بـاب حـجـر

١

بــسـم الـلـه الـرحـمـٰـن الـرحـيـم

#باب حجر

بقلمي:-حنين سجاد

ممكن تصويت+تعليق+ومتابعه لحسابي

‏العِشتهن وحَدي محد مَار بيِهـن !

....

كعدت الصبح غسلت وجهي وبدلت ملابس المدرسه ونزلت تريكت على السريع وطلعت

شفت حيدر ينتضرني ابتسمت ورحت حضنته

-صباح الخير

حيدر:-صباح الورد والياسمين يله اصعدي على السريع اليوم يمكن ما اجي عندي شغل

صعدت واني احجي ويا
-يااا شنو شغلك مو ذلك اليوم نزلت

حيدر:-عندي شغل لازم اسوي

هزيت راسي ما اريد الح بالكلام وصلني للمدرسه ودعته وراح

طبيت للمدرسه شفت زهراء صديقتي
زهراء:-ولج آن هاذا منو

آن:-حيدر ابن خالتي

زهراء:-ياااا هاذا الي دكولين عنه راح يصير خطيبج

آن:-ايي

زهراء:-والله حلو

آن:: انجبي ترا اغار

زهراء:-اويي

ضحكت وهي هم طبينا للصف وبدأ الدرس

...

بعد ما خلصنا الدروس طلعت اني احجي ويا زهراء شفت حيدر منتضرني

ودعت زهراء وركضت على حيدر
حيدر:-هاا شلونها المدرسه

آن:-زينه الحمدلله

صعدت وطول الطريق ساكتين
حيدر:-احم آن انتِ يعني مقتنعه نزوج؟

آن:-شهل سؤال اكيد ايي

بلع ريگ ومسح وجه وصلنا للبيت هو راح لبيتهم قريب عن بيتنا

طبيت للبيت سلمت على ابويه وامي واخويه
رحت سبحت ولبست دشداشه

نزلت تغديت ومن كملت غسلت مواعين الي اكلت بيهن ورحت لغرفتي اقرة

واستمر الوضع هيج وتصرفات حيدر غريبا
كام ماا يجينا ولاا يحجي وياي مثل قبل

ومن احجي ويا يهرب مني استغربت منه وبنفس الوكت اتنرفزت

ويوم من الايام جنت كاعدة بيت خالتي الي هي ام حيدر

آن:-خاله اشرب ماي واجي تريدين؟

ام حيدر:-لاا حبيبي تسلمين

هزيت راسي ورحت للمطبخ اخذت الدولكه وشربت ورجعتها بالفريزن