نظرات محرمة (الفصل الثاني )

الجزء 1

#نظرات_محرمة          #الجزء_الثاني (الفصل الثاني)
#مواجهة
#وجدان_أصيل
#صفحتي على فيسبوك قصص لينا صبرينة           
الحلقة الحلقة الأولى
#بقلم_الكاتبةLina_sabrina

  

قدر الله ماشاء فعل ولا اعتراض على قضاء الله وقدره .درك عندي شهرين فالعدة وموت سامي مازال بالنسبة ليا صدمة لكن واقعي راح يعيشني صدمات تخليني نخرج من الفاجعة الأولى .
طول هادي الفترة من دار مانخرجش حتا عتبة الباب مانحطش رجلي فيها وسامي قبل مايموت خلالي دار ليا غير نخرج من العدة نروح باه نوقع على الإجراءات ومنها نغلقها ونروح لبلادي ماش راح نتخلى عليها تبقى هيا ريحة المرحوم والحاجة ليخلات يماه ونضال هاداك نهار المشؤوم يهيجو عليا هو بسباب انو سامي كان راح يريب الدروج وكان ناوي يقسم ويفصل الدار تاعي بدارهم لتحت والقاراجات يبقاو لاصقين مع داري وبإسمي وهادا الشيئ لي ماعجبهمش ودرك كل الاملاك ليسمح فيهم من قبل ليماه ولخاوتو راهم يجرو عليهم باه يوثقوهم ليهم  بإسمهم ويتقاسموهم على حساب القانون واش يقول وحرب راهي نايضة لتحت عليهم هوما المهم انا ماندي والو معاهم سيرتو دراهم لي فلابونك لمزية باع رزقو قبل مايموت صينو صح كون هبلو والمشكل ليوقعو فيه انو سامي اللقب تاعو ماش نفس لقب خاوتو وهنا صعبت عليهم لحكاية وهاد الامور كلهم توصلهملي نسرين بالحرف منها تشكي منهم منها تفرغ قلبها بصح انا حالتي ماهيش تسمحلي نخمم في هاداك الشيئ مخليتها ليام وتبان _صباح كيفتحت عينيا تقعدت حسيت دار تدور بيا هادا بسباب قلة الماكلة والإرهاق ماش ساهلة عليا واش راني نفوت وليت لا ماكلة لا شراب نوفتها غير بكى واكتآب.نضت وحكمت فالحيط حتا وصلت لدوش غسلت كي خرجت حسيت بحاجة غير طبيعية قلبي ماطمنيش بقيت نشوف غير مع الدار حكمتي رجفة خوف رحت لشمبرة قعدت على سرير .عندي كتر من شهر وانا نشم في ريحة القارو فالدار وحتى كاينة ريحة رجالية دايما نشمها فشمبرة ولبنات كيموالفين يجو يقوليلي ريحة القارو منين جاتك حتا شكو بلي راني نجبد في دخان تاع سامي وانا قلتلهم لا ممكن من برا برك تدخل من طواقي بصح درك حتا كاين تراب فالكولوار شغل عفصات تاع صباط ولبارح برك نسرين جات سيقتلي الدار منين جاني هادا تراب ؟؟ومرة على مرة نلقى روحي مغطية مليح ومرة نلقى قشي مفتوح ولا طالع على رجليا وفراشي ماش معدول .حطيت يديا على وجهي ونخلط فيه راح نهبل ماش عارفة واش راهو يصرا معايا فليل هادي مدة وانا متولهة لهادو الامور بصح ماكنتش حاطتهم في بالي قلت دواء مهبلني ويخليني ندير أمور بلا مانفيق لروحي وزيد البيابن متأكدة مغلوقين بصح ليوم شغل تكاكيت مع نفسي وافكار يطلعو ويهبطو وشكوك وظنون تراكمو داخلي زعما مايكونش كاش واحد راهو يدخل لدار فليل وانا راقدة وزيد كامل علابالهم لتحت بلي نشرب فدواء تاع رقاد ومفعولو قاوي يعني يدخل ليدخل مانجيب خبر لعمري ياربي استرني ونكون غالطة يارب .هزيت روحي فيريفيت البيبان كلش مسكر حتا طواقي قليل وين نفتح نحب نقعد غير فالضلمة وضوء لاثيلي برك.القصة كاملة في صفحة قصص لينا صبرينة.