#جَوهرتي_المنسه
بقلمي:فاطمة💜.
لا تنسون التصويت+ تعليق بين الفقرات+متابعه لحسابي🦋.
•ــــــــــــــــــــ💞ـــــــــــــــــــ•
منسه:: فرحانه ركضت لبوي وكتله بس صدمني برفضه
فادي: لا ما تشتغلين بأي شركة
منسه: ليش بابا انت تدري هذا حلمي من الطفوله
فادي: كلت ماكو يعني ماكو
منسه: اي لـيش؟
الكل صفن واني بس ابجي لان هذا حلمي من الطفوله كعدت وضليت بس ابجي حجيت
منسه: بابا لـيش ترفض والله هذا حلمي
فادي: يصير خير ان شاء الله
ركضت الغرفتي بس اشهگ وابجي اتصلت علي ايلاف
ايلاف: لـيش تبجين!
منسه: ايلاف ابوي ما قبل
ايلاف: يااا مو يدري بيج هذا حلمج لـيش يرفض؟
منسه: ما اعرف ما اعرف
ايلاف: جايتلج
منسه: تمام
سديت الاتصال وكلما اشوف المنشور اشهگ وابجي دخل اخوي علي ومن شفته ضليت ابجي بالزايد
علي: وگبر شلون تبجي
منسه: لعد تريدني اضحك من رفض ابوي
علي: هسه يمكن خايف عليج وما قبل
منسه: زين ليش يخاف!
علي: يمكن من صار وياج الحادث خاف عليج
منسه: انت ظل يمكن ويمكن
علي: دنجبي ويلا اني رايح
منسه: ويينن؟
علي: رايح اشوف الشركة الي ميته عليه
منسه: عليك العباس صدك
علي: قابل اجذب عليج
منسه: ابوي كلك روح شوفه؟
علي: اي
منسه: اي من اشوفه تعال وكلي تمام
علي: تمام تمام
منسه: يلا الله ومحمد وعلي وياك
ابتسم وطلع واني طايره من الفرحه اشوي واجت ايلاف وكتله كلشي وهيه هم فرحت وكالت
ايلاف: اني هم قدمت
منسه: وكلتي لبوج
ايلاف: اي كتله وقبل
منسه: ياااااييي اتخيلي ننقبل بالشركة ونكون اني وياج سبب نجاحه
ايلاف: خبدطيري هيه الشركه بدونه وناجحة
