السلام وعليكم
ما عاتبت خاف العتاب يقهرك
واسهرلك واني ادري غيري مسهرك
الكاتبه نور العنزي
ـــــــــــــــــــــــــــ
رميم
-بقيت صافنه على الشارع شويه وحجه نفسه
الشيخ ابراهيم: شنو اسمج
رميم: خرب حظي حتى اسمي مايعرفه كلت رميم
الشيخ ابراهيم: شتصيرين من الي كتل ابن عمي
رميم: بنت عمه
الشيخ ابراهيم: المفروض اخته الي تجي مو انتِ
رميم: اعرف بس اني وكتلهم اروح فصليه
الشيخ ابراهيم: تعرفين شنو معنى فصليه
رميم: اي
الشيخ ابراهيم: اطلعين من العز والدلل تجين للذل شهل عقل الي عنج
رميم: نفس الشي حياتي وحيات الفصليه بس الفرق اني جنت عند اهلي وهسه حروح لغير بيت ماكو فرق
الشيخ ابراهيم: باوعتلها شفتها منزله راسها وتحجي اكيد ورها سالفه ماكو وحده تقبل تروح فصليه اوصل للبيت واعرف سالفتها كلها
رميم: سكت هوه واني بقيت منزله راسي شوي وكفت السياره يعني وصلنه كال الي يسوق
جاسم: انزلي خيتي
رميم: هزيت راسي ونزلت اجه واحد بتجاهي مااعرفت منو لان ماارفعت راسي كال بهمس
الشيخ ابراهيم: امشي وراي ولاترفعين راسج
رميم: تمام مشيت وره وصاح وحده يمكن اخته او زوجته مااعرف المهم صاحه وكال
الشيخ ابراهيم: اخذيها يم الشيخه
ساره(زوجت الشيخ ابراهيم): حاضر شيخ
تعاي وياي
رميم: رحت وراها ودخلت جوه كلت السلام وعليكم
الكل: وعليكم السلام
ساره: شيخه هاي الفصليه
الشيخه (ام ابراهيم): هلا تعالي
رميم: رحت يمها بست راسها وايده مثل ماكالن البنات كالت
الشيخه: اخذيها لغرفتها خلي ترتاح
ساره: حاضر
رميم: رحت وراه ودخلتني لغرفه كالت
ساره: هاي غرفتج مؤقتة بين مانعرف منو الي راح يعقد عليج
رميم: تمام رحت واني شمرت نفسي على الجربايه وصافنه حسيت الي سويته غلط مااعرف ليش مر ساعه واجتي وحده ثانيه
ناره (اخت ابراهيم): يلا حبيبتي اجه السيد يعقدلكم
رميم: تمام بس البس شالي
