مياسه : وينها اميه
العمه مريوم : الحين يايه
- دخلت أم طحنون و من جافت بنتها تجمعت الدموع بعيونها و راحت حضنتها و عقبها قامت تحصن وحيدتها
- صوب الرياييل
وصل الملاج و سلموا عليه و هالوقت بدؤوا يرمسون عن عقد القران و وقع ذياب عقبها توجهوا اخوان مياسه لغرفتها و دقوا الباب
مياسه : تفضل
دخلوا اخوانها و قعدوا حولها و مد لها طحنون الكتاب عشان توقع طحنون و هو يأشر على مكان التوقيع :
وقعني اهني
مياسه مدت ايدها برجفة و سمت بالرحمن و وقعت
و اهني انكتبت مياسه زوجة لذياب
طحنون باس راسها و بأبتسامه : مبروك
قاموا نهيان و ثنيان باركولها و باسوا راسها و طلعوا متوجهين للميلس
- دخلوا البنات بدفاشة و وراهم أم طحنون
ميره حضنت مياسه : مبروك زوجة اخوي
مياسه بمستحى : الله يبارك فيج
أم طحنون : يلا نحن بنطلع و عقبها انزلي عقبنا
مياسة بتوتر : تمام
- طلعوا عقبها بعشر دقايق نزلت مياسه و الورد بإيدها و اشتغلت زفة هب السعد و بدأت تمشي بهدوء و تبتسم بثقة لحد ما وصلت للكوشه المخصصة لها هي وذياب و بعدها بدؤوا يسلمون على مياسه و عقب ما خلصوا يت عندها بنت من شكلها و لبسها المبالغ فيه ما ارتاحت لها و همست بأذن مياسه :
مابهدج بحالج نفس ماخذيتي حبيبي و ريلي مني
و راحت و هدت مياسه المصعوقة بمكانها
عقب اعلنوا و قالوا للحريم يتغطون لانه ذياب بيدخل
و دخل و وقف صوب مياسه
همس لمياسه : مبروك
مياسه ببرود : الله يبارك فيك
استغرب ذياب من برودها بس سكت
بعد 10 دقايق
أم ذياب : يلا ذياب لازم تلبسها الشبكة
ذياب : اوك
- يابوا الشبكة و بدأ يلبسها العقد بعدها الحلقات و آخر شي لبسوا بعض الخواتم و بعدها راحوا الغرفة المخصصة للتصوير و بكل الوقت مياسه كانت تتجنب تطالعه و هو مستغرب و بعدها خلص اليوم و قبل ما يروحون ميره و أم ذياب مياسه سحبت مياسه على صوب
ميره : بسم الله شو فيج
مياسه : بسألج منو هالبنت الي كانت لابسه فستان احمر ضيق و شعر طويل ؟
ميره بتفكير : ممم هاذي بنت خالتيه اليازيه
مياسه : حلو حلو
ميره : تامريني بشي
مياسه بابتسامة : سلامتج ، مع السلامة
ميره : مع السلامة
و طلعت
- توجهوا أم طحنون و مياسه و كل وحده راحت غرفتها و دخلت مياسه الغرفة خذت تلفون و كتبت في قروبها هيه و اخوانها " اخواني الأعزاء تعالوا غرفتي ناموا وياي "
عقب 5 دقايق
دقوا الباب اخوانها
مياسه : تفضلوا
- دخلوا و قعدوا وياها على السرير و قامت مياسه تدمع و حضنوها
طحنون بحنيه : شو فيها نبضي
مياسه نزلت راسها : ماعرف كيف بهدكم
ثنيان رفع راسها : حتى لو رحتي نحن بني عندج
مياسه : مابي اهد البيت
نهيان : ما عليج بنقنع ذياب تتمين فالبيت عندنا
طحنون : جفتي كيف
مياسه و هي تمسح دموعها : صدق
ثنيان : صدقين بعد
مياسه بحب : الله لا يحرمني منكم
الشباب : ولا منج
طحنون باستهبال : الحب تغار
نهيان : هههه طع الاخ غارق بالحب
مياسه تتثاوب : شو رايكم نرقد
كلهم : يلا
حضنوا مياسه و رقدوا