بقيت مشوشة لمدة عشر أيام كاملة وحبست دواء ورجعت نسهر وحاطة قدامي حديدة رقيقة وطويلة باه ادا شكوكي صح نقدر ندافع على روحي بصح خايفة كل ثانية تفوت عليا رعب بصح ماكاين والو صرا معايا لتم بديت نشك في نضال ممكن هو كان يدخلي ممكن عندو المفتاح باسكو هادي المدة هو ونسرين دارو آكسيدو بطونوبيل هو تكسر من رجلو وقاتلي فريال اصابتو خطيرة قادر يبقى عايب طول عمرو ونسرين جاتها الضربة فالراس وجروح في جسمها يعني آكسيدو كبير وسلكو منو بأعجوبة .عليها شكيت في نضال هو ليكان يدخل عليا درك لازم نصبر ونتأكد وادا كان هو اكيد ماش راح نسكتلو ومع هادا لازم ناخد إحتياطاتي __جات عندي فريال بقات تحاول فيا باه نهبط لتحت وفلخر قنعت روحي وهبطت غير على جال نسرين باه نشوفها .دخلت عندها لقيتها حالتها حالة وجها مجروح وراسها مربوط بصح تقدر تهدر وتمشي فاتت عليها على خير .المهم شفتها شوي وطمنت عليها وخرجت جيت خارجة سمعت صوت نضال وجبد آسمي .كلاني الفضول رجعت قلت اكيد حاجة تخصني وممكن نسمع حاجة ندير بيها احتياطي .كانو في بيت لقعاد جبدت روحي منين واحد مايشوفني على جنب كانت معاه يماه سمعتها قاتلو .يوووه تتزوح بوجدان نتا هبلت من عقلك _ لا هبلت لا والو باه نقدر نتحكم فيها لازم نعرس بيها وخلاص _نقدرو ناخدو الشيئ ليخصنا منها بلا تتزوجها _امي انا نقدر ندي كلشي عندها بصح حاب نتزوجها طفلة تعجبني _نتوما راح تقتلوني حتا جواد قالي نتزوجها مانخليهاش تروح عاجبتني _(وسعت عينيا من الهدرة ليراني نسمع فيها ) امي جواد فايق بيه من بكري كان يخزر ليها وواحد.ماجاب خبر ليه بصح جواد مايليقش بوجدان باسكو قادرة تمشيه كما تبغي كما كان سامي بصح انا ولدك نمشيها كما نبغي انا ونتي يعني نتحكم فيها _وكيفاه حابنا نتحكمو فيها طفلة راهي ماش ساهلة تلعبها عليها _شكون قالك نلعبها بيها انا عندي حاجة تخصها نخليها تركع عند رجليا وتحاولني باه نعرس بيها ومن وراها نخليها تركعلك نتي زادة ونرجعو نتحكمو فيها كما يحب خاطرنا _فهمني كيفاه ؟؟_ماتحوسيش تفهمي المهم وجدان راح نتزوج بيها ليوم ولا غدوا وهيا راح توافق بسيف عليها باسكو ماعندهاش حل خلاف وبعد مانعرس بيها اكيد نتمتع بمرتي كما اي راجل ونسلب منها كلشي تملكو بلا مانشرحلك كتر وبزايدة نسلب منها رزق سامي وكي نكره ونمل منها نرميها كي لكلبة برا الدار وبرا حياتي وحياتكم _واش دير بفضلة خوك خلي نزوجك مرا صغيرة وشابة ومن بلادنا ورزق خوك نحيهولها بطريقتك _لالا امي كلامي واضح وماش راح نتراجع ونستناها تخرج من عدتها و تفيق بروحها ونطلق سمي _قلبي رجف من واش سمعت رجليا ترعدو قلبي حاساتو راح يخرج من بلاصتو خليتهم مازالو يحكو وطلعت لداري ماقدرتش نزيد نسمع كتر من ليسمعتو غلقت الباب مليح ورحت لبلاصتي راح نهبل من عقلي هادا سور كاش ماناوي على آخرتي لازم نروح من باسكو هاداوين حسيت روحي مغلوبة وضعيفة_هزيت ثلقون ديراكت عيطت ليما هزت عليا خبرتها تبعتلي عمي يجي يديني باسكو مانقدرش نروح وحدي  وحتا الطيارة تطول بصح يما بدات في أسئلتها وقلبها مارتاحش لصوتي _يما ماتحوسيش تفهمي ابعتي سالم وعمي يجو يدوني من وكما قتلك بيعي حاجة من دهبك ومديلهم الدراهم المهم يجوني هادو اليومين كون نزيد نبقى في هادي دار كتر من هكدا متأكدة راح تصرى حاجة خايبة _وجدان خوفتيني عليك كاش ماصرا أحكيلي _يما مانيش نخوف فيك بصح محتمة نرجع لدزاير ليوم قبل غدوا وربي عالم بنيتي ماحبيتش نخرج من داري قبل ماتخلص عدتي بصح درك  محتمة عليا وكينجي نحكيلك كلشي يعيشك ماتضيعيش الوقت _ايه درك يجي عمك ونهدر معاه _ايه