ارض الثارات
لـليـان الساده
_______
آيه: لعد وعذابي؟؟ منو ياخذ حقي؟؟ الكـتل الجـنت احلصـه منكم؟ ماكو جواب طبعاً
احاچي بكل هدوووووء وثقه وهالشي خلا يتخبل
ادم: لج صار 4 سنوات اشتغل براحتيييي شطلعج الييي شجابچ؟
ايه: وهي هاي الـ 4 سنوات اني ادرس واشتغل واسهر علمود هاللحظه وهن سببين بس صرت محاميه عليهن هذا السبب وحلم امي وبس
اجا المحامي المقابل وگال اعتقد دورنا
دخلت للجلسه وكلشي من صالحي بس الخوف مستحوذ جسمي بالكامل الي ان نطق القاضي الحكم بالسجن المؤبد
بسبب جريمه قتل ومخدرات هناااا ماسايعتني الگاع من الفرح
ادم نزل راسه بدون ولا حرف ومحمد اخذ حكم 27 سنه بسبب محاوله قتل مو ناجحه ومخدرات واخيراااا هو هذا ثاري...
مصطفى☆
سافرت بدون سبب بس حتى متطلب طلاق بس كافي لازم اواجه الامر الواقع ولازم ارجع واشوف شمنتظرني سافرت علساس تونست مثلا؟؟ كل لحظه افكر شلون عفتها وحدها وبالاخص بهالوقت هذا حلمها چانت امنيتها تسجن اخوانها نزار يعرف بكلشي بس الحلو بي ميحچي لاحد ولا كإنما عرف شي يدري اني احبها وما اريد اطلگها ووصيته يبقى وياها بكل خطوه وكل ما اگله شنو تسولفلك لان هي ترتاح لنزار يگلي ماگدر احچي وهالشي يعجبني باخويه وميعجبتي حلو يحافظ عالسر بس اني اريد افتهم مشاعرها وهذا قافل ميسولفلي.....
مشا هذا اليوم وخلص ومصطفى علساس يرجع اليوم واني مابقت ببالي غير فكرت طلاگي معقوله يطلگني اي صح بهاي السنتين تكونت مشاعر بگلبي تجاهه وكلام نزار كله بعقلي معقوله هاي هي بعد ماكو مصطفى بحياتي نزار سمر معقوله ينتهي كلشي باچر
اجا مصطفى وبوجهه لغرفته راح ينام واني هم رحت لغرفتي بهاي الاربع سنوات انكشف موضوعنه والعائله كلها عرفت زواجنا اتفاق گعدت المغرب او خلي نگول بالليل نزلت شفتهم يتعشون وعرفو نظامي بعد محد يصيحلي عالعشا لان اني ما اتعشا رحت گعدت بالصاله الثانيه اسمع صوت المغسله فتح الباب مصطفى گال عادي نحجي گتله طبعا فوت
مصطفى: باجر البنات يروحن لاهلهن والباقين معزومين على عرس وحاد من گرايبنا تروحين وياهم؟
ايه: لا ماروح باچر...
مصطفى: اطلگچ؟
ايه: اي هاي هي وظيفه وتوظفت باجر تطلگني
الجمل الگلتها حرگت گلبي بس مجبوره اگولها لان هو تزوجني اجبار حاله من حالي خلي يكمل حياته يستاهل گلبه طيب ويستاهل كل الخير
مصطفى: طلباتچ اوامر باچر اجيب الشيخ و اطلگچ
حسيت راح ابچي وهو هم حس عافني وطلع بس سد الباب انفجرت ابچي معقوله بهالسهوله؟؟؟
ثاني يوم من الصبح ماكو احد البيت فارغ سبحت ونزلت ورا شوي اجا مصطفى وواضح ويا شخص من سمعته گال
"تفضل شيخ تفضل"
گلبي انقبض هنا نهايتنا.....
طلع من الصاله وگال البسي شي على راسچ وتعالي يلا وملامحه مغيمه ماعرفت غضب لو حزن
هزيت راسي ورحت لبست شال ابيض البنات حاطاته علمود العقد وذني الامور لبسته ودخلت سلمت وگعدت وهو مقابيلي ردد الشيخ كم ايه وعلم مصطفى شنو يگول وصار الغير متوقع......
يتبــــــــــــــ؏
😞✨🫶رجاءً التصويـت ع البارتت
أنت تقرأ
ارض الثـارات
Детектив / Триллерفتـاه محاربـــه ذو شخصيـه قويـه اتعبوهـا اهلهـا منـذ صغرهـا فتـاه لا تعرف معنـى الاستـسلام قدرهـا ضلمهـا وقعـت بيـن عائلـه لا تعـرف معنـى الرحمــه والحـب حاربـت وتحاربـت ثـم ماذا اشـاء قدرهـا؟ ماذا ستحـارب بعـد..؟
