ابـــيـك الـــعــمــر كـــلــه ويشـــهـــد الله انــي احـــبك

البارت 1

يوم الخميس الساعه 6:30 عند شما
نشت من شبريتها وسارت* الحمام الله يكرمكم * خذت شور ولبست بنطلون جينز ابيض وسيع و تيشيرت توب حطت لها مسكره و بلشر و روج خفيف لبست عبايتها الكحليه و شيلتها وسارت تحت عند امها وابوها

شما وهي نازله من الدري: صباح الخير ماما بابا شحالكم
ابو شما و ام شما : صباح النور الحمدلله انتي شحالج
شما : دامكم بخير أنا بخير يلا بايييي
ابو شما: ها ها على وين؟ يلسي كلي لج شي
شما : بسير عند يدوه و عقب بمر على هندوه ونسير الجامعه
ابو شما : عيل الله يحفظج
ام شما : سلمي على يدتج
شما : يوصل
سارت شما عند يدتها

***********
عند هند
نشت خذت لها شور لبست بنطلون جينز مع قميص ابيض و سوت مسكره وروج وبلشر لبست عبايه بيضاء و شيله بيضاء سارت توعي ذياب حق دوامه

هند : ذياب يلا قوم بتتاخر على دوامك ذيابوهههه قوم
ذياب بعصبيه : هااا كاني قمت سيري لا أيج
هند : امبيه دفش بسير بسير
نزلت هند سلمت على امها ما حصلت ابوها لانه سار الدوام
هند: تأمرين على شي امي بسير بيت يدوه
ام ذياب : سلامتج وعيتي ذيابوه ؟
هند : هيه الحين بي
************
نزل ذياب ب الدريس حق الشرطه و حب امه على راسها
ذياب : صبحج الله بالخير يا الغاليه
ام ذياب صبحك الله بنور يلا سير تريق
ذياب : لا امايه بسير صوب يدوه
ام ذياب : هيه عيل تريق عدل مناك ها
ذياب : ان شاءالله
طالع ذياب في هند وقال : وانتي شو هالعباه الخايسه شو هالون
هند : شو يخصك انت ماما عايبها اللون
ذياب : آخر مره تلبسي هاي العباه
هند بتسليك : اوكي اوكي
وسارو ذياب وهند عند يدتهم
تلاقو هند و شما

شما : هندوه شتقت لجججج
هند : شموه أنا اكثرررر شحالج شو مسويه من مصايب
شما : الحمدالله حرام عليج والله اني مسكينه
هند : هيه هيه مسكينه انتي ماتين بيت يدوه إلا إذا فيه مصيبه
شما : جب جب كل يوم أنا هني اصلا
هند : هيه هيه
شما : يلا ندش يوعانههه
ذياب : احمممم
شما توها تنتبه ل وجود ذياب : اوه سوري ما نتبهت
ذياب : لا عادي شحالج شما
شما: الحمدالله انت شخبارك
ذياب: الحمدالله يلا ندش
دشو كلهم الثلاثه بيت اليد
اليده : هلا والله بأحفادي هلا والله ب شموه
شما : هلا والله فيج يدوه شتقت لج
هند : ليش بس شموه وانا مب حفيدتج
اليده : هيه بس شموه غيرر
شما : موتي قهررر يا الغيوره
هند : جب جب أنا أغار منج ليشش
شما : يدوه تقول لي جب يرضيج
اليده : لا طبعا هندوه شو هاي الرمسه
هند : يدوههه ما سمعتيها شو قالت
اليده : خلاص سيرو تريقو و بعدين على الجامعه عورتو راسي
هند و شما : حاضر
ذياب : يهال يهال والله
شما : انت جب
ذياب : شو شو قلتي
شما : قلت جب شو بتسوي
هند : هههههههههههههههههههه
ذياب : حترمي الي اكبر عنج
شما : زين زين يدوههه
اليده : بلاج تزاعقين اسمعج ترا
شما : شرايج نسير باجر العزبه و انام مناك !
اليده : بشوف يدج و بقول لكم

*على طاولت الطعام **
هند : كم الساعه ؟
ذياب :7:30
شما غصت ويلست تكح
اليده : بسم الله عليج عطوها ماي
هند : ندوج ندوج
شما بعد ما شربت الماي : كم الساعه ؟
ذياب :7:30
شما قامت تركض برا : هندوه يلاا عندي امتحان بتاخر
هند قامت : كاني وراج يلا يدوه ذيابوه مع السلامه
ذياب اليده : الله يحفظكم
بعد ما راحو البنات
ذياب : مخبل والله
اليده عطته نظره
ذياب : بسم الله عيل أنا استاذن
اليده : الله وياك

تسريع احداث خلصو من الجامعه وردو بيوتهم و شما سوت الامتحان عدل