أحبك لو انك بديار الخطر والخوف

Bart1

في الديره الساعه 9 صباحا
بهاج يناديه ابوه
قال بهاج : سم يبه
قال سعود :تعال وين من اليوم اناديك
قال بهاج : هذاني جيتك يبه سم امر وش بغيت
قال سعود: وش مسوي انت
قال بهاج  هو يضحك : وش مسوي يبه
ضربه  سعود وقال : انت ماتوب يا بهاج
بهاج باس راسه قال : لازم يتربى ولد رماح وضحك
قال سعود :امش امش عن وجهي
ضحك  بهاج وقال : سم يبه
               ^...نرجع ب الوقت شوي ....^
كان بهاج واقف على جدار متكي هو وخالد
دار بينهم الحديث
ومر بدر ولد رماح
قال بهاج  لخالد : يوووووه وانا اخوك اشتقت ادق خشم واحد
ناظر  فيهم بدر وقال : وش بغيت 
قال بهاج  : لا سلامتك 
قال :بدر احسب
قال بهاج : امش امش ياولد مين ناظر ب خالد
قال له خالد : ولد ريم
هنا عصب بدر قرب منه قال : افصر الشر
قال بهاج  بحده  : وان ماقصرته
قال بدر : اقصره لك
ماحس بدر الا والضربه جته من راس بهاج
وبدو خالد وبهاج يضربو بدر لين ماجاء عمهم رماح على اصوتهم
قال رماح : عما عمت عينك وش مسوي انت
ناظر بهاج فيه ببرود وبحده وقال :
لا ياعم بس قلت اربي ولدك شوي وحشني وبس
ناضر فيه رماح قال :
شف يابهاج ان لمست بدر ماتلوم الا نفسك
رد عليه بهاج  بحده وقال : واذا لمسته وش بتسوي
قال رماح  : تشوف وقتها
راحو بدر وابوه
قال خالد : حبيب ابوه
قال بهاج : لا بالله حبيب امه المدلع
مشو وهم يضحكو

       ....^في  الوقت الحالي ^.....
"عند بنات  عقاب "
نجد تصارخ على  قاسم  وتقول : ياحيوان اترك ذكرى اتركهه
رد عليه قاسم وقال : اوريك انتي وياه
قربت منه وهي تمسكه مع يده وتنطق : قلت لك اتركها لا والله مايسير لك خير
"ايش السالفه طلعت ذكرى ماسوت له شاي وهو عصب يوم ينديها ولا ترد عليه وجاه وضربه واختها جلست تفكه عنها بس من كبر جسمه ماهي بقادرة "

مسكت نجد حاجه من الارض وضربته على رقبته يوم ضربته
اغمى عليه
وهي تروح تمسك يد اختها ويروحون غرفتهم ولا كن شي حصل
قالت ذكرى : ليه ليه سويت كذا
قالت نجد  : هذا هو الحل تبيه يذبحك انتي مجنونه
قالت ذكرى: لا بس ماكان داعي
عصبت نجد وقالت  : وش ماله داعي ذا مريض ياكل من المخدرت مهو بعقله
حضنتها ذكرى قالت : خلاص اسفه
قالت نجد : وين ود ناظرو مالقوه
فزت نجد قالت : لايكون فيه شي فكو الباب الا اخوها طلع بوجهه ناظرت فيه
قال قاسم  : هذي سواه تسويه يابنت *****
نجد ماحست الا وتعطيه كف
قالت نجد :  لاتغلط اذا تفهم
قال  قاسم : وتضرب الا اكبر منك شكلي بربيك ثاني مره تحت في الغرفه
ماحست الا بكف على وجه نجد ، نجد عصبت ليه يضربها مسكته ودفته وقالت :
اذا مامشيت عن وجهي لا وألله لاتصل ب مكافحة المخدرات
هو عصبب وقال  قاسم : جربي اخذت جواله وحطت الرقم بتتصل
يوم شافها كذا قال قاسم بخوف : خلاص خلاص وهو يعطيهم ظهر ونزل
قالت نجد بعصبيه :  وين  ود هذي
قالت ذكرى : خلينا نطلع
قالت نجد : اخوك في الصاله تحت وشلون بنزل
قالت  ذكرى : تعالي ننزل ونروح لمطبخ ونطلع منه
قالت نجد : طيب مسكت عباياتهم ورموها  من شباك غرفتهم عشان مايشك اخوها  بشي
يوم نزلت  شافت قاسم جالس على التلفزيون ومعطيهم ظهر
هي ارتاحت نجد وذكرى و راحو طلعو في الحوش لسع مالقوه عصبت نجد طلعت بشارع دوره كمان مالقتها
ويتصلون عليه ولاترد دخلو في الحوش بعد خمس دقايق انتظار فجاه
فك الباب وشافو ود راحت نجد له ومسكته مع عضدها وقالت  نجد : انتي وينك وين رحتي؟؟؟؟
قالت ود: لاتخافون رحت لبقالة وجيت ويلا خلينا نوسع صدورنا شوي زهقنا
ضحكت نجد وضربته مع ضهرها قالت : اي والله
وناظرت بذكرى قالت نجد :  وانتي عليك الشاي
ناظرت فيهم ذكرى وقالت : اوووف خلوني خلوني ارتاح من الشاي كل شاي اسويه اناا اوف زهقت
ضحكو على تذمرها
وراحو لغرفتهم وجلسو قالت نجد : ودو حبيبتي لا تسوي شي ترا والله ماني بفاضيه تمام قلبي ؟
قالت ود : ابشري ياروحي
جت ذكرى وقالت : اي سولفي انتي وياه وتخلوني اسوي شاي
ضحكو قالت نجد : اخخ يا محلى الشاي واللي سوته