الروايه: عوض العقاب♡.
الكاتبه: RASHA ♡.
_____
ناي
مثل كل يوم كعدت متاخرة عاجبني اعزم مرام واهلها خلي اكل الماما كمت اخذت دوش سريع ونزلت لكيت امي وعقاب كاع يتريكون طبعاً اخواني التوام غيت وليت خارج البلد اليوم يجون
كعدت
ناي:صباح الخير
الكل:صباح النور
ناي:يمه اريد اكلج شي
امي:كولي
ناي:ماطول اليوم راح يرجعون التوام خلي اعزم مرام واهلها
امي:بكيفج بس كلي الاخوج
عقاب:عادي بكيفكم
ناي:لعد تمام خلي اخابر مرام
طلعت تلفوني وخابرت مرام وفتحت اسبيكر
ناي:صباح الخير حب
مرام:صباح التأخير اريد اعرف ليش تتاخرين
ناي:اهووو رزاله من الصبح
مرام:اي تستاهلين
ناي:وين انتي
مرام:يعني وين بالطريق اليوم مالي خلك
ناي:لعد هسه راح اطلع اني بس اريد اكلج شي
مرام:كولي حب صار عندي فضول
ناي:اليوم راح يجون اخواني من برا البلد
مرام:قصدج غيث وليت اي اذري البارحه خابرتهم
ناي:ها اي امي عزمتكم اليوم على الغداء تكول اذا ما تجي ازعل عليها
مرام:والله مالي خلك بس على مود صديقتي الغاليه راح اجي
ناي:يعني راح تجين على مودي بعد روحي
مرام: اشو انجبي قصدي على امج لان هيه صديقتي الغاليه
ناي:ها لعد ولي باي
مرام:تعالي يرويحتي تعالي يعمري تعالي حياتي
ناي:بعد روحي يلا ما زعلانه
مرام:ههههه انتي بسرعه تتقشمرين
ناي:ايا جلبه امشي ولي زين تعرفين منو كاع يسمعج
مرام:منو
ناي:امي وعقاب
شو هاي سدتة بوجهي متتت ضحك عليها
ناي:شكد تستحي من عقاب
عقاب:مني
ناي:اي كل ما تسمع اسمك ما اذري شيصير بيها خدودها يصيرن حمر
_____
عقاب
انصدمت من كالت كل ما اكول اسمك معقوله تحبني لازم اتاكد كلتلها
عقاب:ناي تعالي الغرفتي
رحت للغرفه واجتي وراي ناي
ناي:كول محتاج شي
عقاب:اي اريد منج شي
ناي: تحت امرك سيدي
عقاب: ناي اريدج تعرفين مرام تحبني لو لا
ناي:مرام شلون اني هم جنت شاكه بيها
عقاب:تمام اليوم من تجي اخذيها الغرفتج ضلي احجي وياها كليلها اريد اسالج سوال من اتكلج كولي كليلها انتي تحبين عقاب طبعاً اني راح اكون وياج على اتصال تمام
ناي:تمام
_____
مرام
كلبي كام يدك حيل من سمعت اسمه يعني جان يسمع صوتي يمه وصلت للمكتب ورا شويه اجتي ناي ضلينه تحجي وياي كملنه حجي رجعت للبيت
مرام:مساء الخير
الكل:مساء النور
امي:الله يساعدج يمه
مرام:ويساعدج يرويحتي اكلج يمه
امي:كولي
مرام:يمه ام ناي عزمتنه على الغداء لان ولدها غيث واليث راجعين من السفر
امي:تمام يمه لعد كومو جهزو نفسكم
الكل:تمام
طبعاً كاع اشوف اخواتي التوام كل ما اجيب طاري غيث وليث يباوعن البعض ويبتسمن كلت لك هاي اخواتي حابات واني ما اذري إذا ما الكفجن كل واحد راح الغرفتة اني رحت ورا اخواتي دخلت كبل لكيتهن شابكات بعض
مرام:ها واجن خيانه
شمس:ها
مرام:اني مو اختجن الجبيره ليش ما تكون الي ها
قمر:شنكول
مرام:ترا اني مو غبيه حتا ما اذري تمام كولن شكو
شمس:ماكو شي
مرام:بنات كولن صدكن ما اكول اني اختجن ترا
قمر:تمام بس مو تكولين الامي
مرام:تمام كولن منو منجن تحب غيث ومنو منجن تحب ليث
شمس:اني غيث
قمر:واني ليث
مرام:جنت اذري بيجن صدك تحجن وياهم
قمر:اي نحجي وياهم كالو بس تتخرجن نخطبجن وهسه بهاي العزيمه راح يحجزونه الهم
مرام:صدك
شمس وقمر:والله
مرام:الف الف مبروك يروحي
شمس:وانتي مرام
مرام: شنو
قمر:ترا نذري بس مغلسين
مرام:شتذرن
شمس وقمر بصوت واحد:عقاب
مرام بتلبك:ها شبي عقاب
شمس:هسه حنا مو كلنالج كولي
مرام:تمام بس مو تكولين
شمس وقمر :والله ما نكول
مرام:اي اني احب عقاب بس محد يذري بس انتن شايفين اذا احد ذرا اموتجن تمام
شمس وقمر:تمام
_______________
لهنا وخلص البارت
