**
-اهاا
-ايي
-عنود صدگ احجي انتي تحبيني ؟
- لا ما احبك
- صدك تحجين ؟
- اي
- اني اسف
- ع ايش ؟
- هيج هيج
- اوك
- بس اني احبج
- الحب يجي من الله
سكت ونزل عيونه ضايج زعلان حسيته أخذ كلامي جد
- محمد
باوعلي يريد يعرف شنو اريد احجي
- لا تزعل شبيك
- ما زعلت
- اعرفك من تزعل لا تجذب عليه
- عنود شسوي ؟؟ اني احبج وعقدت عليج طلعتي متحبيني؟ عنود أحد جابرچ؟ زين من قاتلج اول مره احبج ليش قلتيلي اني هم؟ عنود جاوبيي
- عزه اخذت كلامي جد؟
- كلامج كله بالنسبه الي جد
- اوي لا تتغزل هيج .. جذب اني شسمه..هاي شسمهه؟.. اح..بك.. اي اي هيه هاي
- ههههه تحبيني
- اي
- حلفي
- ما احلف كذب
- هاااا
- هلو
- هلا
ضلينا نضحك شويه ونمت اني وبعد ما ادري اذا العراق احترق يعني مثل متدرون اذا نمت محد يدير باله ع العراق ..
- عوعو
- عوعو شنو؟
قعداني من النوم لانو وصلنا قريب البيت ..
- هيج حبيبتي .. يلا قعدي وصلنا مو البيكب راح
نار : بيكب ؟ حاجزين بيكب ؟
محمد : لا ولج بيكب مو هاي السيارة الحمل هذا اصباغ يحطونه ع الوجه
نار : هههههههههه ميكب ميكبب
محمد : عادتشيي
نار : هههههه خربب
واني صافنه مدا اعرف شديحجون ؟ .. نزلنا
﴿نار﴾
- امير وصلنا
- اي حبيبتي وصلنا
نزلنا من السيارة كلنا وفتحنا الباب ودخلنا .. بيت يشبه البيوت البصفه .. عملاااق جدآ جدآ الحائط بيجي والباب اصفر وابيض وذهبي كبيير فتحنا ودخلنا للطارمه . هم عملاقه ع جهه اكو كعده حلوه مرتبه مكشوفه والجهه الثانيه اكو شابه جاي تدرب بنات .. لمحت وحده من البنات .. ايي هي هاي شمس طالعه تجنن،. جاي يتدربون رياضه وهي لابسه كروب توب ابيض وبنطرون طويل قماش عريض وردي فاتح ويه بوند رياضي ع شعرهه المفتوح الناعم وهي جاي تلمه وانتبهتلنه واجتي مهروله علينا .. شبكتنا واحد واحد..
- والله العظيم كلش مشتاقتلكم تفضلو تفضلو
نار : احنا الاشوق حبيبتي
دخلنا للبيت البيت كلش كبيرر كبيررر بشكلل ومتروس غرف .. راوتنا غرفنا وكل واحد دخل الغرفه الي انطونياها.. الغرف الي انطوهه للمتزوجين جانت ماستر بيها بالكون وحمام ..
نار : الغرفه تجنن
امير : اتفق وياج
نار : بس ماشفت احد منهم بس شمس ؟
- اني هم .. ما ادري معلينا
حسيت فجأة بوجع ببطني ما ينحمل الم مو طبيعي كعدت بالكاع لازمه بطني وابجي
- نار .. نار شبيجج!
شالاني يقومني حطاني على متنه ورحنا للسيارة وبعد ما اتذكر شي لاني فقدت الوعي ..
﴿امير ﴾
- ناار حبيبتي شبيج .. ياربي دخيلك ..
اخذتها للمستشفى ودخولها للطوارئ وما قبلو ادخل وياها ..ما جان عندي اي شي أسويه غير ادعيلها يكون ما بيها شي .. اتصالات من الكل مجاوبت احد .. فجأة بنص توتري اجتني مرة كبيرة
المراه: ابني بيك شي ؟ الحرمه الي وياك بيهه شي ؟
- ما ادري ما ادري خاله ما ادري ماا اعرف ..
- حالة اغماء مفاجأة مو ؟
- اي اي الظاهر هيج
- ادعيلها تطلع بالسلامه واضح عليك تحبها ..
- كلش احبها..بس شدعي شقول؟
- قول وراي .. أَمَّنٰ يُجِيٖبُ أِلٰمُضْطَرَّ إِذآ دَعاه وَيَكْشِفُ ٱلسوء ..
- أَمَّنٰ يُجِيٖبُ أِلٰمُضْطَرَّ إِذآ دَعاه وَيَكْشِفُ ٱلسوء.. بعد اكو شي اقدر اقوله ؟
- ماما مو بس كره وحده عيدهن وكرر عليهن كلما عدتهن يزيد مفعولهن يا امي .. ع العموم راح اجاوبك عن سؤالك .. اي اكو تقدر تقول .. يا كاشف الكرب عن وجه اخيك الحسين (ع) .. اكشف عن كربي بحق اخيك الحسين (ع) .. وتقدر تقول هم يا حسين يا مظلوم وتعيدهه لو ١٠ لو ٢٠ مره
- اشكرج خاله والله العظيم ما ادري شلون اشكرج ..
