روز
نزلت جوة شفتهم گاعدين من ضمنهم زليخه زليخه الوحيدة الي اعرفهة او شايفتهة قبل يعني هم كلهم مشايفتهم قبل رحت گعدة يمهة
:- شبيج انتِ وادجن
:- شبينه
:- عمتي اتگول متعاركين
:- عمتج هم طاگلهة فيوز بغاسهة
:- صدك يعني مامتكاونين
:- لا وين
:- لعد شو نزلتي
:- ديخابغ كتلني الملل وجيت
اهل ادجن گاعدين يحجون بمواضيع عامه وجناينهم يفترن هنا وهنا يسون غدا وينضفن واني گاعدة وصافنه عليهم شوي وطبت مرة تشبهة ام ادجن
اول مطبت صاحت
:- هاي العرروسس يمه تعاي احبچ حبة
رحت عليهة باستني طلعت الحبة بوسة
جرتني گعدتني يمهة لازمة ادية ودحگلي ومبتسمه
:- يمه چا انتِ هلحلاتج الله مصلي على محمد كل السنه هيج يخبلون يمه چا العالم شبيهة
ام ادجن :- من خطبناها لحد الان لابسه عدسات
:- لا لا شوفيهن عويناتهة يخبلن حقيقيات
نزل ادجن وهي كل شوي تجر وجهي وتبوسني
:- يمه يحفظج علي شهلـ جمال والله بس ادجن بيكم عرف يختار
اني الابتسامه من اذن لاذن ادجن يخزر ايريد يكاون واني مو يمه هاي دتغزل منو بحال ادجن
:- يمه تحفضج الزهرة شهلـ جمال لو ما متزوجه اخذج لوليدي
ادجن :- ترة رجلهة گاعد هنا مو مگرن
:- دعاين شوف العيون البياض الشعر الشفة عاين الغمازة انتِ عفتي الزلم كلهة واخذتي هذا الاسيود والله يعمه انتِ ماعندج ذوق
:- مو صحيح اني احلة منو
حجيت هيج علمود امو تنغث باهر يظحك ويدحك لادجن يهزلة راسو وامو تخوزر
:- اي والله ما يستاهل
ضحكتلهة طب ابن اخو ادجن راسو كلو دم كلهة جمدة امه تبجي وتصيح
:- ييمهه ابنني
گمت علية اريد اشوف مصدر الدم تلمست راسو مبي شي سليم
:- لا مو اني مو اني
ادجن :- لعد منو منين الدم
:- هذا وليد گالي امك *** بيك وكتلته
:- عفية اريدك هيج
انصدمت ادجن يأيدة مو لهل درجه
:- عزهه لك لا ميصغ تضغبو هيج بلة مات شتگول
:- لعد شكله غير يفشر
باهر :- روز اتگلة شيت اب
:- اكسغ غاسو
