"ဒုံဟျွန်း မင်း ဘလိုင်းဒိတ်လေးဘာလေးလုပ်ပါအုန်းလား အသက်တွေလည်းကြီးနေပြီကို အဲ့ငါးတွေနဲ့ပဲယူတော့မလို့လား"
စီနီယာအကိုကြီးရဲ့ ရွှတ်နောက်နောက်စကားကြောင့် ဒုံဟျွန်းပြုံးမိသွားသည်။
"ဘယ်လိုလုပ်ရမှာလဲ စီနီယာရဲ့ ပြောပြပါအုန်း စီနီယာရဲ့ရည်းစားရနည်းလေးတွေ"
စီနီယာအန်တိုနီယိုဟာသူ့ချစ်သူလေးအာစတင်နဲ့သူ့ဘေးကိုရောက်လာပြီး ဘယ်လိုလုပ်သင့်ကြောင်းဖောက်သည်ချလေတော့သည်။
ထိုအချိန် စီနီယာ့ချစ်သူလေးမှ စကားစလေသည်။
"ဒုံဟျွန်းဘလိုင်းဒိတ်လုပ်ချင်ရင်လေ ကျွန်တော့်သူငယ်ချင်းတွေထဲမှာလည်း ဘလိုင်းဒိတ်လုပ်ချင်နေတဲ့လူရှိတယ် သိလား"
အာစတင်ရဲ့စကားကြောင့်နှစ်ယောက်လုံးအာစတင်ကိုလှမ်းကြည့်လိုက်သည်။
"သူ့နာမည်က ဒုံမင်းတဲ့ အမ်...ဟန်ဒုံမင်းပေါ့ ဒုံဟျွန်းတို့ ဒုံ,ဒုံချင်းဆိုတော့ ဒုံလို့ရတာပေါ့"
ဟမ်..အဲ့တာဘာစကားကြီးလဲ။ဒီကောင်ဘာတွေပြောနေတာလဲဆိုတဲ့အကြည့်နဲ့စီနီယာ့ကိုလှမ်းကြည့်တော့သူလည်းသဘောပေါက်စွာဖြင့်။
"အသဲလေး အဲ့တာဆို သူငယ်ချင်းကိုပြောထားလိုက်လေ ဒုံဟျွန်းလည်းဒီနေ့ညနေ4နာရီလောက် ဟိုခေါက်ဆွဲဆိုင်မှာစောင့်နေလိုက် အိုကေ"
သူ့စကားပြန်တောင်မစောင့် မျက်စိတစ်ဖက်မှိတ်ပြကာပြေးထွက်သွားလေသည်။
ဒုံမင်း...ဟန်ဒုံမင်း?
—————
ဟာ sh*t သွားပြီ။
ဘလိုင်းဒိတ်လုပ်ရမှာကိုမေ့ပြီး ငါးတွေထိုင်ကြည့်နေတာ နာရီဝက်နောက်ကျသွားခဲ့ပြီ။
ထပ်နောက်ကျလို့မဖြစ်တာကြောင့် ခေါက်ဆွဲဆိုင်ကို ပန်းကန်လုံးစီးကာပြေးရလေသည်။
—
————
အခုကဘယ်လိုခံစားချက်ကြီးလည်း စာအုပ်တစ်အုပ်ရဲ့ နိဒါန်းကစလို့နိဂုံးထိ အလွတ်မကျန်သိနေတဲ့စာအုပ်ကိုပြန်ဖတ်ရမယ့် ခံစားချက်မျိုးလား။
YOU ARE READING
The Memories Of The Author Ben
FanfictionWritten in Burmese ဒီအချိန်၊ဒီနေရာကိုပြန်ရောက်ဖြစ်ရင် ကျွန်တော့်ရဲ့ အပိုင်းတိုဖလင်များကိုထုတ်ကြည့်ဖို့သတိရပါ။