اهدي معاه وحدك __كوبات وهيا ماش مطمنة من جيهتي وماحبيتش نسبق نحكيلها الشيئ لي فيها يكفيها _هاديك ليلة كانت ساعتين تاع ليل ضلمة غير ضوء لاثيلي وانا ساهرة ونخمم بقات هدرتهم دور في راسي راح نجهل منها وانا هكداك سمعت حاجة تفتحت بقات وذني تسمع وعينيا موسعين كيتأكدت بلي باب تغلق الرعب مشالي في عروقي وصل لمخي خلاني نتصمر من الخوف ماش ساهلة تكون وحدك في دار ويدخل عليك واحد شعور مريب ويخليك تفشلي حتى باه تنوضي تدافعي على روحك بصح درت الكوراج ونضت وانا نرجف حتا هادا الانسان ليدخل نسمع في خطواتو غير تقرب من شمبرة .هزيت هاديك لحديدة ومشيت خطوات من غير وصلت للباب تواجهت معاه مقابلني كان لابس كلشي كحل وكاسكيت على راسو وفوقها كبوسة وشال في يدو من غير شفتو تصدمت فيه وسعت عينيا وفمي تعقد وتعقن ولحديدة طاحت من يدي منا جيت نستوعب ونزرب نغلق الباب لحق بيا طبعها ديراكت عيطت فرد عيطة بصح قدم ليا و سدلي فمي بيدو وحشرني فالحيط حتا راسي تخبط لثواني ماشفت والو من قوة الضربة _اشششش صوتك مانسمعوش اركحي عاقلة _كلش فيا فاشل ماقدرتش ندافع على روحي وتمنيت يكونو سمعوني من تحت ويطلعو ليا  _اسمعي درك نحي يدي عليك بصح ردي بالك تعيطي _بقيت غير نشوف معاه وفي ملامح وجهو ونظرة عينيه ليا لي كلها سم وخبث ومصدومة فيه واش يدير في داري وكيفاه دخل .نحا يدو عليا زربت هربت من قدامو باه نخرج ونهرب بجلدي وعيطت باه يسمعوني بصح هو حكمني وضربني كف طيحت وتخبطت على الحافة تاع لقوافاز والدم ديراكت رجع يشرشر من راسي فالأرض هزني من دراعي بالقوة وعاود حشرني فالحيط وانا حاسة بدمي هابط في وجهي وهو غير يشوف ليا وجهو شيطان حسيتو جاني بشخصية جديدة وكلو شر ونية فاسدة _واش دير عندي وفي داري واش من وجه عندك واش هادي الجرأة ليعندك . نتا آخر واحد خممت فيه دير حاجة كما هادي نحي يدك عليا وجعتني اطلقني واخرج ولا درك نعيط والله نلمهم عليك _ماش راح تسكتي وتركحي روحك نهدر معاك _واش تحتاج مني وزيد داخل لداري كيف السراق وفي نص ليل واش حاب مني _حابك نتي _واش قصدك واش دير بيا . شاف فيا من فوق لتحت _من لخر طامع فيك حاب نخليك تكوني ليا وكنت غير نستنا فالنهار ليساعدك ويساعدني ولا نقولك كنت نستنا فالليلة ليتجمع عينينا مع بعضهم _واش راك تهدر في عقلك راني مرت خوك ياكلب يارخيس خرجت كيفهم حيوااان .بديت غير نخبط فيه بيدي ورجليا ونسب فيه من غير صوتي قوا حكمني من رقبتي وعطاني زوج كفوف في وجهي وطلعلي عينيه ليفيهم خبث _مادامني ولد حرام وماش راجل درك نكمل على رخسي بعلاقة محرمة ليكانت قبل غير نظرة .ديراكت حكم الجبة ليكنت لابستها بيديه لزوج من فوق منين لقفالي وقطعها عليا من فوق لتحت بقيت قدامو كما خلقني ربي من هادوك زوج لابستهم من الشوك نزلو دموعي وحدهم وهو زادلي زوج كفوف وانا خلاص هنا فشلت صح والدوخة تدي فيا وتجيب عييت نستوعب واش دارلي طيحت على ركايبي فالأرض ونلم في روحي . هبط لعندي وحكم شعري بالقوة وهمسلي في وذني _قتلك من قبل الراجل يتلذذ بضعف الأنثى ونتي هكدا نحبك ضعيفة ومستعقلة ومهزومة ونهار ليوم نخليه ذكرى راسخة في داكرتك حتا نهار تموتي ونتي من ليلة هادي يسموك تاعي وتمشي على كلمتي ولا مايسمونيش أصيل .
                      
            صفحتي الرسمية على فيسبوك بإسم (قصص لينا صبرينة Lina sabrina)