تـوقيـت

بـارت اݪـسابع عـشر | بـدون وމاع !

﷽
توقيـت
البارت السابع عشر
بقـݪم الكاتبـة فاطمـه العنقـاء
صوتوا بنجمه لُطفـًا !
حسابي انستا i2il.9

•••••••
رتيـل:- ههه شبيك تريد تخوفني ادري بيك
-ميحجي ساكت ونظراته مال واحد مقهور
رتيـل:- شبيك ساكت
-أجه يلبسني بالصايه ويلف بالحجاب واني احجي
رتيـل:- هُمام شبيك شنو مات ابني هذا ميموت
هُمــام:- امشي لا نتأخر
-سحبني من أيدي طلعنه قفل باب الغرفه، وكمش أيدي صعدني بالسياره وراح قفل الباب وأجه يسوق ساكت واني صافنه

رتيـل:-وين راييحين
هُمــام:- الأختج محتاجتج
رتيـل:- يعني صدك متجذب عليه؟
-هـز راسه أي ويسوق بكل سرعته احس السيارة طايره بينا، مراضيه استوعب شنو مات، فتره ضل يمشي وأثنينا ساكتين بس هـوَ كل شويه يدير وجهه عليه ويرجع واني بس صافنه وصوته وهـوَ يگول مات ميروح من بالي
-شويه وبديت اشوف شوارع منطقتنه وأفرعها ودرابينها وصلنه الفرعنه طبگ السيارة ونزل فتح الباب اخذني من أيدي ويمشي قربنه نوصل
-باب بيتنا مفتوح وصرييخ وحتى اباب الشارع موجوده نسوان، گلبي بارد وماعندي شعور شنو شكو ماعرف شيصير انداريت الـ هُمام وگف بالباب يم ولد شاب ولازم أيدي يحجي وياي ميكدر يدخل اكثر

هُمــام:- فوتي بابا
دخلت للبيت شفت أتين واحس روحــِي ترجف عليها بس مو أتين الأعرفها
-وجهه مابي ملامح من اللطم صوتها مبحوح وشاگه دشداشتها حتى شعرها مگطعته خدودها تجري دم وكل النسوان الموجوده يبجن ؏ حالها وبصفها بنيه تقريبًا تطلع بعمرها لازمتها وتبجي متخليها تلطم لازمه أديها، أتين مدري شتحجي وبس اللي افهمه منها يوسف، مصدومه مجاي استوعب الصار دمعه مانزلت شكو اريد افهم أدير بعيوني للمكان البنيه اللي بصف أتين تهز بيها وتحجي

نـرجس:- اتين اتين اختج هاي اختج رتيل اجت
رتيـل:- رفعت راسها عليه تباوع گامت تركض وتوگع وترجع تگـوم، أجت ذبت روحها بحضني

أتيـن:- راااااح يوسففف رااااح ماضميته بروحـي مثل ماوصيتي ماعرفت احافظ علييهههه ولججج رااااح رتيلل راااح

رتيـݪ:-ماعدها حيل حتى توكف ، كعدت بالگاع لازمه بأيدي وتصرخ واني واكفه كعدت گبالها لميتها بحضني وهي تبجي وكلامها مو مفهوم شبه فاقده

-بين صريخ النسوان وصريخ اتين ،اسمع صوتهم طبوا من الشارع شايلين تابوت ويصيحون
-لا ألـه الأ الله، لا ألـه الأ الله

رتيـݪ:-هُمام ملثم ولابس دشداشه سوده يا ولد تلاثه، حطوا التابوت بالگاع زحفتله أتين وكعدت تبجي وتلطم بصريخ ،واني بس واكفه اريد استوعب
-ما اصدك هذا يوسف اتقربت ؏ تابوته اتهسترت اريد افتح التابوت ميخلني اجن نسوان لازماتني

رتيـݪ:- وخخخخخخريييييييي ابنيييي هنااااا ابننيييييي يوسسففففف يمههه يوسففففف وييين وينننن رااايح وعايفننننييي اللطم ؏ وجهي وأصرررخخخ بعلو صوتي اتين اغمى عليها وهي ؏ التابوت أجه ولد بعده شاب لمها بحضنه وشالها دخل جوه شويه وطلع لافها بعباه وراح