هلوووو حبايب كلبي شلونكم شخباركم اعذروني عل مقاطعه بس انا هل فتره حيل منشغله شوي عندي اشغال وضروف ومنا وهيج راح احاول انشر بين يوم ويوم بارت تدللون
#البارت الثاني الجزء الاول
@من انا
#الكاتبة كرستين
"تداهمك الأفكار جيوشاً ، وأنتَ فرد
امل"
جنت نايمه واحس اكو وحدة من بعيد دتصيح وتريد توصلني واكو شخص واكف يمي ويكلي الي تدوري عليي مجتاجج كعدت من النوم واني اصيح نرجسسسس علئ صياحي انفتح باب غرفتي وطبت عمتي و نسوان حموايني والكل يسالني من واستبرق واحمد طبو حجيت اني
امل وهيا تباوع ال احمد وتحجي ...........اني ادري انت متصدكني بس صدكني اني حلمت بشخص وهوا يصيح ويريد مساعدتي هاي بنتي اكيد هاي بنتي الي اخفوها عنا الاطباء
احمد بضوجه ............اهووو ولج انتي متبطلين يوميا نفس السالفه بربج ماعندج غيرها
ام احمد وهيا تتمسكن ..........شوف ابني هيا بس تريد تحط اللوم عليا انا ومرتك لان نحن جنا باقيين يمها بس مع الاسف عليج انتي لوبيج خير متحجين هيج
احمد ..........لٱ يوم شهل حجي والله اكسر راسها بس تحجي هيج
امل وهيا تبكي .........عيني اني ما اتهم احد بس داكللكم بنتي عايشه
ام احمد بصياح ..........شوف احمد ثاني مره اذا مرتك فتحت هل موضوع هل بيت اني ماابقئ بي. الطفله توفت وخلاص شنو كل حياتها وكالت بنتي وبنتي
احمد ..........امل منا وهيج اذا جبتي طارئي بنتج تحملين تشوفين باقي اطفالج واطلكج هم
امل سكتت لان ماعندي رد الهم اول شي اني اهلي كلهم متوفين بحادث وثاني شي ماكدر اترك جهالي الباقي. الكل طلع وبقيت وحدي تمددت واني ارجع لهذاك اليوم قبل 18 سنه اني من تزوجت احمد كان انسان فعلا ونعم الرجال والزوج بي كل الصفات الحلوة. بس اهلو ماحبوني وكانو دائما يغلطون عليي وهوا يدافعلي الا ان بيوم عمتي كالتلي خلينا نروح لهلج اليوم وجنت حيل فرحانه وصلتني عند اهلي ورجعت هيا بقيت يمهم اسبوع بعدها رجعت لل بيت اول ماطبيت اخوي جان جايبني انصدمت بمره غريبه كانت جميله الئ درجه كاعده يم رجلي دخلت وسلمت وهاي جانت عمتي تباوعلي بشماته وتحجي
ام احمد .......... ها يحلوة تعالي اعرفج علئ ضرتج
امل بصدمه وحزن ........شنووو
بعدها تعاركت ويا احمد وكلي والله امي الي كانت مخططه ومخليه احمد يوقع اوراق الزواج بحيله ومن يومها احمد تغير عليا وابتعد عني بهذيج الفتره حللت وطلعت حامل احمد من عرف رجع احمد القديم. بس جانو عمتي وضرتي طول الوقت يتعاركون وياي لان احمد رجع الي وترك هذيج واني جنت مسانده نفسي بااحمد وبيوم ولادتي احمد مجان حاضر وبوقته جان الجهاز مالته منكسر عود امو وضرتي اخذوني لل مستشفى بس من ولدت وصحيت كالو الطفله ميته وبقيت اصيح وابجي ومافاد وحتئ جابولي طفله كالو هاي بنتج ومن يومها لهسه اني ممصدكه بنتي ميته مع انه شفت جثتها
وحتئ جنا مقررين نسميها نرجس اخخ ياروح امج ياريت ارجع واشوفج لحضه وحده ماريد شي بل دنيا بعد
