هل كَانت النَجوم شَبيهة لعيناكِ أم كَانت عيناكِ النجوم بذاتَها .

13

بعد اذان الفجر
ذياب : يبه اليوم بسري للجبهه
عقاب : دربك خضر وانتبه لنفسك ياذياب ولا تصير مثل سعد كل ما يجي منصاب أو مكسور
ذياب : يبه الله الي كاتبه بيصير
عقاب : ونعم بالله أي حزه بتسري
ذياب : بعد الفطور بسري بإذن الله
عزيز وهو يخز سعد : حتى يبه تعقد منك من كثر إصابتك وكسورك
سعد دف عزيز : امش بس ويالعضيدد انتبه لنفسك وربي يسدد رميكم
ذياب : ابشر يالعضيددد آمين يارب
عزيز : ذياب بتودع حبيبه القلب
ذياب : الله يذكرك بالجنه بروح أودعها بعد ما أودع يمه والبنات
محسن : خير ما تسوي ياذياب
بعد ما وصلو البيت راح يلبس ذياب بدلته العسكريه
قي المطبخ
حنان : الهنوف وين العريكه
الهنوف : يمه لسا ما خلصت الخبزه على الفرن
حنان : استعجلي هذا كله من السهر آخر الليل ديم خلصتي الشاهي
ديم : أي يمه خلصت والحين بحط السفره
حنان : استعجلي
ديم : من عيوني
حنان : تسلم عيونك
ذياب دخل المطبخ
ذياب : كيفك يمه
حنان : الحمدلله ياوليدي
ذياب : يمه اليوم بسري للحد
حنان : دربك خضر ياوليدي وربي يسهل رميكم
ذياب : آمين يمه
ديم : ذياب بتروح للحد
ذياب : أي ياقلبي
ديم : لا تروح راح اشتقلك من راح يفزعلي لو تهاوشت مع عزيز
ذياب : وأنا اكثرر يالمصلحجيه
الهنوف ضمته : ربي يحميك ياخوي راح نفقدك
ذياب : وانآ اكثر يالهنوف راح اشتقلك ياخويتي الهاديه
________________________________
ودعهم ذياب وتوجه للحد الجنوبي
امال تناظر من الشباك : ذياب ربي يسهل دربك بالحبيب

وقالت هذي الأبيات:

قالو توادع قلت يا صعب الوداع
وشلون أوادع من معه قلبي وديع
قلبي معه والسر من فرقاه ظاع
صحيح من يفقد زمام امر يضيع

جميله : امال يالله بنروح بيت عمك
امال : جايه يالغاليه
محمد : يالغاليه وش ذا الجمال طالعه أمك
جميله بغرور : أكيد بنتي بتطلع علي
محمد : يالله نسري عند أبوي
جميله : يالله

سامحوني على الأخطاء الإملائية💕💕