تعال اوگف گبالي خلني أغازل طولك
واگلك كل الناس شلع فدوات يرحولك
.....................................................
....................................................
2020 /بغداد شهر الخامس
واگف يباوع للمكان الي هوا بي بتركيز _
عميق يحاول يحفظ تصافيل المكان الي گضه سنتين من حياته وهوا يتعذب بالنسبة أله
مجان عذاب لأن هالشي حلمه وبنفسه سعى
حتى يحققه لكن! توقف عن النظر لمن الشاف القائد العسكري'منير عسكر'
متقدم منه وابتسامه محاوطه وجهه البشوش
الي ولا عبالك قائد عسكري يغطى اللون الاحمر شعره بوجه وسيم يبين اصغر منه عمر الي بنهاية الثلاثينات يبدوا ڪشاب عشريني وسيم
. منير هاي وحققت حلمك وصرت خريج
الكلية العسكرية الي تحلم بيها
عبر عن الفرح الي بداخله كون شِهاب كان الجندي المفضل عنده كون هسه ابن صاحبه المقرب
. شِهاب. عڪسك محاس بأي فرح رغم أنو اني الخبصتكم ادخل عسكرية ادخل عسكرية
گال الكلام الي جان طول السنتين كاتمة بصدرة مستحيل يفرح بتخرجه والشخص الي جان لازم يوگف يم راسه ويطش جوكليت
مات بحرب داعش الي وفاته سببت عقده نفسيه بي حتى الحلم الي لطالما حلموا سوية ماتحقق مسبب ألم وجرح جبير اله حاس الحياه مالها طعم مثل كبل أو كبل وفاة عمه
العقيد •أشهم الخزرجي •
•منير • هاي شبيك المفروض تفرح لان من سنة 2018 والوزارة مشغوله يعني انتوا هسة ماشوفكم جنود او ضباط المستقبل يمي لكون حرب داعش جنه نجهزكم عمياوي خسرنا كل قاداتنا الاوقياء واصلا الرئيس امر انو مدة دورتكم العسكرية تكون قليله واقل خطر لو غيرك بغير سنه خضعوا لتدريبات عسكرية قاسية جدا هم لان ماتوا الاف الجنود أثناء التدريبات الصارمة •
گال بحده وتنبيه للملازم الي واقف قبالته عن رائيه لكونه شاف هواي دفعات واشرف على تدريبهم جانوا يتمنون الموت ومايلگوا ويقارن الاوضاع بين قبل وهسة العراق وبسبب داعش صار بي شرخ جبير لازمله سنين وسنين حتى يتخيط ويفهم كون شِهاب داخل بحالة صدمة من يوم سمع خبر وفاة عمه الاقرب اله من ابوه ومن ناحية اخرى شِهاب لازم وضروري يستفيق من صدمته لان الرئيس دزه حتى يباركلهم وينطيهم مُهمات جديدة ولكون شِهاب من عائلة معروفة وقيادية انطوا أمر انضباط هذا الفوج بيدة ويكون قائد عليهم هالمرة مهماتهم رح تكون سرية وماتحتاج جهد بدني لذلك ماركز وياهم على تدريبات جسدية صارمة او يمنعهم من الاكل حاول يكون طبيعي وياهم بدون تدريب الكاز او الركض بنص النار او السبح بالطين او القفز من مكان عالي الى الماء ركز فقط على اللعاب الذكية الي جان يمارسها وياهم لكون الرئيس قرر يواجهون العدو بنفس مواجهته والي هية •التنكر • الحيلة الي خلت صدام يحتل الكويت وداعش يحتل العراق ذنيج التدريبات مراح تفيد المهم الجندي يتعلم الحيله والذكاء المنضبط
•شِهاب • اي وانت مكيف علمود هيج وراح تشگونا شگ بالمهمات الله يستر بسلا امثل دور مخبل مثل جهاد •
ب ابتسامه هادئة كال شِهاب لكون گلبة ناغزة من المهمات الي نرسلت واول مهمة أله شلون يسويها لاسيما العراق امتلأ بالمجرمين من خلال السنوات الاخيرة
