Chapter 1
August 29, 2024
👨❤️👨Chapter 1 – တတိယဇာတ်လိုက်....မင်းကို အခွင့်အရေးပေးလိုက်မယ်....
သွမ့်လုပ်ငန်းစု၏ အထွေထွေဌာနချုပ် ရုံးအဆောက်အဦး
လူ့စွမ်းအားရင်းမြစ်ဌာနမှ လီလိလိက လက်ထဲတွင် စာရွက်စာတမ်းများ အထပ်လိုက် ကိုင်ထားပြီး ရုံးခန်းထဲ ပြေးဝင်လာသည်။ သူမက သူမ၏ထိုင်ခုံနား ရောက်သွားသည်နှင့် စိတ်လှုပ်ရှားမှုများ အထင်းသားပေါ်နေသည့် မျက်နှာဖြင့် ဖုန်းကောက်ကိုင်လိုက်သည်။ ထို့နောက် သူမက သွမ့်မင်းဆက် ပြည်သူပြည်သားနှင့် တပ်အရာရှိများ ဆိုသည့် စကားပြောဂရုကို ဖွင့်လိုက်လေသည်။
[ဒီကုမ္ပဏီရဲ့ ဝန်ထမ်းတွေက သူတို့ဘော့စ်တွေကို အတင်းတုပ်ဖို့ ဂရုထောင်ထားပြီး သွမ့်မိသားစုဝင်တွေကို တော်ဝင်မျိုးနွယ်တွေနဲ့ ခိုင်းနှိုင်း စနောက်ထားတဲ့ နာမည်ပါ....အဲ့ဒါကြောင့် သွမ့်မိသားစုခေါင်းဆောင်ကို ဧကရာဇ်...သားတွေကတော့ မင်းသားတွေလို့ သုံးနှုံးထားပါတယ်...]
လူ့စွမ်းအားရင်းမြစ်ဌာန- ရှောင်လီ : သတင်းထူး....ဧကရာဇ်ကြီးက ဒုတိယမင်းသားလေးကို မာကတ်တင်းဌာနရဲ့ လက်ထောက်ဒါရိုက်တာရာထူးကနေ ဖယ်ပြီး နယ်စပ်ဒေသကို ပို့တော့မှာတဲ့ဟေ့.....
[အရင်ခေတ်တုန်းက အပြစ်သားတွေကို ပြစ်ဒဏ်ချတဲ့အနေနဲ့ နယ်စပ်ဒေသဆီ ပို့လေ့ရှိတယ်.....ဒါကြောင့်မို့ သူမသုံးလိုက်တဲ့ " နယ်စပ်ဒေသ" က သွမ့်လုပ်ငန်းစုရဲ့ ကုမ္ပဏီခွဲတစ်ခုကို ပြောတာဖြစ်လိမ့်မယ်]
ဤသတင်းထူးက လုပ်ငန်းစုတစ်ခုလုံး၏ အဆင့်ဆင့်ကိုဖြတ်ပြီး လှိုင်းထန်သွားခဲ့လေသည်။ ဝန်ထမ်းပေါင်းရာချီက စိတ်ရှုပ်ထွေးသွားကြသည်။
ထောက်ပံ့ပို့ဆောင်ရေး- ရှောင်ကျောက်: တကယ်ကြီးလား.....နယ်စပ်ဒေသက အေးစက်ပြီး ခါးသီးမှုပြည့်နေတဲ့ နေရာနော်.....တော်ဝင်မင်းသားလေးရဲ့ နူးနူးညံ့ညံ့ ခန္ဓာကိုယ်လေးက အဲ့ဒီဒဏ် ခံနိုင်ပါ့မလား သိချင်မိသေးရဲ့....ဟီးဟီးဟီး....
စီမံဘဏ္ဍာရေး- ရှောင်ချန်: ဒီသတင်းက ရုတ်တရက်ဆန်လိုက်တာ....ရှောင်လီဇီ....ငါတို့နား မြင်းလို လာခုန်ပေါက်မနေနဲ့ဦး.....
YOU ARE READING
ML2နှင့်ML3တို့၏ဟက်ပီးအန်းဒင်း
RomanceDescription 👨❤️👨 Title - Male lead 2 and 3 Happy Ending သွမ့်ရှူးထုံက သူနှင့်နာမည်တူသည့် ဒုတိယဇာတ်လိုက်အဖြစ် နိုင်လိုမင်းထက် အချစ်ဇာတ်လမ်းတစ်ပုဒ်ဆီ ကူးပြောင်းသွားခဲ့သည်။ ဒုတိယဇာတ်လိုက်က ပလေးဘွိုင်းတစ်ယောက် ဖြစ်သော်လည်း ဇာတ်လိုက်မနှင့် တွေ့ဆုံပြ...