وانا على شوفتك مغرم وملهوف

الـبـارت7

راح نادر ينتظر عايلة ال تركي الي هو بنفسه راح يستقبلهم
وصلت سيارات عايله ال تركي الكل نزل
نادر كانت أنظاره عليهم:يا هلا فيكم بي المخيم
ناظر ابو عبدالله نادر أنصدم ماقدر يتكلم
ابو هاشم ناظر أبوه المنصدم استغرب
رجع أنظاره لي نادر :يأهلا فيك
نادر:جهت الحريم من هناك
هز راسه ابو هاشم ولف على الحريم:من هناك جهتكم
أم عبدالله:يلا ياحريم
مشو الحريم إلى جهتهم المخصصه
بقو الرجال
نادر :تفضلو
دخلو الرجال كانت عباره عن خيمه بي ديكور من نوع الحديث الفخم
مؤيد :ماشاءالله يعيال الخيمه تجنن كأنها بيت مو خيمه
عمر:اذكرك ربك
مؤيد:وأنا وش قلت مثلاً
هشام:يوهههه ياخي حياتكم مشاكل في مشاكل خلاص قام وطلع
انصدمو العيال
مؤيد:هذا وش فيه
سيف:مسوي ماتعرف هشام وعصبيته خليه الله يصبر زوجته إذا تزوج
خالد:هاذا إذا تزوج ماظنتي انه بيتزوج
عمر:ليه تراه إنسان أكيد راح يتزوج
مؤيد:لا ياغبي حتى لو كان إنسان اشر على قلبه وكمل:هذا إذا حب وعشق خلاص اعرف انه بيتزوج
عمر:يعيال عطوني اي شي ارميه عليه انت فاهي غبي تر مو كل الزوجات تمشي بحب ياغبي
مؤيد:إلا لازم حب ما قبل الزواج
عمر:لا مابعد الزواج
مؤيد:قبل الزواج
عمر:بلاه كيف قبل زواج بيكون شي محرم
مؤيد:يا فاهي أنا أقصد إذا عقدوا عقد القران فهمت
عمر وهو يمسك جزمته يرميها عليه شاف مؤيد انحاش لاكن مستحيل يخليه قام يركض وراه وبيده الجزمه
عمر بصراخ:تعالللل قرب إذا انت ولد أبوك
مؤيد بصراخ:أنا ولد ابوي أتحداك تمسكني
عمر:تتحدى تر مو بصالحك
مؤيد:أتحداك ونص بعد
عمر:صاير مستقوي أنا اعلمك كيف تستقوي على الي اكبر منك
مؤيد يضحك:يلا علمني لاكن إذا مسكتني
سيف وهو يناظرهم من بعيد ويضحك:مايحتاج فلم كوميدي عندنا توم وجيري
خالد :الحين يطلع عمي ابوهشام ويصفقهم تصفيق
وليد:عيال وش سالفته هشام من اول ماطلعنا من الفندق هو منفس
سيف:تصدق اول مره اسمع صوتك بي العاده كل ثلاث اشهر او أربع اسمعه
رفع حاجبه وليد وسرعان ما التفت لي مؤيد وهو يهرب من عمر
مؤيد بصراخ:الفزعه يا اخوانييييي
خالد:الله يكون بعونكم يا اخوانه
ضحك فهد وسرعان ماصرخ لان خؤيد طب عليه
مؤيد:فهددددد اتقذنيييييي منههههه
عمر:فهد احسن لك ماتسوي شي
ابعد فهد عنه مؤيد وعمر وراح بعيد يطقطق في جواله
مؤيد:متأكدين ذا أخ
عمر:فهد وسحب عليك من راح يفكني عنك الحين
مؤيد بابتسامة خبث على ضحكه:نو ناسي ياحبيبي ان عندي أخ ثاني أقوى منك أتحداك تمسكني هرب مؤيد لي وليد
عمر:تحسبني مارح امسك يهن امسك و أعلقك
مؤيد:هذا إذا مسكتني ،وليدددد النجدهههه أنقذني
خالد:دفاع مدني عشان ينقذك وبعدين وش النجده كل يوم طالع لنا بكلمه جديده
وليد:تعاللل ياخويييي تخبي وراي
مؤيد تخبى وره :داري محد ينقذني إلا اخوي وحبيبي
خالد :اقرب مثال حبيبي مره وحده
مؤيد:تر مو اول مره أقوله
سيف:اي صدقنا مرهه
مؤيد:أقول انقلـ
ماكمل جملته الا يمسكه عمر
عمر بابتسامة:ها أنا ولد ابوي ومسكتك تحسبني بخليك كذا لا ياحبيبي انت غلطان
خالد:جاك الثاني صارت عدوه بينهم
مؤيد بابتسامة خوف:حبيبي يا خالد أنا ماقصدي كذا أنت فهمتني غلط أنا قلت انت ولد أبوك ماقلت مانت ولد أبوك ركز ياحبيبي
عمر بجديه:اي صدقت
بجانب عمر كان فيه حبل ناظر عمر في الحبل وناظر مؤيد
مؤيد بخوف بعد ماعرف نيت عمر:لا عمر
عمر بخبث:لالا مافيه لا عمر قلت لك راح أعلقك
عمر علق مؤيد بواسط الحبل ربط يدينه مع رجوله وجاب باقي الحبل لفه على العمود
عمر بضحكه:اهههه يازين المتعلق
وليد بخوف على اخوه:يابن الحلال خاف على ربك وش هابد انت
سيف:الله الحين يجي محتوى ستريك بطللل
خالد:كل واحد مركز على أهدافه
طلع لهم ابو فهد وانصدم من الي شافه جاهم ركض
ابو فهد:وش عاملين بخوكم
عمر:لا معليك يا عم نعطيه درس عشان مره ثانية يعرف من يتحدى
ابو فهد:نزله لايشوفه ابوي يجلدكم مره وحده
التفت لي وليد وفهد وهز راسه بأسى من حالهم
لف ابو فهد على عمر:تعال نزله ياولدي
وليد:لا يابوي أنا أنزله معك أنا اخوه
استغرب ابو فهد كلامه وقرر بعد ماينزلون مؤيد يتكلم معهم
نزلو مؤيد طلب منه ابو فهد يتسامح مع عمر انه مايعديها إلا اخره
مؤيد وهو يتمدد:اخخ بس انربطت خمس دقايق رحت فيها اجل كيف لو طول اليوم
عمر:فا أحمد ربك لولا عمي كان خليتك
ابو فهد:مؤيد وليد فهد تعالو أبيكم
مؤيد:جاين يايبه اسبقنا
وليد:غريبه ابوي يبنا
مؤيد:يحلل معنا
فهد:عن ايش
مؤيد:ولله مادري بس تر عادي كل أسبوع ابوي يحلل معاي
وليد:عن ايش يحلل معك
مؤيد:خصوصيّات الاب وابنه محد يتدخل
وليد:أقول اعقل بس

