معشوقتي اجمل من الخيال والخيال ماهو اجمل من معشوقتي

ليلٍ ماينقصه الا ارجوان توده 1

"يا مرحبا يا مغلط في تلفوني مسموح مسموح والغلطات عفويه"🥹 اشتقت لكمم ماتعرفون قد ايش مشتاااااااقه لكممم🥹💕
الكاتبه: ريف 🖤

ملف التعريف:

الجد ابو ملفي: عمره 87 سنه عنده ثلاث بنات وثلاث عيال زوجته سوسن
الجده ام ملفي: عمرها 79 طيوبه لاخر درجه وتحب الجمعات
ملفي: الولد الكبير ل ام ملفي وابو ملفي عمره 55 متزوج وزوجته ساره
حسين: الولد الثاني عمره 52 وبرضو متزوج وزوجته عبير وموظف بشركه ارامكو
نواف: الولد الثالث عمره 48 متزوج وزوجته اشواق

سديم: ويسمونها ام ابراهيم عمرها 47 زوجها محسن عمره 56
ريلان: يسمونها ام عزيز عمرها 44 زوجها بندر عمره 58
الجوهره: يسمونها اخر العنقود مابعدها احد عمرها 33 ودلوعه ابوها

ابناء ملفي: سطام عمره 26 ثقيل وهيبه والكل يهابه ويخاف منه
مالك: عمره 24 ودايم اذا جاء يقولون له "مالك شبيه اصلا على شان اشبه"
نايف: عمره 22 اكثر واحد يضحك وياكل ولا يشبع وياليته يسمن يطلع زي العود
ارجوان: البطله عمرها 20 وبرضو تقول انها بزر وماتبي تتزوج وتدرس طب

ابناء حسين: ماجد عمره 35 واكثر واحد بلااااااير
فارس: عمره 32 اللي ينادونه المستحيل كل شيء عنده مستحيل لو انه سهل

ابناء نواف: مروان عمره 37 يهايط وماعنده ماعند جدتي
سليمان: عمره 34 موظف عسكري وتبته عقيد
سامي: عمره 30 الوحيد اللي ينادونه "سامي الحاقد" عشانه مايعرف يلعب كوره

ابناء سديم: ابراهيم الكبير عمره 25 ويقول انا كبير ابي اتزوج وهو حتى الجامعه مدقر فيها
عواد: عمره 19 يقول انا ذكي ودافور المدرسه وهو اعلى نسبه جابها 59
سعيد: عمره 16 وواقع بالحب ويعشق الين وللحين مابادر

ابناء ريلان: عزيز الكبير عمره 30 يعشق ارجوان من يوم كانو صغار
محمد عمره 28 اربع وعشرين ساعه يسافر م يجلس
فيصل: عمره 23 مايدري وين الله حاطه وبااااارد بوقت المصايب
لمى: العنقوده عمرها 18 وحسااااااسه بزياده لو سالفه تافهه تبكي عليها

وبدات حكايتنا:-

عزيز: يبه شرايك نروح عند جدي ؟
ابو عزيز: وش تبي به وانا ابوك ؟
عزيز: ابي اروح اشتقت لجدي
ابو عزيز: والله انك تبي تروح له عشان ارجوان مو عشان جدك
ضحك عزيز وقال بخجل: ايوا يايبه ابي اتزوجها دحين يعني دحين
جت ام عزيز معها القهوه والشاهي: اي اسمع بندر ترا بنروح نسكن ببيت ابوي
ابو عزيز: زين بكره واحنا ماشين جهزوا أغراضكم
لف عزيز لامه: يعني بنروح عند جدي اخيرااا!!
ام عزيز: اي اي ناد اخوانك عشان نتجهز ونروح

عند ملفي:
ملفي: يا ساره وينك يا بنت
جت ساره: هلا وش فيه ؟
ملفي: ترا اخواني وخواتي بكره بيجون عند ابوي وانتوا بعد تحهزوا
هزت راسها بمعنى نعم وراحت تدخل على ارجوان: هلا هلا
ارجوان: هلا ماما فيه شيء ؟
ساره: اي اي حبيب الطفوله بيجي بكره ومعه عمك وكلهم بيتجمعون
ارجوان: ماما انا قلت لك انه بس صديق الطفوله يعني مابيني وبينه شي
ساره بغمزه: اي اي مابينكم شي

اليوم الثاني~
بندر: يلا يلا يا عزيز مشينا
محمد: يايبه ليه نروح لهم حر وكتمه خلنا بالباحه افضل
نزل بندر عقاله: لا بالله والله لو اسمع لك صوت طول الوقت ياويلك
وركبوا السياره وحركوا.

عند الجد

الجد: حسين ونواف تعالوا
جو يركضون: سم يا يبه امرنا
الجد: ما يامر عليكم عدو بس ترا اختكم ريلان جايه معها عيالها
هزوا روسهم بمعنى نعم

عند ابو عزيز بالسياره:-

محمد: يبه كم باقي لنا
بندر: قربنا بس مدري كم
رد عزيز: هذاك بيت جدي وصلنا له

اول ماوصلوا شافتهم الجده وتناديهم بالتراحيب وكلهم وقفوا عشان يرحبون فيهم
ولمح عزيز وحده من بينهم وهي كانت ارجوان ولاحظت نظرات عزيز لها وصدت
وابتسم بخفه وكمل يسلم عليهم وجلسوا يسولفون وقال الجد: شفتوا الربيع اللي على الطريق ؟
قال بندر: ايه شفته يا عمي والله المكان زين وينفع نكشت فيه
ردت ارجوان: الله كشته نبي نروح تكفون تكفون
رد الجد: بس يا بنت الحلال الكشته اللي يقصدها بندر حقت رجال
وضحكت ارجوان ولمح عزيز غمازاتها وسرح فيهم
وجت الجده: يلا يا عيالي الغدا وانتوا يالبنات بالصاله
وتفرقوا كل واحد يروح المكان اللي بيتغدون فيه
وبعد ماخلصوا غداء

قام عزيز يغسل ايدينه ولما وصل للمغاسل صدم بارجوان وهي كانت بيدها ماتشا وصبغ على ثوبه وقالت: اسفه اسفه مانتبهت
وعزيز سرح فيها وبجمالها: ها لا عادي عادي ماصار شيء، عرفتيني ؟
رفعت انظارها ارجوان له: ها؟ لا ماعرفتك
عزيز: انا عزيز اللي كنتي تناديني عزوزي
عرفته ارجوان وابتسمت ابتسامه عريضه وبانت فيها غمازاتك وبدا يتاملها عزيز
ووو........