දෙ ඇස් 💗 [ Monthly Update ]

20. 💗

" යශ් අයියේ... "

" බෝලේ..."

" යශ් අයියේ ඔයාගේ ඇස් දෙක වටේ ගොඩාආක් කළු වෙලානේ... යශ් අයියා exam ඉවර වුණු ගමන් මෙහෙ එන්නකෝ මන් facial එකක් දාලා දෙන්නම් හොඳද... "

" බබාට ඒවත් පුළුවන් ද?"

" ඕනේ... මායි නැනී එකතු වෙලා Natural face mask එහෙම හදල මූණට දානවනේ... යශ් අයියා දාලා නැද්ද ?"

" අම්මිත් හිටපු ගමන් ඇඳගෙන ගිහින් එක එක ඒවා යශ් අයියගෙ මූණට දානවා නන් තමයි. "

" අම්මි යශ් අයියගේ මූණට ඒවා දාලා test කරලා බලනවා ඇති. "

" අම්මි එහෙම කරන්නෑ නෙතූ... "

" නැත්තේ කොහෙද යශ් අයියේ... මන් එහෙම ටික් ටොක් ගොඩක් දැක්කනේ... "

" ටික් ටොක් ? නෙතූ කොහෙන්ද ටික් ටොක් බලන්නේ ?"

ඔන්න ඔන්න කපටි මූණක් හදාගෙන ඉන්නවා කපටි කෝලම.

" මේ... නෙතූට පාළුනේ යශ් අයියේ... පාළු වෙලාවට බලන්න ඉතින් නෙතූ හදාගත්තේ... යශ් අයියේ මන් ගොඩාක් ඒවා සේව් කරන් ඉන්නේ... යශ් අයියා මෙහෙ ආවම අපි දෙන්නම ඒවා ට්‍රයි කරමු හොඳද ?"

" හොඳද ? හොඳ නෑ නරකයි. මන් මොකක්ද නෙතූට ෆෝන් එක දෙද්දිම කිව්වේ... ආ... "

" බනින්න එපානේ යශ් අයියේ... ඔයාගේ යාළුවොත් අහගෙන ඇතිනේ... "

" කරපු නෝටි වැඩ ඔක්කොටම හරියන්න අල්ලගන්නම්කෝ මම. ඒත් බබා මම ඔයාට දාන්නේ whatsapp package එක විතරනේ... ඕව බලන්න data කොහෙන්ද ?"

" නැනීගෙන් දවසට card එක ගාණේ ඉල්ල ගන්නවා ඉතින්. නැනී එක පාර ගොඩාආක් ගෙනත් තියාගන්නවා නේ... බනින්න එපානේ යශ් අයියේ... "

" ම්ම්ම්... "

මමමනේ ඉතින් නොදරුවෙක් අතට ෆෝන් මඟුලක් දීලා ආවේ. නොදරුවෙක් නෙමේ මේකනන් හැබැයි කොලු තාත්තෙක් !

" කෝ යශ් අයියේ අර අයියලා දෙන්නා. සද්දයක් වත් නෑනේ... "

" එයාලා නිදි බබා. "

" අපෝ... මෙච්චර වේලාසන. බලන්නකෝ යශ් අයියේ නෙතුත් තාම ඇහැරිලානේ... ඔය කැත අයියලා දෙන්න නම් කම්මැළිම කම්මැළියෝ දෙන්නෙක්නේ යශ් අයියේ... පාඩම් කරන්න ඇවිල්ලත් දොයිද ? යශ් අයිය නන් එයාලා ගාව නිදියන්න එපා හොඳද... "