العيون احلى من عيون المها

Part1

باليوم اللي بعده جو اهل رائد والكل مو بالعهم بس علشان جدهم تهون بمجلس الحريم
الجده : ياهلا والله ب ام رائد وتالا ان شاء الله بخير
ام رائد بدون نفس : بخير الحمدلله إلا ي ام تركي وين حفيداتتس ما أشوفهم
الجده تقول بنفسها بدينا مشاكل قالت : جايين بس دقايق
وصلو البنات كانو كلهم متزينين
وكانت ام رائد و تالا يبون يحرجون امجاد ب اي طريقه
امجاد كانت تصب لهم القهوه ووصلت عند تالا
تالا : امجاد بسالك كم باقي لك سنه وتتخرجين ؟
امجاد : باقي سنتين
تالا : الله يوفقك بس ليه اخترتي طب ؟ ليه م دخلتي هندسه زي م اهلك قايلين لك
امجاد : وياك ، أنا احب الطب ودخلته عادي م فيها شي
ام رائد : الله يوفقك ، اي طبعاً م فيها شي تدرسين مع عيال وتقولين م فيها شي ؟
امجاد :م اسمح لك تقولين عني كذا أنا  م اسوي ذي الحركات مو زي بنتك كل من هب ودب تكلمه
ام رائد : شفتي ي خاله شموخ انتو م تبوننا نجيكم
مها : الحين تغلطين عليها وتبينها تسكت
تالا : محد كلمك انتي ولا بس علشان اخوك يحبها تدافعين عنها ؟
الجده : الهنوف خوذي البنات و وديهم غرفهم
الهنوف : ابشري
وودتهم لغرفه امجاد وأمجاد نزلت تجيب لها ماء دخلت المطبخ وكان المطبخ فاضي واخذت كوب وهي تشرب حست فيه يد على خصرها قالت : نوره ابعدي انتي وطقطقتك الخايسه
رد عليها صوت ضخم: بس أنا مو نوره وسد فمها علشان م تصارخ ونطق : أنا احبك وبخطبك ومحد بيأخذك مني
كان رائد ومايدري انه نايف كان مار من المطبخ الخلفي ومعه اباريق علشان يخلي البنات يغسلونها وسمع صوت رائد وجته غيره على بنات عمه وخواته م كان يدري انها امجاد دخل وشاف امجاد وهي مرعوبه
مسكه من يديه وبعده عن امجاد وهو يقول بصراخ :روحي لغرفتك ولا تطلعين منها تسمعييين ؟
راحت وكان نايف من العصبيه م يشوف شي وكان رائد يصارخ : أنقذوني من ذا المجنون بيذبحني
ام رائد سمعت صوت ولدها وراحت وكلهم تجمعو بالمطبخ وكان رائد طايح بالارض و نايف مكمل ضرب فيه
الجد : شفيك ي نايف شصاير ليه ضارب الضيف
نايف : ذا يخسى يكون ضيف الضيف يستحي على وجهه ويحشم بنات اللي عازمينهم مو كذا
الجد : تعال معي ي نايف وانت ي محمد خذ رائد ووده للمستشفى
وراح نايف مع جده
الجد : وش مسوي رائد يوم انك تضربه ؟
نايف: سكت
الجد : رد علييي
نايف: لقيته بالمطبخ مسكر فم امجاد من وراها وهي كانت خايفه
الجد : طيب يعني وش فيها ؟
نايف: جدي أنا احبها ومابي احد يلمسها وانت تدري
الجد إذا انت صادق تقدم لها
نايف: بس للحين م خلصت دراستها وخايف من ردها
الجد : أنا بحلها بس انت متى ترجع لدوامك ؟
نايف : بكرا ان شاء الله عندي مهمه ف لازم اطلع للرياض
الجد : الله يوفقك