بسم الله الرحمن الرحيم
شنو هاي شتاقيتلكممم
لتنسون التصويت وعلقو بين الفقرات وضيفو القصه للمفضله حتى يوصل الكم اشعار من انزل بارت
ها نبدي؟
يلاا
الكاتبة : زمردة أرسلان
......................................................................................
حدقت الهم بغضب واردفت
_هاي شجابكم
اردف الرجل الكبير بالعمر
_ماكو تفضلو لو نضل واكفين بلباب
باوعت لشهيناز لكيته تباوع بوجهه المره الواكفه انتبهت للمره تباوع لشهيناز وتبجي وشهيناز كاتمه دموعهه عيونه حمرر أردفت بخنكه
_تفضلو
سوينالهم طريق ودخلو للاستقبال رحت للمطبخ اجيب الهم ضيافه واجتي وراي شهيناز اردفت واني اباوعلهه
_شهيناز منو هذوله وليش هيج انكليزي وجهج
باوعتلي بأستغراب وكالت
_ليش معرفتيهم
_لا معرفتهم منو
_هذوله أهلي أبويه وامي واخواني الاثنين واختي
_اهااا اكول ليش انكلب وجهج زين شعدهم جايين
_الله يعلم
عافتني و راحت كعدت يمهم واخذت الضيافه وقدمتلهم وكعدت يم شهيناز
أردف الرجال الكبير
_شلونج شهيناز
_الحمدلله
_ليش وجهج ثكيل
_مكلتولي شجابكم ليش اجيتو
_اجينه نشوف بنتنه ليش حرام
_بس انتو تبريتو من بنتكم وهيه متريدكم اصلا
_ليش احنه اهلج
_شنو نسيت شسويت بيه؟
_منسيت ، بس اني متندم وجنت مضطر اسوي هيج علمودج
_ماكو هيج حجي انت تبريت مني وعفتني متدري وين ما وين هسه تذكرت عندك بنيه
اردف المره وهيه تشهك
_بس افهمي من عدنه
_ما اريد اسمع اي شي اني ماعندي اهل
كامت البنيه الشابه وتقدمت الشهيناز وهيه تبجي
_شهيناز والله كلشي صار علمودج حبابه اسمعي بابا لخاطري اني مو اختج
_اني ما عندي اخت غير نجمه ليش وين جنتي من الكل صار ضدي
_بس افهميني
_كافي زمن ما اريد اسمع منكم اي شي اني جنت مرتاحه ليش اجيتو وشذكركم بيه
اردف واحد من الولد
_بس احنه نحبج كلنه مشتاقيلج وصار شي لازم نبعدج عنه حتى متتأذين واضطر ابويه يسوي هيج اما ابويه كل يوم بليل يبجي عليج هو وامي والله مناسينج ولو لحظه
