je t'aime
Part-2
ကြော်ငြာရိုက်ကွင်းတစ်ခုတွင်ဖြစ်သည်။
ကင်မရာ setting ပြင်နေချိန်မို့ ရိုက်ကွင်းကို စောရောက်နေတဲ့ Baekhyun က သီးသန့်နားနေခန်းထဲမှာ ထိုင်ကာ ဇာတ်ညွှန်းဖတ်နေ၏။ တစ်ယောက်တည်းပဲ ရိုက်ကူးရမှာဖြစ်သော်လည်း ၊ ပြောရမယ့် dialogue က နည်းသော်လည်း Baekhyun ကတော့ အလုပ်ကို စေ့စပ်သေချာတဲ့သူပီပီ အာရုံစိုက်နေသည် ။
ရိုက်ကွင်းက ခြံနဲ့ အိမ်ကြီး တွဲထားတဲ့ သီးသန့်ရိုက်ကွင်းနေရာတစ်ခုဖြစ်ပြီး ခြံထဲမှာရိုက်ကူးရမှာဖြစ်သည်။ သူ့အတွက် နားနေခန်းကတော့ အိမ်ကြီးထဲမှာဖြစ်ကာ ခြံထဲက ရိုက်ကွင်းနေရာကို မှန်ကတစ်ဆင့် လှမ်းမြင်နေရ၏။ သူ့ဘေးနားတွင်တော့ မန်နေဂျာရယ် hair stylist ရယ် make up artist ရယ် stylist တွေရယ်ကြောင့် လူ လေးငါးခြောက်ယောက်ရှိပေမယ့် အသံဆူညံနေသည်တော့ မဟုတ်ပါ ။
ဇာတ်ညွှန်းဖတ်လို့ ပြီးသွားတော့ ဆံပင် ပုံပြန်သွင်းပေးနေတာကြောင့် ဖုန်းသုံးနေလိုက်သည် ။ ထိုအချိန် ရိုက်ကွင်းထဲက လက်ထောက်ဒါရိုက်တာ နဲ့ ဘေးက လူတစ်ယောက်က ခြံအဝင်ဝသို့ ခပ်သုတ်သုတ် ပြေးသွား၏။ ကားတစ်စီးဝင်လာသည်ဖြစ်ကာ ထိုကားပေါ်က ဆင်းလာသူကတော့ နှစ်ယောက် မရှိတဲ့ CEO Park Chanyeol ပါပင်။ သူ့ cosmetic ပစ္စည်းရဲ့ ကြော်ငြာရိုက်ကွင်းမို့ သူလာတာ မထူးဆန်းပေမယ့် Baekhyun ကတော့ အနေရခက်သွား၏ ။ ကိုယ့်ကို စိတ်ဝင်စားနေတဲ့ လူတစ်ယောက်ရှေ့မှာ ဘယ်သူက အနေရမခက်ဘဲနေမှာလဲ ။
Chanyeol မှာလည်း ကားပေါ်က ဆင်းလာတာနှင့်
" Baekhyun nim ရောက်နေပြီလား "
" ဟုတ်ကဲ့ နားနေခန်းထဲမှာ ပြင်ဆင်နေပါပြီ CEO "
" ကောင်းပြီ "
ဆိုကာ ကားထဲက အထုပ်တစ်ထုပ်နဲ့ ရေငွေ့အနည်းငယ်သာ ပြန်နေသော ice coffee ခွက်ကို ယူကာ အိမ်ကြီးထဲသို့ ဝင်သွား၏ ။
Baekhyun အနားက ဝန်ထမ်းတွေကလည်း CEO Park ရောက်လာတာကြောင့် မသိမသာ လှုပ်လှုပ်ရှားရှား ဖြစ်သွားရသည်။ polo shirt အဖြူကို style pant အမဲနဲ့ တွဲဝတ်ထားတဲ့ အသက် ၃၀ ကျော် အမျိုးသားတစ်ဦးရဲ့ အရှိန်အဝါက အခန်းထဲက မိန်းမပျိုလေးတွေအပေါ် သက်ရောက်မှု အားကြီးလွန်းသည်။