•منير • طب جوه وتشوف •
امسك منير بيد القائد الحالي لمجموعة من الجنود الخريجين وداخل بي ليجوه المقر القيادي الي جان يختلف عن المقرات الاخرى
بسبب وسعة الجبير والقاعه الي بداخله
تضم حوالي 26 جندي خريج واضح التعب عليهم لكونهم صغيرين بالسن وبعدهم ببداية
حياتهم العسكرية واگفين بالقاعه الي مشتعلة بوسطها نار وعليها الكثير من صور الشهداء
الي جانوا يديروها واكو طاولة جبيرة موضوع عليها قرآن جبير وحواليه الجنود والقائد الاعلى واگفين
•منير • اقسم ان اقول الحقيقة كاملة
رددوا وراه الجنود بنبرة هادئه مليئه السكينه وهم يرددون القسم العسكري
رد القائد الاعلى وهو يقول
•أقسم ان أصون بلدي وأعتبره عرضي وأدافع حتى أخر نفس ضد كل نفس تحاول انقلاب بداخله •
رددوا الجنود بهدوء وتركيز عميق في كلام القائد منير كلهم نبرة واحده
•أقسم ان احافظ على كل نفس عراقية أمرأة طفل رجل كبير بالسن •
رددوا اخر كلام القسم بنبرة هادئه وسريعه
يتسارعون لتقبيل المصحف الي أتلوا القسم العسكري عليه تقدم منير ماخذ مصاحف باللون الاسود مطرزه بالاحمر مقدمها لكل جندي بأعتبار هدية التخرج
•منير • الـ 5 الاوائل على الدفعه شِهاب أحمد منصور علي حسين ناظم رافد مصعب عبدالله
فلاح حسن القيسي مرتضى زعيم قاسم
انتوا وقائدكم شِهاب رح تكون الكم مهمة خطيرة حتى تريحون نفسكم وتنتقمون من الي قتل اهلكم •أبو طُبر •
•شِهاب • شنو هالخرة هذا لاتدريب بي حظ لا شي بعدنا تونا گلنا بسم الله انطيتونا الساعقه
بضحكه كال شِهاب ورعب داخلي كون كل نفس عراقية وعربية تعرف السفاح ابو طُبر المذكور الي حته اسمه الحقيقي محد يعرفه
•علي • قل نعوذ برب الفلق شني مُنير اته حلمان اليوم ببو طُبر وجاينا تهوبز؟؟...
•مُنير • تردون تنسحبون؟ عادي ماكو مشكله حبل المشنقه يحرب كال كلامه واضح يميل للسخرية مع الجنود اولائك لانه كان يعتبرهم اولاده
•رافد •عمو مُنير الله عليك لاتحلم بروسنه مستحيل نگدرلة وتعال لازم ننشگ حتى نعرف اسمه مو نوب نلقي القبض عليه
•مُنير • أسمه الحقيقي الكاسر وعمرة حاليا نهاية الثلاثينات ماعرف شي بعد الي اعرفة حزب الله عنده لقاء بي وانتوا مهمتكم تكشفونه
•شِهاب• سفرة للبنان؟
رد مُنير بالموافقه بعدها تسارع الجنود بالخروج والتحرر من السجن الي جانوا بي وبنفس القوت طلعوا والصدمة واضحه على وجوهم بعد الاسم الي هز اركان الوسط العربي الي هو •أبو طُبر • خرج شِهاب ورافد صديقة الي مأجرين بيت سوية ببغداد راكب سيارته وتنهد بتعب
•رافد • شهوبي اني خايف وكلش خايف
بعدني مملحگ افرح بتخرجي ولك بعد حتى ماغيرت اسم صفحتي مالت الفيس وكتبت أناقة عسكري وصرت ادور ثلاثينيات اجاني منيرو الخبيث بضيق تكلم رافد وابتاسامه جميلة تناسب وجهه الاشقر وأعينه الخضراء
•شِهاب •بربك كافي انته بكل وكت تتشاقه ولا عبالك عسكري وحيلا انته تشوه سمعت العساكر لا اكثر ونوب هاي السالفه مال رياجيل ماتلوگلك انته لطشت روحك بيه وداومت هنا على معدلك جان هسة مطلع قانون حالك حال حمودي •
