بسم الله الرحمن الرحيم.
فضلاً وليس أمراً قبل القراءة ( تصويت+ تعليق)💞.
••••••
فَي شِوارع روُحَي المُعتمة كَانَ وَجهك جِميع أعمدة الأنارة .
~~~ نايا ~~~
كالعاده طبعاً كعدت على صوت وفاء المُزعج وهيه تصحيني.
باوعتلها بَـتك عـيـن والعين الثـانـيه مغمضة.
نايا: ها وفاء شتردين عوفيني نايمه رحمه للكائنات.
وفاء بعَصبيه: دكومي نايا والله بزعتيني كومي مو اجت ام مرام تكول خلي تروح وي سليم للمحل غير تردين تشتغلين؟.
نايا: اكلتيني حاصل فاصل كمت هياتني روحي كدامي سويلي زقنبوت.
وفاء: زقنبوت بطن اعدائج.
ابتسمت بأستفزاز وهيه عاطت بيه وراحت.
نايا: اهووو والله مالي خلگ اكوم.
كمت وسبحت بمي دافي ولبست تيشيرت احمر وجينز اسود عريض ولبست كوت اسود وخليت مرطب شفايف ومسكره وعطر ومشطت شعري يوصل لنص ضهري لأنو قصيتو قبل فتره.
خذيت الخصلات الاماميه وشبكتهن بقراصه وصارت تسريحه احسها بسيطه .
نزلت ووفاء تدردم عليه ليش مانمتي من وكت ومدري شنو.
نايا: شكو وفاء الناس تصبح بالخير شبيج تدردمين جنج عجوز مأكول عشاها؟.
وفاء: لج ليش تعبيني ولج كتلج البارحه نامي وراج شغل مارديتي عليه.
نايا: عادي يابه ماحس بنعاس.
وفاء: بكيفج نونه كعدي اكلي وشبعي هلبطون.
ضحكت بَخفه وبست خدها وكعدت اكل وهيه كاضه الفون تحجي وي ام سالم صديقتها.
اوفف عذروني ماعرفتكم على نفسي ، اني بنيه عمري 16 هسه حَـتكولون ودراستج ومدري شني تركت الدراسه علمود وفاء ماعدها امكانيه واني همين ماقصرت درجاتي زفت زفوته وقررت اشتغل واعينها بمحل الورود وي سليم ابن ام مرام جوارينه.
اما شكلي عيوني لونهن مُـحيِـر لاهنه خضر ولا هَـنه عسلي كلشوي لون ، انفي مابي شي طبيعي وطولي همين متوسط لا قصيره ولا طويله ، شعري ناعم وارثته من ماما وهمين بي لون ابيض وارثه هلشي من جدي قتام هيه بيبي كلتلي.، ملامحي عادية بس عيوني ناعِسات وهلشي احسه حلو واحب عيوني بشكل كبير مادري ليش بس هيج.، اما اهلي الأسف ابويه يحب امي بس اهله مجانو زينين وخلوهم يفترقون وامي شردت بسببهم وبسبب سحورتهم لأنو رادو بوكتها يخلوني اموت،امها وفاء وامي من حزنها على ابوي وحبها توفت واني ماعندي خوال بس وفاء بيبيتي وعايشه وياها وعمامي ماعرفهم اصلا ولا واحد علمود اصلا امي بس جابتني انهزمت وماعرف ليش.
أنت تقرأ
هوس العُقاب
Bí ẩn / Giật gânفتاة عنيدة وشقيه تهوى المغامرات ، تُجبر بالزواج من ابن عمها فماذا سيحدث بعد ذالك ؟.
