تـاريـخ الـ صـاخـي

2

المي من المُمكن ان يكون مألوف لك لكن يقال من المستحيل تحمله لن اقول هذه اكاذيب يؤسفني قول هذه الحقيقه....
ـــــــــــــــــــــــــــــــــــ
رحيق

عبالكم حلم ما ألومكم اني هم عبالي حلم مَر كلشي بسرعه موت زوجي تيتيم اطفالي وهسه زواجي!؟

كاطع: بويه رحيق تسمعيني

رحيق: اي زاير وياك

كاطع: اي بويه وشنو قرارج

رحيق: نضراتي تتراوح بين الزاير والجهال حجيت والغصه بصوتي. عمو عادي تنطوني وقت اشوف حالي حال الجهال واردلكم خبر

كاطع: براحتج بويه

رحيق: طلع الزاير من الغرفه واني بقيت يمهم افكار حاوطتني شنو مصيرنه اذا وافقت او شنو مصيرنه اذا رفضت هل ممكن يجبروني اتزوج مروان لا رحيق شبيج مستحيل يسووها الزاير والزايره

مهدي: يمه

رحيق: ها يمه؟

مهدي: وافقي

رحيق: ماعرف هل هذا الخيار الصح لو الغلط حبيبي انتَ لا تتعب نفسك اخذ اخوانك اطلعو برا يم جدو لا تضلون هنا البيت خنگه جميل خلي ينام بالغرفه مال بيبي تمام حبيبي؟

مهدي: صار

رحيق: طلعوا من الغرفه واني ضليت گاعده ابجي ماعرف شنو اختار اندفنت بحفرة مالها مخرج الوضع متدهور من فاتحة سلام مَر اسبوع واني افكر واخيراً شخص سمع صوت مناجاتي وساعدني اطلع من حفرة افكاري گمت غسلت وتوضيت فرشت سجادتي وصليت وقررت قرار ان شاء الله يكون مفيد لحياتي وحياة اطفالي رجعت السجادة لمكانها و رحت للزايره لگيتها تحجي وي مروان بس شافني خزرني وطلع استغربت بس ما هتميت رحت يم الزايره

حواطه: ها يمه رحيق محتاجه شيء گولي

رحيق: زايره اني قررت وخليتها على الله واهل البيت

حواطه: اي يمه ربج مستحيل يعوف المضلوم لوحده وإلي تقررينه هو الصح بما انو مخليتها على الله واهل البيت

رحيق: اني موافقه على زواجي من مروان.ضلت صافنه بوجهي دقايق و حضنتني وضلت تبجي بادلتها الحضن ماحجت شي بس وصتني اصيح لمروان طلعت منها ادور على مروان ماهو انطيت خبر للزايره انو يمكن طالع اخذت جميل من الزايره واخذته للبساتين شفت مهدي وضرغام گاعدين يلعبون ضليت اتمشى وانا شايله جميل تعبت گعدت على مَسطبه الهوه يجنن وهدوء لمحت الزاير ومروان گاعدين بنص النخل مالَمحوني ردت اگوم ارجع يم الزايره وهم اگول الها مروتن موجود بس صدمني صوت عياط وهذا صوت... مروان!؟

مروان: ماااريد فهمت الزايره يستحيل اني اتزوج زوجت سلام الله يرحمه خليها ببيتنا مُعززه مُكرمه مو واجب اني اتزوجها

رحيق: ماسمعت الباقي لان الزاير خلى يهدء صوته يعني هو رافض؟ زين ليش جابرينه اذا اثنينه رافضين؟ قاطع صوت افكاري بچي جميل خلاهم يلتفتون بأتجاهنا على صوت البچي اخذت جميل ودخلت لغرفتي اباوع على ضعفي وقلة حيلتي وكسرت ضهري مابچيت مستحيل ابچي لان يبدو هذا الطريق راح يطول قاطع افكاري دخول الزاير گعد يمي

كاطع: بويه رحيق لا تقهرين نفسج علمود جهالج الحياة مليانه صِعاب ماتعرفين شنو ينتضرج خليج قويه خلي الي يشوف يگول هاي هيَ زوجت سلام هاي چنة الزاير كاطع

رحيق: بست ايده وضليت ابجي. صعبه والله صعبه يازاير ماگدر حِمل ثقييل صار عليه كلشي صار ضدي

كاطع: لا بويه مو هسه لحضة الضعف مو نص الدرب ونضعف وصف الله المؤمن بالصابر انتِ لستِ من الصابرين؟ العديد من الانبياء واجهوا الكثير من المصاعب لاكنهم اجتازوها جميعها فَــمن نحن حتى نعيش حياة مليئه بالنعيم بويه انتِ لا تفكرين هواي ولاتعبين نفسج محلوله يلا لا تبقين لوحدج ضلي يم الزايره مع السلامه

رحيق: طلع الزاير احس تعبت نفسيتي شفت جميل نايم ابتسمت وتمددت بجانبه وبدون مادري نمت ومادري بالكوارث الي راح تبدي تجيني گعدت على صوت القرأن الزايره مشغلته ارتاحيت نفسياً اتمشى بأنحاء البيت محد موجود بس اني والزايره حتى مهدي وضرغام ماموجودين رحت توضيت صليت الفجر كملت سويت ريوگ وطلعنه اني والزايره بالبساتين دخلوا مروان والزاير مهدي وضرغام ..

الزاير: صباح الخير يابه

الزايره: صباح النور هلا بيكم تعالو تريگو

الزاير: سبقناكم سبقناكم اكلن ووو بويه رحيق اليوم جهزي نفسج حتى يجي الشيخ يقعدلكم

رحيق:ان شاء الله. رجعت يم الزايره احس حتى شهيتي فقدتها ضلينا نسولف ولميت الاكل جهزت كل شيء يخص التحاضير اجه الشيخ واني احس گلبي طاح بمعدتي بدء يأخذ الموافقه انطيت الموافقه بصوت راجف ضايع حالياً خائف مستقبلياً خطوه جبيره بس نهايتها راحه ام ذله ماعرف..

يتبع.....

اتزوجو اتزوجووو هنا من صدگ راح تبدء الاحداث..