صحيت من نومها على صوت المنبّه شافت الساعة عرفت انها تاخرت قامت بسرعه تتجهز لبست لبسها مشطت شعرها اخذت شنطتها ومفتاحها ونزلت لقيت اخوانها يفطرون وامها بالمطبخ
ام سارة:صباح الخير
سارة بإستعجال:صباح النور ليش محد صحاني
ام سارة:لسى بدري طيب
سارة:لاتاخرت..اخواني خلصو؟
ام سارة:اي خلاص الحين يجونك
راحت ام سارة تجيب شنط اطفالها وتلبسهم وكانت توصيهم يسمعون الكلام وتبوسهم
سارة كانت تنتظر عند الباب وتطالع ساعتها
سارة:يلا ياماما تاخرت
ام سارة:يلا يلا جايينك
طلعو حمد وريم ركبو السيارة ومشو
ريم:سوسو
سارة:عيون يويو
ريم:مافي بقالة
سارة:لا ياروحي لو رجعتو اوصلكم عشان مستعجله الحين طيب؟
ريم:اوكي
وصلت اخوانها سارة وحركت على داومها بسرعه كانت كل شوي تشيك على الساعه وكان باقي بس على دوامها ويبدا ٥ دقايق
وصلت سارة لمقر الشركة نزلت بسرعه ودخلت للمبنى ركض وقعت حضورها عند المدخل ودخلت
استقبلتها الموظفه ودلتها على مكتبها
الموظفة:هذا مكتبك سارة واي شي تحتاجيه كلميني اسمي داليا
سارة:تمام شكرا
جلست سارة على المكتب تحاول تستجمع انفاسها فجأه سمعت صوت يناديها
تغريد بصوت عالي:سارة
سارة التفتت وقامت من مكانها بتوتر رفعت يدها
سارة:هنا
تغريد الحقيني
توجهت تغريد لمكتبها وكانت وراها سارة الي خايفه ومتوترة وتفكر شسوت
دخلت تغريد جلست على مكتبها وكانت سارة وراها
تغريد:قفلي الباب واجلسي
قفلت الباب سارة وجلست
تغريد:ليش تأخرتي؟
سارة:ماتأخرت!
تغريد:تأخرتي دقيقتين
سارة:طيب؟ دقيقتين تُحسب تاخير؟
تغريد:اي نعم تحسب
سارة بتنهيدة:طيب اعتذر ماراح تتكرر
تغريد:تمام وفي موضوع كمان
سارة:ايش
تغريد:حاليًا قاعدين نشتغل على مشروع تسويق لشركة اختارتنا بتعطيك الملف داليا شوفيه وابدأي شغلك اليوم اي شي تحتاجيه كلميها
سارة:تمام
تغريد:تقدري تتفضلي
قامت سارة من مكانها وطلعت قفلت الباب وراها وعلامات التعجب ماليه دماغها
سارة بداخلها:هذي شفيها كذا دقيقة مره
راحت وهي تفكر وجلست على مكتبها لقيت ملف وعرفت انه الملف الي قالت لها عليه تغريد فتحته وبدأت تشتغل سمعت صوت جنبها يقولها هاي
التفتت سارة وكانت موظفه جالسه جنبها
لموظفة:انتي الموظفة الجديدة؟
سارة:اي
الموظفة مدت يدها:انا هيا
سارة صافحتها
سارة:اهلا هيا
هيا:ان شاءالله البيئة عاجبتك
سارة:كويسه مقتنعه فيها
هيا:حمدلله
سارة:كم لك موظفة هنا
هيا:بعد شهرين بكمل سنتين
سارة:ماشاءالله وكيف تأقلمتي
هيا:الشغل ممتع هنا وحلو بس انتبهي تخالفي قوانين المديرة لانها جدا ماتحب التأخير
سارة:اليوم تأخرت دقيقتين ونبهتني
هيا:لو دقيقة وحدة
سارة:يالله طيب هي دايم صارمة كذا؟
هيا:لا هي دقيقة بس حنونه ترا
سارة:كيف يعني
هيا:يعني تقدر ضروفك ماتقلل من شغلك بس يمكن تقولك عدلي وعدلي بس ابدا ماتحسسك انك ماسويتي شي
سارة:حلو مره
هيا:اي..شفتي الملف حق شغلنا الجديد؟
سارة:اي الحين ببدأ اشوفه
هيا:انتي علاقات عامة؟
سارة:ايه
هيا:يصير نشتغل سوا لان انا نفس قسمك وتخصصك
سارة:تمام
بدأو هيا وسارة يشتغلون وكانو منغمسين في الشغل شوي يضحكون وشوي سارة تسأل هيا عن شي التفتت سارة لمكتب تغريد لقيتها تطالع فيها
توترت سارة وشالت عيونها على طول بعد دقيقه رجعت بتشوف تغريد تطالع او لا والصدمة انها لقتها مكملة ماقدرت سارة وقامت على طول راحت لدورة المياة
كانت ترتب شعرها فجأه دخلت تغريد وكانت تحط روج قدام المرايه وسارة واقفه ومتوترة
جت بتطلع سارة وقفت قدامها تغريد
تغريد:انتي خايفه مني؟
سارة:لا ليش اخاف
تغريد:مدري توقّعت يمكن لأني هزأتك اليوم
سارة:متى هزأتيني!!
تغريد:على التأخير
سارة:مو تهزيء تنبيه ومستحيل احد يهزأني انا
تغريد ابتسمت بتعجب:اوه اوكي
طلعت سارة وهي معصبه وراحت عند هيا جلست تكمل شغلها
هيا:شفيك
سارة:ولاشي
هيا بتعجب:اوكي
كملو شغل وجاء وقت انتهاء الدوام قامت هيا
هيا:انا ماشيه طيب؟
سارة:تمام
هيا:مطوله انتي؟
سارة:لا بخلص كم شي واطلع
هيا:تمام
سارة ناظرت الساعه واستوعبت ان اخوانها بالمدرسة دقت على امها
سارة:ماما
ام سارة:هلا حبيبي
سارة:تقدري ترجعي اخواني؟بخلص كم شي انا
ام سارة:تمام مو مشكلة انا اروح لهم
سارة:باست امها وقفلت
كملت سارة شغل وبدأ الكل يطلع الا هي كانت منغمسه سارة بالشغل وما لاحظت ان الكل تقريبا طلع لين سمعت صوت تغريد
تغريد:خلاص حبيبي خلص الدوام اطلعي ماراح اهزأك
رفعت سارة راسها استوعب ان المكان فاضي ردت على تغريد وهي قاعدة تقفل اللاب حقها اخذت شنطتها ولبست نظارتها
سارة:قلت لك محد يهزئني ومو خايفه بس كنت بخلص كم شي
تغريد:اوكي ياحلوه يامجتهده
ابتسمت سارة بتسليك لتغريد وطلعت لسيارتها ركبتها وحركت على البيت طول الطريق كانت تفكر في تغريد واسلوبها ومحاولة استفزازها لها
سارة:صدق ان الزين مايكمل فوق جمالها تخلف عقلها وحركاتها وع
وصلت سارة نزلت البيت وتوجهت لغرفتها من التعب رمت نفسها على سريرها ونامت بملابسها
_____________
شكرًا على القراءة اعتذر على الاخطاء والاطالة
اتمنى يعجبكم🩵
