سلام وعليكم
هيچ ويمر خطار ولفي اعله بيتي
ماافتح البيبان ... افتحله #ريتي
الكاتبة نور العنزي
&&&&&&&&&
وتين
-حجيت كل شي للشيخ فكال
الشيخ كاسر: لا تخافين بويه انه احجي ويه امج
وتين: هاا يعني ماضجت
الشيخ كاسر: لا بويه على شنو اضوج
وتين: لان بنات عمي حجن عليك
الشيخ كاسر: لا ما يهمني كلامهن بس لو انتِ كايله هذا الكلام عليه جان زعلت منج
وتين: لا اني ماحجي عليك
الشيخ كاسر: ابتسمت اعرف بويه ماتحجين عليه
وتين: بقيت ساكته شوي سديت الاتصال منه
كالت نيران
نيران: مبين يحبج
وتين: مااعرف مااحس انو يحبني
رميم: بعدكم بالبدايه
&&&&&&&&&
نيران
-احجي ويه البنات واجه اشعار على مبايلي شفته من ادهم فتحته كاتب اطلعي الحديقه اريد احجي وياج كتبت تمام
كمت طلعت الحديقه شويه واجه كال
الشيخ ادهم: هلا يابه شلونج
نيران: هلا بيك الحمدلله انتَ شلونك
الشيخ ادهم: الي يشوف هذا الجمال كله شلون مايصير زين
نيران: ابتسمت وخجلت من كلامه دنا راسي
اتقرب عليه
الشيخ ادهم: اروح فدوه الخجلانه اقتربت منهه بسته بخدها
نيران: شيخ لا يجي احد ويشوفنه
الشيخ ادهم: مامسوي شي غلط انتِ زوجتي
نيران: حتى لو شيخ استحي
الشيخ ادهم: اويلي چا هيج كل اليستحوني يصيرون حلوين
نيران: حجيت بسرعه وبدون ماافكر لا بس اني
الشيخ ادهم: ضحكت شنهي بويه تغارين
نيران: هااا اي لا مااعرف
الشيخ ادهم: هسه شنو اي لو لا
نيران: مااعرف
الشيخ ادهم: ضحكت عليها وعلى توترها
نيران:احجي بكلبي عابت دومج عوبه وتفشلين نفسج
الشيخ ادهم:عافيتي ندخل جوه
نيران: هزيت راسي بمعني اي
-دخلنه جوه رادو يرحون بس جدو ماقبل بقو للعشاء اباوع لبيبي لازمت العصا وكالت
الجده: يلا انتن الثنين روحن سون العشاء والي اسمع صوتها اشرت على العصا اكسرها على ظهرها
ايه: بيبي كل شي ولا العصا هسه نروح نجهز العشاء
نيران: رحنه للمطبخ واجن البنات ويانه سوينه العشاء وكل شوي نتعارك اتصل مبايل ايه وجان المبايل يم بيبي شويه وبيبي صاحت
الجده: ولج ايه هذا منهو اليتصل عليج
ايه: مااعرف بيبي المبايل يمج
الجده: فتحت وطلعلي صوت زلمه منهو هذا ولج
ايه: بقت صافنه بعدين راحت لبيبي بسرعه اني والبنات وكفنه يم باب المطبخ نشوفها اخذت المبايل وكالت
ايه: الوو منو
المتصل: انتِ ايه لو انه غلطان
ايه: اي اني تفضل
المتصل: الصراحه اجيت احجي وياج بموضوع مهم
ايه: اول شي منو انتَ ومنين جبت رقمي
المتصل: اني سامر اخو مينا الي وياج بالمدرسه
ايه: عوجت حلكي اهلا خويه تفضل شتريد
سامر: لاتكولين خويه
ايه: چا شكلك والله يلا الله كول شنو تريد وفضني يلا
سامر : الصراحه اني احبج واريدج على سنه الله ورسوله
ايه: والله لو ماعنده ضيوف جان انطيتك زيج ماتنساها عمرك كله
سامر: والله احبج
ايه: حبتك جهنم كول امين والي يلا هذا هم حضي سديت الاتصال بوجهه وحظرته
رميم: منوو ولج
ايه: اخو مينا سامر
حور: شيريد
ايه: يكول احبج واريدج على سنه الله ورسوله
نيران: ضحكت شوفي حضج سامر وحبج بعد شتردين
ايه: والله احس انتِ مشماته بيه
نيران: لا عيني ابد مامشماته
وتين: اني مشماته
ايه: انتن كلجن مشمتات بيه
البنات: هههه الهم لا شماته
ايه: ولن
نيران: رحنه نجهز العشاء خلصنه وصبينه وصحنه الكل اجو كعدو اتعشينه وخلصنه بيبي كالت
الجده: انتن كومن غسلن امواعين
تحجي وتاشر على بنات عمي اباوع على ايه تباوعلهن بشماته ضحكت بسكوت بدون محد ينتبه راحنه غلسن المواعين لل8 ونص راحو كلهم
صعدنه اني وايه كل وحده لغرفتها تدرس لل12خلصت وكعدت اتابع مسلسل بالمبايل بعدهي نمت
بعد مرور سبوع
نيران: كاعده بليل بالحديقة اني وايه كل وحده على مبايلها جنت ارسل الشيخ ادهم اجه اشعار على مبايلي من رقم دخلت
فتحت الرساله وياريت مافتحتها بقيت مصدومه مااعرف شنو اسوي وكع المبايل من ايدي انتبهت على ايه اجت وكالت
ايه:شبيج نيران شصاير
نيران: ....................
يتبعع
توقعاتكم للبارت الجاي
شنو شافت نيران.....؟
ومنو الي راسل نيران......؟
لاتنسون التصويت
والتعليق بين الفقرات
شاركو توقعاتكم بالتعليقات
بايي حبايبي
أنت تقرأ
نيران الأدهم ♥
Gizem / Gerilimالروايه تتحدث عن بنت يتيمه الام والاب احبت شخص هل هذا الشخص يعوضها عن كل الخسرات التي خسرتها اما لا
