ألكلام في نهاية البأرت مهم كلش
رجأءا قرأته بعناية وتطبيقه ..
بريئة من ذنوب الجميع
اللهم اني بلغت فأأشهد ..
العراق / بغداد الكرخ
الاثنين الساعة 2:00 الظهر
_ دخل ساد وراه باب لحوش راجع من جامعته فايت جوا للبيت قابلة صمت قوي عرف ان اخوه الاصغر بالمدرسة كون دوام مدرسته ظهري واخوه لاصغر يمأن عند عمته فؤادة وان والده المريض بغرفته يرتاح مثل مطلب منه متنهد مدلك راسه اليوجعه بيده متجه للمطبخ فاتح لبراد ماخذ قارورة مي شرب منه بعدها اتجه لغرفته والده الي تكول بالممر الي جانب المطبخ
فتح لباب بهدوء شاف والده كاعد على مكتب قراءة صغير ويقرأ بواحد من كتبه راح لعنده وجلس بجنبه مخلي والده ينتبه لوجوده
ابتسم الوالد على ابنه لجبير
غَيأث
غياث : وائل اني شنو كلت الك ترتاح ومتكوم من فراشك هاا ليش تعاند ؟
كال لولده بضوجه كونه ينبهه انو يرتاح بس لاخر مايسمع منه
وائل : يا باباتي لصبح كله اني نايم بفراشي حدي للحمام وهسة ضجت وحبيت اقرأ شوية بهاذا لكتاب قابل لواحد يضل بس نايم همين يمل ترا
كال وائل لابنه غياث بنبرة لينة وابتسامة ناعمه وخفيفة مخلي غياث يقتنع بكلامه .
غياث : تمام براحتك مراح اضغط عليك اكثر كلبي اني راح اصعد فوك ارتاح شوية بعدين اكعد اسوي لغدا مو تروح دعفس انتَ بالمطبخ فهمت ؟
كال أخر كلامه بلكنة تحذير لوالده الي ابتسم اله وهز راسه بمعنى نعم مراح ادعفس بالمطبخ
وائل : تدلل يا بعد ابوك اصعد ارتاح واني ساعة اربعة اربعة وربع اكعدك تمام حبيبي .؟
غياث : تمام يروحي بوسات •
وبأس ابوه من راسه وطلع برا لغرفة راجع للمطبخ ماخذ حقيبته وتلفونه وصاعد لغرفته فوك سد لباب وراه شاف الساعة صارت ثنتين ونص غلق لبردات وخلة لمكيف اعلى درجه ونزع كل ملابسه بقى بس بالبوكسر وتلحف بسرعة بس يريد ينام يحس نفسه حيل تعبان ومنهد جسمه كله بسب انه مكدر ينام لبارحه رجع متأخر من لشغل وبقى سهران يذأكر ويقرا لامتحأنه ويحمد ربه انو باجر جمعه حتى يكعد براحته يسوي كم شغلة بالبيت غفى غياث بسرعة وراح لغير عالم راح لعالم يبعده عن التفكير بأبوه ومرضه ورفض ابوه انه يتعالج وبقائه على لمسكنات الي مجاي تفيد بشي وعدم قدرته على توفير التكلفة للعلاج الغالي والجرع الغالية وبأخوه ومدرسته وبشتياقه لوالدته الله يرحمها .
