مَابيه حِيل أخِذ نفس
مَاعِندي وَاهِس لِلحَچي
مِن برّة تِلگاني أبتسِم
ومِن جوّه اطِك مِن البَچي
مَابيه أكمِّل هَالدَرُب
تعبَان ، خلوني أنتِچي .
نجمه: خلاص مامه راح اغسله واضمده ماكو داعي للخياط كله كم يوم ويختفيي اثره...
ام نجمه: ولج ماما والله راح تلتهب ماعليج بكلام ابوج هسه اخوج علي ياخذنه...
نجمه: ماما كافي ماريد اروح...
صعدت ليفوك طبيت للحمام غسلت رجلي وعقمتها وضمددتهاا وطبيت للغرفه بداخلي بجي حيل هواي مخزنته باله هاذه ابو اكو هيج اب يحجي على بنته
سبحان الله....
خل اكعد شويه ادرس عندي متحان باجر
كعدت اقرهه هواي الى ان تعبت لميت كتبي ونزلت اسويلي اكل لأن جعت
شفت وفاء صافنه مدري شبيهاا
نجمه: وفاء ليش صافنه بيمن تفكرين؟
وفاء: هاا لا ماكو شي مافكر يمعوده شبيج؟
نجمه: تمام راح اصدك
.. اكلج تعالي وياي للمكتبه علي راح ياخذني محتاجه كم غرض مناك ومنها هم تغيرين جوو.
وفاء: ولو مالي خل... بس راح اقبل..
نجمه: يله گومي حضري نفسج؟
رغم رجلي توجعني بس غلست اهم شي اغير جوو ونسه الي صار..
رحت حضرت نفسي لبست حجاب اسود وجبه
ولكيت وفاء لابسه جبتها وحجاب بيجي
طلعنه علي منتضرنه يم الباب طلعنه ولكينه يمه ولد نفسه الي شفته من رجعت من المحل
علي بضحك: حبيبي والله لعد ما گلت جيت لهل منطقه عيب عليك صديقك من الطفوله متكولي جنت بعيد عليه...
_ مالحگت والله يله شكلك عندك شغل مع السلامه غير مره نسولف...
علي: تجي وياي اعرفك عل منطقه مناا خاف متعرف الأماكن؟
_اي والله ياريت.
علي: يله تعال وياي حاخذ البنات للمكتبه تعال وياي حبيبي بعد ماعوفك لو تموت ههههههه صمله عليك.
_بعد گلبي اخويه انتِ
عرفت من كلامهم انو هاذه الشاب هوه صديق اخويه علي من زمن الدراسه جانو سوه من كلام علي جان يكول عندي صديق حيلل عزيز على كلبيي وعرفته هاذه الولد
همه يمشون گدامنه وخنى وراهمم نباوع منا ومنا اجواء تخبل واني بس اصوررر الغيوم ولهلال
حيل احب الغيووم طبينه مكتبه كلنه اني و وفاء رحنه بجها وهمه بجها
عجبني كتاب لفت نصري اسمه الدعجاء ردت اخذه وجان طخ ايدي بيد واحد رفعت عيني اشوف منو طلع صديق اخويه
أنت تقرأ
قيل أن الدعجاء لشدت سواد عيونهاَ
Actionممكن تعليقاتكم وتفاعلكم ويانه بالروايه يمكن بعض الأخطاء الأملاءيه اعذروني مانتبه اكتب بسرعه
