هز راسه أي وأندار بقيت لازمه أيده مقهورة كلش عليه شغل السيارة وظل يسوق ساكت
شويه و وگف أندار عليه بقىٰ يباوعلي شويه وحچه :
- ختام آنا
آنا أحبچ
- أي أدري
- تدرين ؟
- أي طبعاً
- وأنتِ ؟ ما تحبيني ؟
- لا
سكت ودار وجهه شغل السيارة وبقىٰ يسوق محچه أي شي
وگف گدام مطعم نزل وآني هم نزلت رحت وگفت يمه لزم أيدي ومشينا فتنا للمطعم گعدنا ع طاولة ووصينا أكل بقينا گاعدين ننتظره
شويه وحچه :
- ليش ما تحبيني ؟
- وليش أحبك ؟ صحيح أنتَ چنت أحسن شخص بحياتي من ناحية المعاملة وهيچ بس مو معناها أحسن معاملة لأن آني أصلاً ممعامليني زين لهالسبب آني شفت معاملتك زينه وگلتلك آني ما أكرهك بس ما أحبك ولا راح أحبك لو تبقىٰ آخر بشر بالكوكب مراح أحبك
فرك وجهه مقهور كلش لدرجة وجهه صار أحمر
گام :
- هسه أجي
هزيت راسي أي
راح وآني بقيت گاعده شويه ورجع لحيته منگعة گعد ع الكرسي
وبنفس الوقت إجه الأكل بدينا ناكل ساكتين توترت من علاقتنا صايره محلوة عفت الأكل وباوعتله :
- باوع
رفع عينه هد اللفة وباوعلي أنتچه ع الكرسي :
- خلي نرجع مثل قبل ؟
- شلون يعني
- يعني مو هيچ علاقتنا محلوة خل نرجع هيچ نتعارك ونسولف مرات وتعلمني و أسولفلك وتسولفلي
- ختام
تره هذا آخر أسبوع إلنا عوفي هاي السوالف
- شبيك ؟ يا سوالف داگلك نرجع مثل قبل
- تردين تأذيني ؟؟ لچ بابا آنا كل ثانية جاي أگضيها وياچ تحرگني حرگ بعدين
تردين نرجع مثل گبل وبعدين فجأة أشوفچ رايحة من عندي ؟
درت وجهي منه ضايجة وحچيت :
- تمام مثل متريد
- ختام أنتِ بيچ مجال تظلين وياي ؟
دنگت عيني ع أيدي
هزيت راسي لا :
- أبد ختام أبد ؟
- لا
- حتىٰ إذا تعدلت وعفت الإجرام ؟
- أي ما أبقىٰ وياك مو عادي العيشتنياه تدري كل يومية آني أنام خايفة خاف تغتصبني أوتجيبلي ناس يغتصبوني أو خاف تكتلني أو خاف تخليني أصير مجرمة
شنو تعويضهن هذنِّ ؟ شتريد تعوض
- كلهن أعوضهن والله بمكان كل جرح حتىٰ إلي مو بسببي آنا أصلحهن كله أعوضه
أبقي وياي ختام
هزيت راسي لا والدمعة تهتز بعيني
زفر نفس فاقد الأمل ونزل راسه :
- خل نروح
هز راسه أي وحط الفلوس ع الميز وطلعنا أيد بأيد
ركبنا بالسيارة ظلينا طول الطريق ساكتين رجعنا للبيت فتت گبل صعدت فوگ بدلت وتمددت ع الچرباية دموعي تنزل
أنت تقرأ
تهور القلب
Actionفي ضجيج العالم .. هدوءٌ غريب ! يتوسط روح أحدهم بشكل مرعب ٫ لا إهتمام ٫ لا حنين ٫ لا حب ٫ فقط الكره .. الكره والهدوء ٫ فيتهور القلب ويتقدم خطوةً علىٰ هذا الهدوء .. ليقع في الحب ٫ فماذا سيحدث ؟! هل سيفوز القلب ؟ أم يعود الكره فيه ؟! قصة من وحي الخيال...
