العيون احلى من عيون المها

تعريف + البداية

الجد محمد ابو تركي : رجال حنون على احفاده على عياله بس كفو والكل يشهد له بديرته
الجده شموخ ام تركي : حنونه وطيوبه بكل حالاتها ويشهد لها الصغير قبل الكبير
عيال ابو تركي

١- تركي ابو محمد
خمسيني واكبر عيالهم هو عصبي شوي على الغريب ما يرضى على عياله كلمه
ترف اربعينيه حنونه وشخصيتها تشابه شخصيه زوجها
عيال تركي:
محمد عمره ٢٩ اكبر مثال للاخ الأكبر كريم مع اخوانه وخاصة اخته وهو صندوق اسرار مهيار متزوج وعنده ولد مسميه تركي زوجته الهنوف حلوه ومتسامحه وهي صديقه مها
نايف( البطل)عمره ٢٧ دارس قانون ومتخرج من سنه شاعر وغيور لابعد درجه وطيوب زي جدته شموخ
مها آخر العنقود عمرها ٢٢ تحب المزح والفرفشه وطيوبه حيل تدرس هندسه
نوره عمرها ١٩ قريبه من مها حيييلللل وكلهم شله وحده ( مها ، الهنوف ، امجاد ، نوره )

٢- عبدالله ابو رعد
أربعيني يحب عيال تركي حييييللل اكثر من عياله
زوجته لطيفه اسم على مسمى لطيفه بتصرفاتها وحنونه على عيالها
عيال عبدالله :
رعد  عمره ٢٧ صديق مهيار من ايام الابتدائي ونفس اطباعه لانه خويه وبياخذ من اطباعه
امجاد عمرها ٢٢ تصير صديقه مها من عمر طويل ولا تفرقو بس يختلفون بالتخصصات لان امجاد تدرس طب
فارس عمره ٢٠ عسكري أخلاق وطيب مره ما يرفض لاحد طلب مهما كان صعب عليه

مشعل ( ابو رائد ) صديق ل ابو تركي من سنين يحب احفاد وعيال ابو تركي بس احفاد ابو تركي ما يطيقونه هو واهله
رقيه ( ام رائد ) غثيثه وما تطيق عائله ابو تركي بكبرها و مخططه تزوج ولدها امجاد وتزوج بنتها فارس
رائد عمره ٢٤ غثييييث ومصلحجي وهمه نفسه وبس يحب امجاد من يوم وهي صغيره
تالا عمرها ١٨ غثيثه وشايفه نفسها وحالتها حاله وتلعب بالشباب لعببب وهي خرطي تحب فارس وهي اللي قايله لامها تزوجها اياه

نواف : اقرب صديق لمهيار ويحبه ويمون عليه
_________________
البداية :
بيوم من ايام شهر شعبان كانو كلهم متجمعين
الجد : يلا ياعيال قومو غسلو معي الحوش وانتم ي بنات رتبو البيت مع جدتكم وقسمو الشغل عليكم
العيال والبنات بصوت واحد : ابشر
كانت تقسيمتهم :
مها : ترتب مجالس الحريم
الهنوف : تنظف الحمامات ( عزكم الله )
امجاد : ترتب مجالس الرجال
الامهات ونوره كلهم بالمطبخ
الجد دخل علشان العيال ينظفون ما يدري انهم بيحوسون ويلعبون بالماء
جاء تركي الصغير لعمه نايف: عمي رشقني
نايف:  لا تبرد بعدين تروح المستشفى ويعطونك ابره
تركي : لا معليك أنا قوي زيك
نايف ضحك ورشقه ما انتبه للماء اللي جايه من رعد وبدو يلعبون ويصارخون
طلع الجد من صراخهم : شفيكم ي نياق عسى ماشر ليه هالصراخ اعقلو لا اطردكم برا البيت وانتم تعرفوني
عم السكوت عندهم ودخل الجد وكملو يضحكون إلا يسمعون صوته : شقووول أنا ؟
وكملو تنظيف والبنات خلصو وقعدو بالصاله
جاهم تركي : جدي يقول فيه اجتماع تعالو بالحوش
البنات : غريبه وش الموضوع لبسو نقاباتهم وطلعو
كانو قاعدين قبال بعض
محمد قدام زوجته
نايف قدام امجاد
رعد قدام مها
كانت عيون مهيار على امجاد لان عيونها حلوه لابعد درجه وتجيب راسه وتخليه دايخ وبعذره محد يلومه عيون امجاد تجيب راس البنات حتى
وكان يفكر وش موضوع جده
قاطع تفكيره الجد وقال: ابو رائد وام رائد و عيالهم بيجون بعد كم يوم مابي مشاكل مع رائد وخاصه انت ي نايف اعقل

ملاحظه :  رائد يحب امجاد و علشان كذا دايم يتهاوشون نايف و رائد

نايف : طيب
الجد :ي بنات جهزو لهم فرش
مها : ابشر
الجد : عن اذنكم بروح انام ولحقته الجده والكل راح ماعدا  نايف  ، فارس ، رعد ، مها ، امجاد ، نوره ، الهنوف
كانو قاعدين وسوالف إلا جا محمد : معليش ي حلوين بس باخذ محبوبتي
ضحك نايف : منزينها خذها
محمد : ي قليل الأدب أنا اعلم جدي عليكم يعلمكم شلون تقعدون هنا مع البنات
نايف : اعقل ترا افضحك عند محبوبتك
محمد : جرب وافضحك عند مجودتك
قالت امجاد للبنات : يلا بنات تاخرنا على اتفاقنا
فارس : وش متفقين عليه
نوره : مالك دخل اتفاق بنات انت شتبي ؟
فارس : تمام الله يوفقهم
راحو البنات للحوش الخلفي يرتبونه علشان يشبون نار ويقعدون قالت امجاد شرايكم ادعي رعد او فارس يشبها وافقوها الرأي وراحت اخذت جلالها وراحت لهم كانو كلهم نايمين إلا مهيار كانت يكلم خويه نواف
امجاد طلت من النافذه وشافت اخوانها نايمين
نايف :من ورا الباب
امجاد: نايف عادي تشب لنا النار العيال نايمين ؟
نايف : تمام جاي
امجاد : مشكور
وجاهم يشب النار وطلع
كملو سهرتهم البنات وبعدها نامو