- ما احتاج شطر امي حسيتك قلق عليها اجيت أفيدك
تذكرت منها وراحت وبديت اعيد الكلام الي قالته .. طلعت الدكتورة من لصاله متوجهه عليه من كد ما متوتر اني رحت اركض عليها ..
الدكتورة: مبروك البنت حامل..
انطيتها صدمة فرح لا إراديا دفعتها اركض لللصاله عبرت كل المرضى ووصلت النار لقيتهه متمدده على السديه وتون لازمه بطنهه.. حضنتهه بكل قوتي وهي بادلتني بس متعرف شبيه
- يا يا عزه امير شبيك فضحتنا
- حامل حامل حاممملللل
- منيه ؟
- انتي
- عوع لتجذب محبيتها هالجذبه هاي
- وروح أبويه انتي حامللل وروووحه لابووويييههه
دمعت عينها تسألني ممصدقه واجتي الدكتورة بيدها تحالييل تأكد كلامي ..
- يأبه مبروك عليكم
- الله يبارك بيج دكتورة
اخذتها للسيارة شويه شويه ..
- امير احس لا؟
- شنو
- مجاي اتذمر على نعمة ربي بس مو مال طفل هسه
- شلون ؟
- امير .. امير بعدهي ثقتي بيك مرجعت امير .. احسك مو مثل حبك قبل ..
- احبج ومهووس بيج وباسمج انتي روحي من هاي الدنيا ناري مااعوفج مستحيللل
- انطيني إثبات
- حبلتج
- شنووو عزه ابيع شبيييك
- ههه والله جد اكو اكبر من هذا الدليل ؟
دارت وجهه عني زعلانه ..
- وصلنا حبيبتي
- لتقول لأحد
- آه ليش ؟
- ما ادري استحي هسه كلامك صح مقرففف ومحبيتت صدك انت بسببك .. يووه ما اعرفةشحجي بس كلامك صحيح ومستحيه احد يفكر هيج
- ههههههههه عادي حبيبتي تصير تصير
- انت قول
- صار
دخلنا للبيت وهي خاتله وراي
- ادري لو ما قايلج احسلي
- وصلنا وصلنا
شمس : ها شكو امير شبيها نار شصاير نار انتي زينه؟
امير: هههههه لا بس واحد جاي يتعارك ببطنها
محمد : لا تمسلت اخي العزيز غردلنا شصاير
نار : شسمه شسمه هو طلع اكو طفل
شروق : نااار حاامل ؟؟
نار : اي اي شسمه اي اني هذا حامل ابني
امير : قصدج ابني
نار : لا ابني انت شعليك هو ببطني ؟
امير : جا ياهو سواه ببطنج؟
شروق ؛ ييااااا
نار لزمت دموعها
امير : اتشاقه وياج حبيبتي
نار : ولييي
امير : اسف
﴿شمس ﴾
قمت للمطبخ دا اسويلهم شي يشربونه وأحضر حلويات وصيتهم من صباحيات الله ..
- بسم الله منو انت؟
-هلو
- اهلا منو انته ؟
- انا ناصر
( ياا اقلكم هذا وين جان؟؟؟ )
-ناصر ؟ ناصر منو ؟
- اخواتي العنود والهنوف
- ههههه قصدك ابن عمو سلام
- اي اي
- اهلا وسهلا تشرب شي ؟
- لا لا هذا ماء يكفي
- لهجتك مكسرة .. بعدك ممتعود ع العراقي؟؟
- للامانه ايوا لانه انا ما اطلع ولا اتكلم مو مثل اخواتي تعودوا ع اللهجه بسرعه
- عادي عادي تتعود
- ههه أن شاء الله
اخذت الجاي والعصير والحلويات للصاله ..
سلام : عاشت ايدج بابا .. اخوانج خواتج وين ؟
شمس : ايـه ببيت صديقتها وجود ورهف نايمين
سلام: ايـه ببيت صديقتها بهالوقت؟
شمس : اي عزيمة ريوگ كل يوميه عند وحدة
سلام : وأحمد وين ؟
شمس : يم الاسود
سلام : شنو هذا الاسود؟
شمس : ماادري من أسأله يقولي رايح للاسود
امير : أيا ساقط
شمس : ليش منو هذا الاسود ؟ يعني هو ولد لونه اسود لو شنو؟
امير : عمي انتي نيتج صافيه
سلام : ليش عمو انت افتهمت؟
امير : مع الاسف اي
محمد : جا ما ياخذني وياه
امير : بالعباس اقول لمرتك ع الاسود شنو
العنود : شنو يعني
محمد : امير بداعة الملح والزاد البيناتنا
امير : انا ما ماكل وياك تلعب نفسي
محمد : بداعة العشرة
امير : ما شايفك بالعشرة اني
محمد : بداعة ابو و و و و ك
امير : ما ادري ما مقتنع
محمد : بداعة امك
امير : ما اقتنعت
يتبع ....
بارت طويل حلو حياتي بيه احداث جميله..
اتمنى متتبرون مني اذا عرفت شنو يعني اسود 😍💔
