دخيلة الشيخ اسد

part 2

الروايه: دخيلة الشيخ اسد♡.
الكاتبه: RASHA ♡.

_____

مهجه

دخت من كثر ما بجيت شفت الساعه راح تصير الصلاة اهوو هاي اشكد صالي اني ابجي كمت صليت وكملت طلعت اسوي عشاء كاع اسوي وفاجاء اجا احمد بي ريحه مو حلوه شبكني اني كمت ادفع اريد يوخر

مهجه:وخر حباب وخر

احمد:ما اوخر إذا ما اخذ الي أريده

مهجه:ما ما وخر ساعدوني

كمت أصيح اجتي سعاد

سعاد:هاي شكاع يصير

مهجه:صيحي ابابنج خلي يوخر

سعاد:ليش عيني ابني يتحارش بيج لو انتي ام الزلم

سعاد اجتي تكتل بيه وتسب بحيث بعد ما احس بنفسي كمت اجر النفس بلكوه هيا من شافتني ماكدر اجر النفس عافتني وجها صار اصفر احمد هم صار اصفر ذبو عليه ماي بارد يالا كمت اتنفس هما خافو عافوني وراحو اني كمت بالكوه دخلت للغرفه أو لا المخزن بيه بس فراش وهدومي بكرتونه كعدت على فراشي ابجي وين رحتي يمه ليش عفتيني يمهم ما يرحموني عداد كم يوم اني ما احجي وياهم بس اشتغل بيوم جانو يردون يرحون البيت كلايب سعاد راحت سعاد ونرجس وعمي ضليت بس اني احمد جان ماهو بلبيت كمت اخذت دوش سريع وبدلت لبست دشداشه ماروني واني بيضه طلعت اموتتت حطيت عطر وطلعت لابسه حجاب رحت للمطبخ اجيب ماي من طلعت صار كدامي احمد اني خفت لان هوا جان سكران اجاني

احمد:ها يا حلو

ضليت ساكته ضل يحجي ردت اروح الغرفه ما خلاني بدأ يتقرب مني اني كمت أصيح

مهجه:ساعدوني وخر ساعدوني احمد وخر ولج يمههه

ضل يمزك بهدومي ويضرب بيه اني كمت ابجي واصيح ساعدوني اني شفت مزهريه بعيده شويه كمت ازحف كمشتها ضربتها برأسه بقوه بحيض الدم كام يطافر وكع عليه اني وخرته دخلت سعاد

سعاد:ولج يا معزايه شسويتي لبني ولك تعال الحك الولد راح يموت

اني واكفه ارشف لان بالتأكيد راح يكتلوني لا سويت هيج بس اني دافعت عن نفسي يارب ساعدني
أخذوه المستشفى اني كلت خلي اشرد

اخذت فلوسي الي ضامتهن عن عمي ومرته لبست حجابي وعباتي وطلعت الدنيه ليل كمت امشي وما اعرف وين رايحه كمت ضليت امشي تقريبن ساعتين امشي وما اعرف وين اروح كمت اطب بالمزارع اخر شي تعبت كلت خلي ارتاح كعدات على بصف شجره جبيره نمت من التعب بعد فتره كعدات على صوت يمي

_منو انتي بويه

اني خفت رفعت راسي لكيت زلم فوك راسي
ولكيت رجال جبير كلتله

مهجه:اني دخيله عندك شيخ

الشيخ اسد:تعالي بويه

اني خفت بس كلت عشاير يعني ما ياذوني
اول ما كمت دخت وكعت من طولي بعد ما اعرف شصار