الدوامة السوداء

مقتطفات

ملاحظة: القصة حقيقية لكن بيهة مشاهد
رعب اكثر اللي يخافون انصحكم بعدم
قراءتهة

بقلمي الكاتبة: اسراء علي

الرواية تحتوي على مشاهد عنف
+
الرواية بين الماضي والحاضر
+
تدخل بعض الكلمات والجمل الفصيحة على
السرد

مقتطف (1)

بعد مدة ماعرف شگد صحيت على وجهة من
شفتة نزيت من مكاني مرعوبة وأني أشوفة
واگف گبالي وجهة عبالك مو من البشر عبالك
شيطان، وحش، ماعرف بالضبط شلون اوصفة

چان وجهة مطعون لونة أزرگ ويضحك ضحكة
شيطانية صرت ارجف بمكاني احس نفسي
انشليت حاولت أبتعد من عدة ردت أگوم ماكو
ماگدرت واني اباوع علية وجهة مابي ذرة
من الرحمة خفت وگمت اصيح على امي

_ ماما وينچ حبابة ساعديني

ما چان اي شخص يرد علية وين راحت امي
مو توهة چانت يمي وين راحت معقولة سوة
بأمي شي معقولة گتلهة حچة بصوت جمهر
بالمكان صوت عالي احس أذاني انشگت

_ رجعت وراح أدمركم انتي وأمچ

_ شتريد من عدنة عوفنة بحالنة ما كافي
قتلت اخواني تريد ترجع علية اني وامي

صرت اصرخ بصوت عالي وهو يتقرب مني
فتحت عيوني حيل

مقتطف(2)

مر بعض من الوقت واني منزل راسي أباوع بمبايلي
فزيت على صوت صراخ  عبالك واحد جاي يعذب واحد چان الصراخ عالي رفعت راسي اباوعهة البنية تبچي وتصرخ وتملخ بإديهة تريد توخر الكانونة اللي چانت بإيدهة

ركضت عليهة حاولت ألزم ألزمهة بس ماكو چانت
تتلاوة وياي ومثل الفاقدة البنية مو طبيعية صرخت
على الممرضات اجو وياهم ممرضين هم لزمهة وضربوهة ابرت مهدأ وأمهة واگفية يمي
تبچي

مرت فترة قصيرة هدأت وبدة صوتهة ينخفض
تدريجيا الا أن اختفى تماماً صار اشبه بالهمس
وكلمات تخرج من شفتهة غير مفهومة عيونهة
صارت تنفتح وتنسد وهي مستلقية على السدية
وبعدهة غمضت عيونهة