عند قسم الحريم
حنان:واووو المكان وسيععع حيللل
ياسمين:لاحظت مرهه يهبل بلاه من اختاره
دلال:أكيد سيف ذوقه رفيع وحيل حلو
أشواق:بنات تتوقعون البنات راح يجون
هدى:أكيد راح يجون
حنان:تبون ندق عليهم
منى:بس عمي قال لاحد يفتح الجولات
ياسمين:ماعلينا نبي نطمن عليهم

عند البنات في السيارة
لين:ياربيييي متى بنوصل
هيام:تقريبا قربنا
وعد:تتوقعون احد فقدنا
هياء:تلقينهم مادرو عنك
هيام:الي ودي اعرف من الي قايل لهم يسحبون علينا
وعد:ولله يأختي مادري بس لو اعرف بذبحه
فجأة دق الجوال
هيام:بنات الجوال يدق
لين:ردييي
ردت هيام وكان فيس كام
ياسمين:هايييي بنات
وعد:ياسحبه ناسين ان عندكم أخت انتم
حنان:لا محد ناسي اساساً طول الوقت وحنا نفكر فيكم
هيام بسخريه:اي صدقت
أشواق:بنات بلا زعل بليززز
هياء:نو ياحبايبي انتم حنا نتعنى وتصير لنا مصايب وآخر شي تراضونا بكلمه
لين:صادقه محد فكر فينا دزو بس
هيام:مانعرفهم ولاتعرفون باي
سكرت بوجهم هيام
لين:يقلع أم الكذب الي فيهم
هياء:خليهم مارح اكلم ولا وحدة فيهم
وعد:بنات اعتقد أننا وصلنا
هيام:اي اساساً وصلنا
وصلو البنات عند بوابة المخيم
هيام:خلاص مدير الحساب على هشام ال تركي معلوم
السواق:اي معلوم مدام
نزلو البنات كل وحده معها شنطتها
كآن فيه اثنين عند الباب
تقدمت هيام لهم :لو سمحتوا افتحو البوابة لنا
الشخص1:مين انتم
هيام:مالك دخل افتح البوابة لنا
الشخص2:حنا مانعرفكم عشان نفتح لكم البوابة
تقدمت لين جمب هيام:افتحو البوابة وبس تر طلبنا صغير
الشخص1:وأنا ماني فاتح لكم
هيام:يليلل حنا من العايله الي حجزت اليوم
الشخص 1:طيب وش أسم العايله
هيام:ال تركي
الشخص 2:إلا صح طيب لازم نتأكد
جاء نادر الي سمع كل المحادثه
نادر:يازول افتح لهم البوابة
الزول:امرك
فتح الزول لهم البوابة
دخلو البنات قابلو نادر كان حاط الزقاره بفمه وصد علطول ونطق:من هناك مدخل الحريم
استغربو البنات انه دخلهم مع انه مايعرفهم لكن مايدرون انه يعرفهم