المسرارة و زين العزارة

.

ْ◍ المسـرارة و زيــن العزارة ◍

◍بقلمــي Houda Hajji◍

◍الجزء 16◍

من بعد مدة كان وسط حي راقي باين من سكانو و شوارعو ....ركن اللوطو قدام موبل كبير و نزل ...كيتمشى بخطوات ثابتة و عينيه مفيكسين قدامو ....طلع في لاسانسور و وصل الطابق ليه فيه الابارطومون تاع حسن ....نعرفكم بحسن قبل ما يتحل الباب (هههه تخيلو بلي حركة كمال بطيئة زعما بحال في المسلسلات خيليني نعاود ليكم على عشيرو) حسن البهجااوي المراكشي السميمر و الطويل العريض اخوتي ...سبق قلت ليكم ان الصداقة لي كتجمع بين هاد الجوج قديييمة ...هادشي راجع لوالديين حسن و كمال لي كانو صحاب و جيران دار على دار ...ولاد حومة وحدة ...لعبو بجوج ...جراو بجوج ...قراو بجووج ...كلشي داروه بجوج ..تقريبا عندهم نفس الكراكطير غير حسن عزيز عليه الضحك و ديما ناشط على عكس كمال ...تشاركو في شلا حوايج و حتى الاحلام !...كان عندهم حلم مشترك ولي هو التدريس ....عشقهم للهاد المهنة خلاهم يقراو و يكافحو و يكونو ديما من المتفوقين في القسم ....واخا جا واحد الوقت لي مابقاوش جيران ولي هو الوقت فاش الفندق تاع الراييد تحرك ....بطبيعة الحال الفلوس كترات و السكنة تغيرات وانتاقلو من حي شعبي للحي راقي ... قرر سي عزيز يحول كمال للمدرسة خاصة ولكن تلقا الرفض من طرفو ...مابغاش يخلي عشيرو و عشرانو...مابغاش يقرا مع صحاب البخ و العياقة كيت القراية مع ولاد الشعب حلاوتها ماتعوضهاش الايام ...وهادشي لي كان خدا الباك بمونسيون هو و حسن....شحال فرحو و نشطو و الصيف داز عندهم زاهي ولايني من وراها غايتصدم ...فاش الاب قرر و قرارو كان حاسم ماليه رجوع ....انه يسيفط ولدو البرا يكمل قرايتو ...عيا كمال معاه يتراجع و عيات لالة حفيظة (ام كمال)تطلب و تعورط ولايني هاد المرة كان راسو قاصح و رفض ...مشا كمال للامريكا مخلي وراه عائلتو و حبابو و بلادو و عشيرو ...ولكن تواعدو انه لي في راسهم هو لي غايكون و داكشي لي حلمو بيه ضروري يتحقق واخا يوقع لي يوقع ...مشا كمال و حسن كمل طريقو في النجاح ...وهاهو الان استاد جامعي

نرجعو لعند نهيلة ...شيرات بالمسند و هي سادة عينيها المهم بردات الفقصة لي شداتها راه اخيب بلان هو شي حد يفيقك من النعاااس و يقطع عليك ديك الغمضة ...تاسمعات التعرعير برا ...حلات عينيها بالزربة و هبطات راسها كتطل بان ليها جارهم كان كبير شوية في السن ولابس فوقية ...شاد على راسو و المسند في يديه ..و كيطل على منين جاتو الضربة ...هبطات الريدو دغيا و هي عاضة على شنايفها حشماااانة...كتحتارمو بزاف و عزيز عليها ديما كيقول ليها غير بنتي بنتي عمرو قال ليها شي كلمة ماشي تالهيه و لا هز فيها العين و مراتو تاهي نعم الاخلاق سمعتهم حسنة في داك الموبل ...

نهيلة:(ضربات جبهتها بكف يديها و دوات و هي مرگانة و البكية شداتها )شكون الخرا امولاي ..انا الخرية نعام اسيي ...دبا فين غاندير وجهي بغينا نضربو البعالك صدقت ضاربة عمي دريس تفوووووو عليياااا (ضورات وجهها لجيهة سريرها و هي تبدا تتغبن )شيرت بمخدتي لي عزيزة عليا اش غانتوسد دبا ترمة مزغب العينين لي قمعني البارح الله يعطيه الغاراق في هاد الصبااااح...لا لا اويلي على الغرااق غير في الكشكوشة زعما يتخلع و لا يتلقا ليه شي قرش وهو كيدرع يخريه بالخلعة و يخرجو ليا ساالم مسكين الله يسكن ليه القلب ...(بدات تطل بنص عين من ورا الخامية بان ليها باقي كيطل على سراجم )ياااربي يحطها ..حطها اعمممي حطها الله يحفظظك افففف

تنهدات ماتقدرش تقول ليه يرجعها كتحتارمو ماتقدش تقول ليه رجعها ليا غايعرفها هي لي شيرات بيها ...رجعات ديك الخامية كيف كانت و هي مغددة على وسادتها شوية وهي تسمع شي دري صغير كيغوت

...عمممي بووعو لي ضرربك بدييك المسسسند