Unicode
ဖြောင်း!
"ဒီရူးကြောင်ကြောင်အတွေးတွေကိုဆက်မတွေးနဲ့တော့ လီဂန်းဟာ"
ကိုယ့်ကိုယ်ကိုတိုးညင်းစွာပြောရင်းကိုယ်ပါးကိုယ်ထပ်မံရိုက်ချလိုက်သည်။ တစ်ချက်ရိုက်တိုင်းပိုပိုနာကျင်လာပြီးမျက်ရည်များပင်ဝဲတက်လာသည်။
ဒါကသွေးထွက်တော့မလိုဖြစ်တဲ့အထိကိုဆက်ပြီးမရပ်မနားရိုက်နေခဲ့သည်။ မဟုတ်ရင်ကိုယ့်ရဲဘော်ရဲဘက်တွေကိုနာကျည်းမုန်းတီးသွားမှာကိုကြောက်မိတယ်။ အရင်ကသူတို့ပျော်နေတာကိုလိုချင်ပေမယ့် အခုချိန်သူတို့ကံဆိုးတာလိုချင်မိတယ်လို့ခံစားမိတိုင်း ပါးကိုအကြိမ်ကြိမ်ရိုက်လိုက်သည်။
"တစ်ယောက်ယောက်ကအမေ့ခံရရင်အရမ်းခံစားရဆိုးတယ်ဆိုတယ်ဆိုတာသိရဲ့လား အရူးကြီးရဲ့"
တစ်ယောက်ယောက်ကိုစကားပြောနေသလိုလုပ်ကာကိုယ့်ကိုယ်ကိုရေရွတ်ပြီးပြောမိသည်။ သူ၏တစ်ဖွဲ့တည်းသားတွေကကိုးရီးယားရဲ့အကြီးဆုံးအဖွဲ့အစည်း၃ခုရဲ့ခေါင်းဆောင်အသီးသီးဖြစ်ကြသည်။ သူတို့သာအမေ့ခံရမယ်ဆိုရင် ပြဿနာတွေအကြီးအကျယ်တက်လာလိမ့်မယ်။
ဘာပြဿနာတွေဆက်ဖြစ်လာမလဲခန့်မှန်းဖို့ကြာကြာတွေးနေစရာတောင်မလိုဘူး။ အကြီးဆုံးအဖွဲ့အစည်းခေါင်းဆောင်၃ဦးထဲက၁ဦးသာ လုံးဝလေလိုပျောက်ကွယ်သွားခဲ့ရင် အဖွဲ့အစည်းကသူတွေကသူတို့ဘယ်လိုဖြစ်တည်လာလဲ၊ ဘယ်လိုအခုချိန်ထိရပ်တည်လာနိုင်ခဲ့တာလဲ ဆိုတဲ့သမိုင်းများရှိတော့မည်မဟုတ်ဘဲ အဖွဲ့အစည်းလည်းပြိုကွဲသွားပေမည်။
ဒါကအဖွဲ့အစည်းတွေတွက်ပဲမဟုတ်ဘဲ ရှီယျောင်းအတွက်လည်းအတူတူပင်ဖြစ်သည်။ သူကဒီကမ္ဘာကြီး၏အဓိကဇာတ်လိုက်ဖြစ်သည့်အတွက်လုံးဝအမေ့ပျောက်ခံလို့မဖြစ်ပေ။
သူကအဓိကဇာတ်လိုက်မဖြစ်ရင်တောင် ရှီယျောင်းသည်ကမ္ဘာ့ပထမဆုံး SSအဆင့် hunterတစ်ဦးဖြစ်ပြီး သူ၏ဖြစ်တည်မှုကအခြားနိုင်ငံတွေဒီနိုင်ငံကိုလာရောက်မထိပါးစေရန်ခြိမ်းခြောက်မှုတစ်ခုနဲ့တူသည်။
ဘာပဲဖြစ်ဖြစ်ရှီယျောင်းကိုလုံးဝမမေ့ပျောက်ခံရဖို့မျှော်လင့်သည်။ သူ၏ခက်ထန်တဲ့အမူအကျင့်နှင့် လှည့်ဖျားတတ်တဲ့အကျင့်စရိုက်ရှိတယ်လို့ထင်ရပေမယ့် တကယ်တမ်းသူနဲ့ရင်းနှီးသွားရင် သူတော်တော်အထီးကျန်နေခဲ့တာကိုသတိထားမိသွားလိမ့်မယ်။