متبرية من ذنوبكم جميعأ
الهم أني بلغت فأَشهد .
أستمتعوا 🤍🤍
بغداد / الكرخ
الاثنين الساعة 4:30 ألعصر
عند غَيأث بالمطبخ يحضر الغدا لأخوه الاصغر
رؤف ذا عمر ثمان سنوات الي صار وقت حلته من المدرسة الي تكون بعيدة عن بيتهم بمقدار اربع شوارع عنهم .
وائل : غيوث اني راح اصعد فوك ارتاح احس بتعب حبيبي ومن تطلع وَصي رؤف يقفل الباب وراك ترا ذاك ليوم ناسي ماقافله روحي •
كال ونهض اثناء كلامه مع غياث متجه نحو غرفته وكتابة الصغير بيده وكذالك نظاراته .
غياث : وائلي انتَ بس على لريوك تعال تغدا وياه فدوة ؟!
كال بترجي لوالده الي بدوره نفى برأسه يرفض طلب غياث منه الي عبست ملامحه ودلت على لضجر
وائل : مأ اشتهي يروحي انتَ وتدري بيا اذا اضغط على نفسي أتاذى من اجوع اني اسويلي شي خفيف أكله تمام مع سلامة دير بالك على نفسك غيوثي •
غياث : ان شاءالله حبيبي بابا •
كال ورجع يكمل طبخه لأكلة الباستا كون اخوه يعشق هل اكلة وبين فترة وفترة يطلبها وصادف لبارحة طلبها من غياث على لغدا وطبعا غياث يوافق شعنده غير اخوانه رؤف و يمان اما والده دخل لغرفته غالق الباب وراه .
غياث : خل اخابر حسون بزون اشوفه شعنده ماعنده ليوم •
كال ونشف ايده من المي الي بيها متجه نحو الصالة المفتوحه على لمطبخ حتى يجيب تلفونه وقبل لا ياخذه بأيده حتى يتصل على الحسن رن جهازه بأسم فاطمة متأفف غياث لان يدري ماتتصل الا اذا جان اكو لود على المحل متحمحم وفتح لخط عليها .
غياث : ها خير يا طير بشرني ؟!
كال بنبرة ضجر
فاطمة : يا خير وليدي بوجهك متكلي لمهم عيني ليوم تعال على ساعة سبعة او سبعة ونص ترا ليوم صايرة كتل كلها تريد تصبغ شعرها وتغير ستايلها مو تتأخر وسلم على عمو وائل ومع سلامة لشغل بأنتضاري جاااو •
كالت كلامها دفعة وحده ومن خلصت سدت الخط بسرعة مأسامعة من غياث ولا كلمة فا غياث بدوره يعرف طبعها فمااستغرب رايح لجهة الاتصال مال جهازه وقابلة اسم الحسن ثاني اسم ضاغط على اتصال منتظر شوية حتى الحسن فتح خط عليه ومبين جان نأيم وكعده من نومه .
