة من شعرو الفحمي
أنت تقرأ
kojaka dyalna | bl
Romanceأدهم و فارس المالكي ، التوأم المافيوزي الخطير الي خلا رجال ورؤساء دول ومافيات يترعدو من ذكر اسمهم بركا ، الدستور هو القانون وهوما الي كتبو دستور العالم بيدين من دم ، كل هاذي الهيبة والسلطة والنفوذ والقوة ، تبخرت قدام عشقهم وهوسهم الي ما يتقاسش لجود...
